மேரா நாம் ஜோக்கர்!

வணக்கம்,

சமீப காலமாக அ.கொ.தீ.க.வில் இரங்கல் செய்திகளாக வந்து கொண்டிருப்பதை நீங்கள் கவனித்திருக்கலாம்! அதிலிருந்து மாறுதலாக இரு மகத்தான ANNIVERSARY-களை முன்னிட்டு சிறப்பு பதிவு!

ANNIVERSARY – I:

தலைப்பைப் பார்த்தவுடன் உங்களுக்கு விளங்கியிருக்கும்! 14-12-2009 இந்திய சினிமாவின் பிதாமகர்களில் ஒருவரான அமரர் ராஜ் கபூர் அவர்களது 85-வது ஆண்டு நினைவு நாள் ஆகும்! சார்லி சாப்ளின் பாணியிலான அவரது ஆரம்ப கால திரைப்படங்களை உலகம் போற்றினாலும், அவரது தலைசிறந்த படைப்பாகக் கருதப்படுவது மேரா நாம் ஜோக்கர் எனும் காலத்தாலழியா திரைக்காவியமாகும்!

அவர் ஒரு தீவிர காமிக்ஸ் ரசிகர் என்பது பலரும் அறியாதது! நமக்கு மிகவும் பரிச்சயமான இன்ஸ்பெக்டர் ஆசாத் காமிக்ஸ் கதாபாத்திரத்தை தழுவி அவர் ஒரு திரைப்படம் எடுக்க எண்ணியிருந்தார்(ஆதாரம்: டைம்ஸ் ஆஃப் இந்தியா)! ஆனால் காமிக்ஸ் ரசிகர்களின் துரதிர்ஷ்டம, பாபி திரைப்படம் சூப்பர்-டூப்பர் ஹிட்டாகிவிட, இந்த முயற்சியில் அவரது நாட்டம் குன்றியது! பாபி திரைப்படத்தில் கூட அவர் மிகவும் ரசித்த ஆர்ச்சி காமிக்ஸ் (நமது இரும்பு மனிதன் அல்ல) பாதிப்புகளைக் காணலாம்!

தன் வாழ்நாள் முழுவதும் தன் துயரங்களை மறைத்து நம்மை சிரிக்க வைத்தவர் ராஜ் கபூர்! மேரா நாம் ஜோக்கர் அவரது வாழ்வில் நிகழ்ந்த இந்த IRONY-ஐ திரவடிவில் நமக்குத் தந்தது! அந்த மேதையின் நினைவாக நாம் படித்த காமிக்ஸ்களில் நாம் கண்ட சில வித்தியாசமான ஜோக்கர்களைத் தொகுத்து வழங்குவதே இந்த பதிவின் நோக்கம்! 

ANNIVERSARY - II:

தனது வலைப்பூவைத் தொடங்கி ஒரு வருடமாக வெற்றிகரமாக செயலாற்றி வரும் நமது அயல்நாட்டு அ.கொ.தீ.க. தலைவர் திரு.கனவுகளின் காதலன் அவர்களை இந்தத் தருணத்தில் வாழ்த்தி அவருக்கு இந்தப் பதிவை சமர்ப்பிக்கிறேன்!

அவரது ஆண்டு மலர் பதிவினைப் படிக்க கீழ்கானும் சுட்டியைப் பயன்படுத்தவும்!

• http://kanuvukalinkathalan.blogspot.com/2009/12/xiii.html

கொலைகாரக் கலைஞன்!

முத்து காமிக்ஸ்-ல் அறிமுகமான இந்த கோமாளி இருமுறை மறுபதிப்பும் செய்யப்பட்டிருக்கிறான்! நண்பர் முத்து விசிறி இது குறித்து ஏற்கெனவே சிறப்பாக பதிவிட்டுள்ளார்! படிக்க கீழ்காணும் சுட்டியைப் பயன்படுத்தவும்!

• http://muthufanblog.blogspot.com/2008/07/kolaikaara-kalaigan-this-first-ever.html

என் பங்குக்கு வெறும் அட்டைப்படங்களுடன் சிலபல சுவாரஸ்யமான தகவல்கள் மட்டும் வழங்குகிறேன்!

	ஆங்கில மூலம்	முதல் பதிப்பு	இரண்டாம் பதிப்பு	மூன்றாம் பதிப்பு
அட்டைப்படம்
புத்தகம்	ASSASINS ANONYMOUS	கொலைகாரக் கலைஞன்!	கொலைகாரக் கலைஞன்!	கொலைகாரக் கலைஞன்! + விண்ணில் மறைந்த விமானங்கள்!
இதழ்	FLEETWAY SUPER LIBRARY	முத்து காமிக்ஸ்	முத்து காமிக்ஸ்	காமிக்ஸ் க்ளாசிக்ஸ்
#	SECRET AGENT Series No.5	009	161	015
தேதி	MARCH 1967	DECEMBER 1972	AUGUST 1987	JUNE 2004
பதிப்பகம்	FLEETWAY PUBLICATIONS	முத்து ஃபைன் ஆர்ட் பப்ளிகேஷன்ஸ்	முத்து காமிக்ஸ்	பிரகாஷ் பப்ளிஷர்ஸ்
அச்சிட்டோர்	GIBIEMME MILANO, ITALY	முத்து ஃபைன் ஆர்ட் பப்ளிகேஷன்ஸ், சிவகாசி	A.M.தியாகராஜன் சிவகாசி	தி விஜய் புக்ஸ் சிவகாசி
ஆசிரியர்	???	முல்லை தங்கராசன்	M.சவுந்திரபாண்டியன்	S.விஜயன்
நாயகர்(கள்)	JOHNNY NERO	ஜானி நீரோ & ஸ்டெல்லா	ஜானி நீரோ & ஸ்டெல்லா	ஜானி நீரோ & ஸ்டெல்லா
கதை	???	???	???	???
ஓவியம்	???	???	???	???
தமிழில்	-	முல்லை தங்கராசன்	முல்லை தங்கராசன்	முல்லை தங்கராசன்
பக்கங்கள்	132 (B&W)	132 (கருப்பு வெள்ளை)	132 (கருப்பு வெள்ளை)	244 (கருப்பு வெள்ளை)
சைஸ்	13cmx18cm	13cmx18cm	10cmx14cm	9.5cmx13.5cm
விலை	1/6d	90 PAISE	ரூ:2/-	ரூ:10/-

ஒரே குழுமத்தைச் சேர்ந்த ஒரே புத்தகத்தின் பல்வேறு பதிப்புகள் பல பெயர்கள் கொண்ட பதிப்பகங்கள், மற்றும் பதிப்பாசிரியர்களால் வெளியிடப்பட்டிருப்பதைக் கூர்ந்து கவனிக்கவும்! நமது அபிமான காமிக்ஸ் குழுமத்தினரின் பதிப்புலக சரித்திரம் அவர்கள் வெளியிடும் காமிக்ஸ் போன்றே மிகவும் சுவையானது! என்றேனும் ஒரு தினம் இது குறித்து தீவிர ஆய்வுகள் மேற்கொண்ட பின் அதைப் பதிந்திட முயல்கிறேன்!

கொலைகாரக் கோமாளி!

திகில் காமிக்ஸ்-ல் வெளிவந்து பிரபலமான கறுப்புக் கிழவியின் கதைகள்-ல் ஒன்று! இதன் ஆங்கில மூலத்தை உங்களுக்கு வழங்குகிறேன்! படித்து மகிழுங்கள்!

கதை	THE LAST LAUGH	கொலைகாரக் கோமாளி!
தொடர்	GRIMM’S GHOST STORIES	கறுப்புக் கிழவியின் கதைகள்
இதழ்	GOLD KEY	திகில்
#	5	49
தேதி	AUGUST 1972	DECEMBER 1990
பதிப்பகம்	WESTERN PUBLISHING COMPANY, INC.	பிரகாஷ் பப்ளிஷர்ஸ்
அச்சிட்டோர்	WESTERN PUBLISHING COMPANY, INC. – NYC - U.S.A.	தி விஜய் புக்ஸ் சிவகாசி
கதை	???	???
ஓவியம்	???	???
தமிழில்	-	S.விஜயன்
பக்கங்கள்	6 (COLOR)	6 (கருப்பு வெள்ளை)
சைஸ்	B5	12cmx16cm
விலை	15c	ரூ:2/-

சிங்கத்தின் சிறுவயதில் – கறுப்புக் கிழவி ஸ்பெஷல்!

கறுப்புக் கிழவி குறித்து சிங்கத்தின் சிறுவயதில் தொடரில் ஆசிரியர் திரு.S.விஜயன் அவர்கள் வழங்கியிருக்கும் சுவாரஸ்யமான தகவல்களையும் இத்தருணத்தில் உங்களுடன் பகிர்ந்து கொள்கிறேன்!

ஜோக்கர்: 

காமிக்ஸ் கொலைகாரக் கோமாளிகள் பற்றி குறிப்பிடும் போது இவரை நாம் மறக்கவே முடியாது! அவர்தான் பேட்மேன்-ன் பரம வைரியான ஜோக்கர்!

இவரை தமிழுக்கு அறிமுகப் படுத்திய நமது அபிமான ஆசிரியர் திரு.S.விஜயன் அவர்களுக்கு இந்த சமயத்தில் நம் எல்லோரின் சார்பிலும் பாராட்டுக்களைத் தெரிவித்துக் கொள்கிறேன்!

ஜோக்கரின் பல்வேறு அவதாரங்கள்!

ஜோக்கர்-ஆக திரைப்படங்களில் தோன்றியவர்கள் இருவர் ஆஸ்கார் விருது பெற்றுள்ளனர் என்பது குறிப்பிடத்தக்கது! ஜோக்கர் பற்றிய அனைத்து தகவல்களையும் ஒரே பதிவில் வழங்குவதென்பது இயலாத காரியம்! ஆகையால் இப்போதைக்கு தமிழில் வெளிவந்த ஜோக்கர் கதைகளின் பட்டியல் மற்றும் அட்டைப்படங்கள் மட்டும் உங்கள் பார்வைக்கு!

திகில் காமிக்ஸ் # 21 சிரித்துக் கொல்ல வேண்டும்! (SEPTEMBER 1987)	திகில் காமிக்ஸ் # 28 பழி வாங்கும் ஜோக்கர்! (APRIL 1988)	திகில் காமிக்ஸ் # 31 (JULY 1988) பழி வாங்கும் ஜோக்கர்! – படலம் 2 (மரணத்தின் பல முகங்கள்!)	திகில் காமிக்ஸ் # 54 சிரிக்கும் மரணம்! (NOVEMBER 1991)

இது குறித்து பின்னொரு நாளில் விரிவான பதிவொன்றை இடுகிறேன்! அதுவரை பொறுமை காக்குமாறு அன்பர்களை வேண்டிக்கொள்கிறேன்!

போனஸ் - ’NUFF SAID:

வெகுமதி!

நெடுநாள் கழித்து மீண்டும் ஒரு வெகுமதி! போட்டியில் சந்திப்பது குறித்து மகிழ்ச்சி! எனவே தாமதமின்றி கேள்விக்குச் செல்வோம்!

• முதல் வீடியோவில் உள்ள ஜீனா யஹா! மர்னா யஹா! பாடலைத் தழுவிய (டியூனைக் காப்பியடித்த) தமிழ் பாடலைக் கூறுக!

சரியான விடையை முதலில் விரைந்து பின்னூட்டமாக அளிப்போருக்கு பரிசு தர இயலாவிடினும் பாராட்டுக்கள் நிச்சயம் உண்டு!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:-

ஜானி நீரோ:

• http://muthufanblog.blogspot.com/2008/07/kolaikaara-kalaigan-this-first-ever.html
• http://muthufanblog.blogspot.com/2007/08/just-couple-of-things.html
• http://muthufanblog.blogspot.com/2007/08/no-comments.html
• http://tamilcomicsulagam.blogspot.com/search/label/Johnny%20Nero
• http://akotheeka.blogspot.com/search/label/ஜானி%20நீரோ

காமிக்ஸ் க்ளாசிக்ஸ் பற்றிய இடுகைகள்:

• http://muthufanblog.blogspot.com/2005/10/thanks-for-encouraging-messages-for-my.html
• http://muthufanblog.blogspot.com/2005/10/apologiesapologiesapologies-thanks-for.html
• http://muthufanblog.blogspot.com/2005/10/thanks-for-visiting-my-blog-and-big.html
• http://muthufan.0catch.com/classics/index.htm
• http://muthufan.tripod.com/classics/index.htm
• http://tamilcomicsulagam.blogspot.com/search/label/Comics%20Classics
• http://comicology.blogspot.com/search/label/Comics%20Classics
• http://tamilcomic.blogspot.com/search/label/காமிக்ஸ்%20கிளாசிக்ஸ்
• http://akotheeka.blogspot.com/search/label/காமிக்ஸ்%20க்ளாசிக்ஸ்

சிங்கத்தின் சிறுவயதில் அனைத்து பாகங்களையும் படிக்க:

• http://akotheeka.blogspot.com/search/label/சிங்கத்தின்%20சிறுவயதில்

சித்திரைச் சிறப்பிதழ்கள்!

“ஏக் விஸ்வநாதன்!
தோ விஸ்வநாதன்!
ஏக் தோ விஸ்வநாதன்!
தீன் விஸ்வநாதன்!
சார் விஸ்வநாதன்!
ஏக் தோ தீன் சார் விஸ்வநாதன்!”

-கவுண்டமணி (படம் : தேடினேன் வந்தது)

வணக்கம்,

தமிழ் கூறும் காமிக்ஸ் நல்லுலகிற்கு அடியேனின் இனிய சித்திரைத் திருநாள் நல்வாழ்த்துக்கள்! இந்த நன்னாளில் பிறந்த நாள் காணும் நமது அபிமான தமிழ் காமிக்ஸ் வலையுலகின் ‘முடி’சூடிய மன்னர் நண்பர் கிங் விஸ்வாவிற்கு நம் அனைவரின் சார்பிலும் வாழ்த்துக்களைத் தெரிவித்துக் கொள்கிறேன்!

இந்தப் பதிவு அவரின் நீண்ட(நீண்டுவிட்ட) ஆயுளுக்கு சமர்ப்பணம்! மேற்கூறிய கவுண்டரின் ஹிந்திக் கவிதையும் தான்! மார்க்கண்டேயன் போல, பெஞ்சமின் பட்டன் போல, ஷாகித் அஃப்ரிதி போல மேலும் மேலும் அவரது வயது குறைந்து வாலிபம் வளர வாழ்த்துகிறேன்!

சென்ற பதிவான முத்து ஸ்பெஷல்-க்கு நீங்கள் வழங்கிய ஆதரவுக்கு நன்றிகள்! தொடர்ந்து இது போன்ற சிறப்பான பதிவுகளை வழங்க என்னால் இயன்றவரை முயற்சிக்கிறேன்! உங்கள் கருத்துரைகளிருந்த கேள்விகளுக்கான பதில்களை நானறிந்த வரை வழங்கியுள்ளேன்! பயனிருப்பின் மகிழ்ச்சி!

மொக்கை போட்டது போதும், இனி பதிவுக்கு வருவோம்!

சென்ற வருடம் வரை இந்த சித்திரை நன்னாளில் தமிழ் புத்தாண்டு அரசாங்கத்தினால் அதிகாரப்பூர்வமாகக் கொண்டாடப்பட்டு வந்தது. நம் காமிக்ஸ் உலகம் மட்டும் விதிவிலக்கா என்ன?

முத்துவிலும், ராணியிலும் சிலபல தமிழ் புத்தாண்டு மலர்கள் வெளிவந்துள்ளன! லயனில் இதுவரை வந்ததில்லை, இனிமேலும் வர வாய்ப்புகள் குறைவுதான்! ஏனெனில் ஏப்ரல், மே மாதங்களில் லயனில் சிறப்பான பல கோடை மலர்கள் வந்து அந்த SLOT-ஐ ஆக்ரமித்துக் கொண்டுவிட்டபடியால் சித்திரைச் சிறப்பிதழ்கள் வரும் வாய்ப்புகள் எப்போதும் சொற்பமாகவே இருந்துள்ளன!

இதுவரை வெளிவந்த தமிழ் புத்தாண்டு மலர்கள் இதோ:

ராணி காமிக்ஸ்:-

இவையனைத்தும் ஆசிரியர் திரு.S.ராமஜெயம் அவர்கள் பொறுப்பிலிருந்த போது வந்தவை என்பது குறிப்பிடத்தக்கது!

• 1985 – ராணி#020 – ராட்சத பல்லி!
• 1986 – ராணி#044 – மந்திர மண்டலம்
• 1987 – ராணி#068 – மர்ம வீரன்!

ஏற்கெனவே இங்கே குறிப்பிட்டுள்ள பல்வேறு காரணங்களுக்காக நான் இவற்றைப் பற்றிப் பெரிதாக நான் எதுவும் சொல்லப் போவதில்லை!

முத்து காமிக்ஸ்:-

சித்திரைத் திருநாளன்று பலப் புத்தகங்கள் முத்து வெளியிட்டிருந்தாலும் எனக்குத் தெரிந்த வரை இரண்டேயிரண்டு முறைதான் தமிழ் புத்தாண்டு மலர்கள் என அறிவிக்கப்பட்டு சிறப்பிதழ்கள் வெளிவந்தன!

• முத்து#025 – கொரில்லா சாம்ராஜ்யம் (ஏப்ரல் 1974)
• முத்து#158 – சதிவலையில் மாயாவி + கடத்தல் முதலைகள் - மறுபதிப்பு (ஏப்ரல் 1987)

முத்து#158 – சதிவலையில் மாயாவி + கடத்தல் முதலைகள் (மறுபதிப்பு):-

நான் படித்த முதல் தமிழ் புத்தாண்டு மலர். இதில் இரண்டு கதைகள்! கூடவே கபீஷும், மொட்டைத்தலையன் ஹென்ரியும்.

முத்து#158 - சதி வலையில் மாயாவி + கடத்தல் முதலைகள் (மறுபதிப்பு) - அட்டைப்படம்

முத்து#158 - சதி வலையில் மாயாவி - பக்கம் 131

இதில் மாயாவியின் சிறுகதை ஒரு சிறந்த மொக்கைக் கதையாகும்! இன்னொரு கதையான கடத்தல் முதலைகள் ஒரு க்ளாஸிக் ஜானி நீரோ கதை. இதை விமர்சனம் செய்ய தனிப்பதிவு ஒன்று வேண்டுமென்பதால் இப்போதைக்கு இந்தப் புத்தகத்தைப் பற்றி நோ விமர்சனம்! அட்டைப்படங்கள் மட்டும்தான்!

முத்து#020 - கடத்தல் முதலைகள் - அட்டைப்படம் காமிக்ஸ் க்ளாசிக்ஸ்#010 - கடத்தல் முதலைகள்! – அட்டைப்படம்

ஜானி நீரோ பற்றி மேலும் விபரங்கள் அறிய கீழேயுள்ள சுட்டிகளைப் பயன்படுத்தி முத்து விசிறியின் அருமையான பதிவுகளை வாசித்து மகிழவும்! போனஸாக நீங்கள் படித்து மகிழ கபீஷும், ஹென்றியும்.

கூடவே மாயாவிக் கதையின் VALIANT ANNUAL 1969-ல் வெளிவந்த ஆங்கிலப் பதிப்பு! இக்கதை முழுமையாக இனையத்தில் டவுன்லோடு கிடைக்கவில்லை! 2 பக்கம் நடுவில் மிஸ்ஸாகும்! சுமாரான குவாலிட்டி தான்! ஆனால் இது ஜட்டி போடாத சூப்பர் ஹீரோ மாயாவியின் தலைசிறந்த மொக்கைக் கதை என்பதால் பெரிதாக ஒன்றும் குடிமுழுகிப்போய் விடாது!

 

ஓ.கே. இனி பதிவின் முக்கியப் பகுதிக்கு வருவோம்!

முத்து#025 – கொரில்லா சாம்ராஜ்யம்:-

ஏப்ரல் 1974-ல் தமிழ் புத்தாண்டு மலராக வெளிவந்த இவ்விதழ் பல சிறப்பம்சங்கள் பெற்றது!

• முத்துவின் 25-வது இதழ்!
• முத்துவின் முதல் முழு வண்ண இதழ்! (மேலும் மூன்று இதழ்கள் வந்தன!)
• மறைந்த திரு.முல்லை தங்கராசன் முத்துவின் ஆரம்ப காலங்களில் பொறுப்பாசிரியராகப் பணிபுரிந்த போது அவரது மொழிபெயர்ப்பில் வெளிவந்த கடைசி முத்து இதழ்! மீண்டும் 1982-84ல் அவர் முத்து வார மலர்-ல் பணிபுரிந்தார்!
• ஆரம்ப கால முத்துவின் முதல் பாக்கெட் சைஸ் இதழ்! பாக்கெட் சைஸ் என்றால் இப்போது வரும் சைஸ் அல்ல! 11cmX15cm அளவுடன் சற்றே பெரியது!

இப்பேர்ப்பட்ட சிறப்பம்சங்கள் பொருந்திய இதழின் விளம்பரமும், அட்டைப்படமும் இதோ!

முத்து#025 - கொரில்லா சாம்ராஜ்யம் - அட்டைப்படம்	முத்து#024 - மலைக்கோட்டை மர்மம் - விளம்பரம்

இக்கதை மீண்டும் 1992-ல் மறுபதிப்பு செய்யப்பட்டது! அப்போது வெளிவந்த முத்துவின் 200-வது இதழுடன் இவ்விதழும் கடைகளுக்கு வந்தது! ஆனால் ஆசிரியர் திரு.S.விஜயன் அவர்கள் முத்துவின் 300-வது இதழில் வெளியிட்டிருந்த பட்டியலில் வெளியீட்டு எண்ணைத் தவறுதலாகக் குறிப்பிட்டிருப்பார்! முத்துவின் 200-வது இதழ் பற்றிப் பேசினாலே எனக்குக் கடுப்பாகிறது! முத்துவின் சரித்திரத்தைப் பற்றிப் பின்னொரு தருணத்தில் பேசும் போது இவ்விரண்டு விஷயங்கள் பற்றித் தவறாதுக் குறிப்பிடுகிறேன்! இப்போதைக்கு வேண்டாம்!

முத்து#200(a) - கொரில்லா சாம்ராஜ்யம்! - அட்டைப்படம்

இன்னும் இக்கதை காமிக்ஸ் க்ளாசிக்ஸ்-ல் வரவில்லை. இக்கதை அடுத்த மறுபதிப்புக்கு ஒரு சிறந்த தேர்வாக இருக்கும்!

கதை:-

பெரிதாக ஒன்றுமில்லை! கிம்பர் என்ற ஒரு கிறுக்கு விஞ்ஞானி! டிரான்ஸ் ஆல்பா எனும் கருவி மூலம் கொரில்லாக்களின் சக்தியை மனிதர்களுக்கு மற்றுவது எப்படி என்று ஆராய்கிறான்! அவனது பலியாடு, சக்கரவர்த்தி எனும் கொரில்லா!

இது போன்ற கதைகளின் இனி என்ன ஆகும்? வழக்கம்போல ஒரு நாள் திடீரென சக்கரவர்த்தி தப்பித்துக் கொள்கிறது. டிரான்ஸ் ஆல்பா மூலம் கிம்பரின் அறிவைப் பெற்றுக்கொள்கிறது! ஒரு கொரில்லாப் படையொன்றையமைத்துக் கொண்டு உலகையேத் தன்வசப்படுத்த முயற்சிக்கிறது!

இறுதியில் மாயாவி எப்படி டிரான்ஸ் ஆல்பாவை அழித்து இவ்வுலகை சக்கரவர்த்தியிடமிருந்து காக்கிறார் என்பதே கதை!

கதையின் மூலம்:-

1963-ல் வெளிவந்த PLANET OF THE APES எனும் நாவல் உலகெங்கிலும் சக்கை போடு போட்டது! பல படங்கள், தொலைக்காட்சித் தொடர்கள் வந்தன! அனைத்தும் பிரம்மாண்ட வெற்றி பெற்றன்!

ஆச்சரியப் படத்தக்க விஷயம் என்னவெனில் இக்கதை ஆங்கிலத்தில் வெளியானது 1967-ல். முதல் PLANET OF THE APES படம் வந்தது 1968-ல். ஒரு வேளை படம் தயாராகிக் கொண்டிருக்கும்போதே அதன் விளம்பரப் பின்னனியில் புத்தகத்தை விற்று விடலாம் என FLEETWAY எண்ணியிருக்கலாம்?!!

2001-ல் BATMAN (1989) புகழ் டிம் பர்ட்டன் PLANET OF THE APES படத்தை ரீ-மேக் செய்தார். இது ஒரு சிறந்த மொக்கைப் படமாகும்! படம் உலகெங்கும் ஊத்திமூடியதில் வியப்பேதுமில்லை!

முழுநீள வண்ணச் சித்திரக்கதை!:-

இக்கதை முழு வண்ணத்தில் வந்தது, என்றேனல்லவா? இதோ கலருக்கும், கருப்பு வெள்ளைக்குமான வித்தியாசம்! என்னதான் ஃபோட்டோஷாப்பில் ஒப்பேற்றினாலும் கருப்பு வெள்ளையில் மொக்கையாகத்தான் இருக்கிறது, இல்லையா? முழு வண்ணத்தில், தரமான வெள்ளைக் காகித்தில் இவ்விதழை வாசிப்பதே ஒரு சுகானுபவம்! 

முத்து#025 - கொரில்லா சாம்ராஜ்யம் - பக்கம் 3	முத்து#200(a) - கொரில்லா சாம்ராஜ்யம்! - பக்கம் 3

இதோ நீங்கள் ரசித்து மகிழ இன்னும் சில வண்ணப்படங்கள்! ஈஸ்ட்மென் கலரில் படங்கள் ஜொலிப்பதைக் காணுங்கள்! தமிழில் வெளிவந்த தலைசிறந்த முழு வண்ணக் காமிக்ஸ் இதுதான் என்பதில் சந்தேகமேயில்லை!

ஆங்கிலப் பதிப்பு:-

இக்கதை ஆங்கிலத்தில் அக்டோபர் 1967-ல் இங்கிலாந்தின் FLEETWAY நிறுவனத்தினர் வெளியிட்ட FLEETWAY SUPER LIBRARY-ன் STUPENDOUS SERIES தொடரின் 19-வது வெளியீட்டில் வெளிவந்தது! ஆங்கிலத்தில் கூட கருப்பு வெள்ளைதான். அனேகமாக இக்கதை உலகிலேயே முதன்முறையாக வண்ணத்தில் வந்தது தமிழில்தான் என்பது என் எண்ணம்!

FLEETWAY SUPER LIBRARY - STUPENDOUS SERIES No.19 - MARCH OF THE GORILLAS	விச்சு & கிச்சு

தவறாகவும் இருக்கலாம்! ஏனெனில் ஐரோப்பாவிலும் மாயாவி மிகப் பிரபலம்! அங்கே வண்ணப் பதிப்பு வந்திருக்கலாம்! அப்படியே வந்திருந்தால் கூட இந்தளவுக்கு சிறப்புடன் வந்திருக்குமா என்பது சந்தேகமே!

போனஸாகப் பின்னட்டையின் உள்பக்கத்தில் வந்த ஒரு விச்சு & கிச்சு கதை! படித்து மகிழுங்கள்! இவ்விதழுடன் பிறந்த நாள் பரிசு! என்ற இலவச இனைப்பு ஒன்று வழங்கப்பட்டது! அது என்னவென்று தெரிந்தால் நெடுநாளைய வாசகர்கள் யாரேனும் கூறுங்களேன்! சத்தியமாக எனக்குத் தெரியாது!

பதிவை இவ்வளவு தூரம் பொறுமையாகப் படித்ததற்கு எனது நன்றிகள்! ஆங்கில பதிப்புகளின் அத்தனை விபரங்களையும் அளித்த நண்பர் முத்து விசிறிக்கு மனமார்ந்த நன்றிகள்! உங்கள் கருத்துக்களை மறவாமல் பின்னூட்டங்களாகப் பகிர்ந்து கொள்ளுங்கள்.

இப்போதைக்கு அவ்வளோதான்,
மீண்டும் சந்திப்போம்!

பி.கு.:-

• நண்பர் கிங் விஸ்வாவின் பிறந்தநாளையொட்டி நான் மேற்குறிப்பிட்ட கவுண்டரின் ஹிந்திக் கவிதை பற்றி ஒரு சிறு குறிப்பு! ஒரிஜினலாக நான் குறிப்பிட்டிருந்த ‘பன்ச்’ வேறு! ஆனால் அது தன் இமேஜை ரொம்ப டேமேஜ் செய்யும் வகையில் இருப்பதாக நண்பர் கிங் விஸ்வா ரொம்ப மன்றாடிக் கேட்டுக் கொண்டதால் அதை வெளியிடவில்லை! தெரிந்து கொள்ள விரும்புவோர் எனக்குப் பெர்சனாலாக இ-மெயில் அனுப்பவும்!

தொடர்புடைய இடுகைகள்:-

ஜானி நீரோ:

• http://muthufanblog.blogspot.com/2008/07/kolaikaara-kalaigan-this-first-ever.html
• http://muthufanblog.blogspot.com/2007/08/just-couple-of-things.html
• http://muthufanblog.blogspot.com/2007/08/no-comments.html
• http://tamilcomicsulagam.blogspot.com/search/label/Johnny%20Nero
• http://akotheeka.blogspot.com/search/label/ஜானி%20நீரோ

கபீஷ்:

• http://akotheeka.blogspot.com/search/label/கபீஷ்
• http://muthufanblog.blogspot.com/2006/12/rip-kirby-buz-sawyer-cisco-kid-you.html

முத்துவின் முதல் இதழ் - இரும்புக்கை மாயாவி:

• http://muthufanblog.blogspot.com/2008/07/i-have-been-collecting-english.html
• http://muthufan.0catch.com/firstmuthu.html
• http://muthufan.tripod.com/firstmuthu.html

இரும்புக்கை மாயாவி:

• http://muthufan.0catch.com/Maayavi.htm
• http://muthufan.tripod.com/Maayavi.htm
• http://sharehunter.wordpress.com/2008/10/17/comicssupers2/
• http://sharehunter.wordpress.com/2008/10/21/ironclaw2/
• http://akotheeka.blogspot.com/search/label/இரும்புக்கை%20மாயாவி

காமிக்ஸ் க்ளாசிக்ஸ் பற்றிய இடுகைகள்:

• http://muthufanblog.blogspot.com/2005/10/thanks-for-encouraging-messages-for-my.html
• http://muthufanblog.blogspot.com/2005/10/apologiesapologiesapologies-thanks-for.html
• http://muthufanblog.blogspot.com/2005/10/thanks-for-visiting-my-blog-and-big.html
• http://muthufan.0catch.com/classics/index.htm
• http://muthufan.tripod.com/classics/index.htm
• http://tamilcomicsulagam.blogspot.com/search/label/Comics%20Classics
• http://comicology.blogspot.com/search/label/Comics%20Classics

பிற சிறப்பிதழ்கள்:

• http://muthufanblog.blogspot.com/2007/06/as-we-are-waiting-for-arrival-of-cowboy.html
• http://muthufanblog.blogspot.com/2006/03/lion-super-special-hi-all-thanks-for.html
• http://akotheeka.blogspot.com/search/label/தீபாவளி%20மலர்
• http://akotheeka.blogspot.com/search/label/பொங்கல்%20மலர்
• http://akotheeka.blogspot.com/search/labelகோடை%20மலர்
• http://akotheeka.blogspot.com/search/label/ஸ்பெஷல்