வதந்திகளை நம்பாதீர்கள்!

வணக்கம்,

அனைவருக்கும் இனிய அட்வான்ஸ் தீபாவளி நல்வாழ்த்துக்கள்! இந்தத் தீபாவளியை காமிக்ஸ் ரசிகர்களான நம் அனைவருக்கும் தித்திப்பானதாக ஆக்கிய ஆசிரியர் திரு.S.விஜயன் அவர்களுக்கு நம் அனைவரின் சார்பிலும் இத்தருணத்தில் நன்றிகளையும் பாராட்டுக்களையும் தெரிவித்துக் கொள்கிறேன்!

ஆனால் இந்த இனிய தருணத்தில் கசப்பான சில உண்மைகளையும் உங்களுடன் பகிர்ந்து கொள்ள கடமைப் பட்டிருக்கின்றேன்!

சமீப காலமாகவே தமிழ் காமிக்ஸ்-ன் எதிர்காலம் குறித்த பல வதந்திகள் வாசகர்கள் மற்றும் விற்பனையாளர்கள் மத்தியில் உலவிக் கொண்டு வருகிறது! இவற்றைக் கொளுத்திப் போட்ட புண்ணியவான்கள் யாரென்று தெரியவில்லை! இவற்றை நீங்களும் கேட்டிருக்கக் கூடும்!

ஜம்போ ஸ்பெஷல் தான் ஆசிரியர் திரு.S.விஜயன் அவர்கள் வெளியிடப் போகும் கடைசி இதழ்! இதற்குப் பிறகு அவர் கடையை சாத்தி விட்டு நடையைக் கட்டப் போகிறார்! இத்தனை நாளாக காமிக்ஸ் போட்டு விளைந்த நஷ்டம் ஏராளம் என்பதால் தான் இந்த முடிவு!

அதோடு ஜம்போ ஸ்பெஷல் முன்பதிவு செய்தவர்களுக்கு மட்டுமே கிட்டும்! கடைகளில் வரவே வராது! ஆகையால் கடைகளில் வரட்டும் வாங்கிக் கொள்ளலாம் என்றிருந்தோருக்கு புத்தகம் விற்றுத் தீர்ந்து விட்டது… இனிமேல் கிடைக்கவே கிடைக்காது… என்றெல்லாம் வதந்திகளைக் கிளப்பிவிட்டு அதன் மூலம் ஆதாயம் தேடிக் கொள்கின்றனர் சிலர்!

ஜம்போ ஸ்பெஷல் கடைகளுக்கு வராது என்பது உண்மைதான்! இதற்கு காரணம் விற்பனையாளர்கள் இம்முயற்சிக்கு கொடுக்காத ஆதரவே காரணமாகும்! ஆகையால்தான் முன்பதிவு மூலம் நேரடியாக விற்பனை செய்ய முன்வந்தார் ஆசிரியர் திரு.S.விஜயன் அவர்கள்!

முன்பதிவு செய்தோருக்கு முதல் பிரதி கைக்கு வந்துவிட்டதென்று விஷயம் தெரிந்தவுடன் சென்னை, கோவை, திருச்சி முதலிய நகரங்களைச் சேர்ந்த வாசகர்கள் ஊரிலுள்ள கடைகள் அனைத்திற்கும் சென்று புத்தகத்தைத் தேடி ஏமாந்து திரும்பி வந்துள்ளனர்!

அவர்களது ஆர்வக் கோளாறைப் பயன்படுத்தி ரூ:200/- பெறுமானமுள்ள புத்தகம் இப்போதே ரூ:500/- வரை கள்ளச் சந்தையில் விற்பனை செய்யப்பட்டு வருகிறது! முன்பதிவு செய்யத் தோன்றாத இவர்கள் முன்னூறு ரூபாய் அதிக விலை கொடுத்து புத்தகத்தை வாங்கிக் கொள்கின்றனர்! இதனால் யாருக்கு இலாபம்?!! சத்தியமாக ஆசிரியர் திரு.S.விஜயன் அவர்களுக்கு இல்லை!

புத்தகம் வருவதற்கு முன்பே ஒரு சிலர் மொத்தமாக 1500 புத்தகங்களையும் வாங்கி அவற்றை பிரிமியம் விலையில் விற்று கொள்ளை இலாபம் சம்பாதிக்க திட்டமிட்டிருந்தனர்! இதற்காக முதலில் 20 சதவிகிதம் தள்ளுபடியும் கடைசியில் 10 சதவிகிதம் தள்ளுபடியும் கோரப்பட்டது!

ஆனால் ஆசிரியர்.திரு.S.விஜயன் அவர்கள் இதற்கு திட்டவட்டமான மறுப்பு தெரிவித்து விட்டார்! அதனாலேயே இப்போது முன் பதிவு செய்யாதோருக்கும் புத்தகம் கிடைக்க வாய்ப்புள்ளது! இந்த வதந்திகளை பற்றி விசாரிக்க நானும் நண்பர் கிங் விஸ்வாவும் ஆசிரியரை நேரில் சந்தித்த போது அவர் வாயாலேயே இந்த பதிலைக் கேட்டுத் தெரிந்து கொண்டோம்!

அதுமட்டுமின்றி இதுதான் அவர் வெளியிடவிருக்கும் கடைசி இதழ் என்ற வதந்திக்கும் அவர் முற்று புள்ளி வைத்துள்ளார் ஜம்போ ஸ்பெஷலில் வெளிவந்திருக்கும் தன் ஹாட்-லைன் மூலம்!

புத்தகம் வெளியிட விருப்பமில்லையெனில் ஏன் இவ்வளவு கஷ்டப்பட்டு ஜம்போ ஸ்பெஷலை வெளிக்கொணர வேண்டும் என்பதே அவரது வாதம்! அது மட்டுமின்றி அவர் வருங்காலத்தில் கடை பிடிக்கப் போகும் நேரடி விற்பனை முறையில் விற்பனையாளர்களுக்கு பங்கேதும் இருக்கப் போவதில்லை என்பதால் ஒரு வேளை அவர்களாகவே இவ்வாறு முடிவு செய்திருக்கக் கூடும்!

தற்போதைய நிலவரப்படி பதிக்கப்பட்ட 1500 பிரதிகளில் 1000 முன்பதிவுகள் போக 500 புத்தகங்கள் எஞ்சியுள்ளன! ஆகையால் முன்பதிவுக்கு முந்துங்கள்! காசோலை, வரைவோலை, மணியார்டர் என எவ்வகையிலும் முன்பதிவு தொகையை செலுத்தலாம்! முன்பதிவுக்குத் தொடர்பு கொள்ள வேண்டிய முகவரி:

சிங்கத்தின் சிறுவயதில்:

பதிவில் மேட்டர் குறைவாக இருப்பதாலும், சிங்கத்தின் சிறுவயதில் தொடரை நம் வலைத்தளத்தில் தொடர்ந்து தொகுத்து வருவதாலும் இதோ ஜம்போ ஸ்பெஷலில் வெளிவந்த சிங்கத்தின் சிறுவயதில் பக்கங்கள்!

கொசுறு காமிக்ஸ் நியூஸ்:

காமிக்ஸ் நியூஸ் போட்டு ரொம்ப நாளாச்சு! அதனாலே இந்த வார குங்குமத்தில வந்த காமிக்ஸ் நியூஸ் உங்கள் பார்வைக்கு! எடிட் செய்ய நேரமில்லாத காரணத்தால் ‘குத்து’ ரம்யா என்று முன்பெல்லாம் செல்லமாக அழைக்கப்பட்ட திவ்யா ஸ்பந்தனாவின் கவர்ச்சிப் படமும் போனஸாக உங்கள் பார்வைக்கு! 

பதிவை இவ்வளவு தூரம் பொறுமையாகப் படித்ததற்கு எனது நன்றிகள்!  உங்கள் கருத்துக்களை மறவாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:-

XIII ஜம்போ ஸ்பெஷல் குறித்த எக்ஸ்பிரெஸ் பதிவுகள்:

• http://www.luckylookonline.com/2010/10/blog-post_23.html
• http://www.comicology.in/2010/10/lion-comics-208-xiii-collector-special.html
• http://muthufanblog.blogspot.com/2010/10/xiii.html
• http://muthufanblog.blogspot.com/2010/10/wait-is-over.html
• http://tamilcomic.blogspot.com/2010/10/blog-post.html
• http://pinnokki.blogspot.com/2010/10/blog-post_25.html

பிற XIII பதிவுகள்:

• http://tamilcomicsulagam.blogspot.com/search/label/XIII
• http://kanuvukalinkathalan.blogspot.com/search/label/XIII
• http://mudhalaipattalam.blogspot.com/2008/12/2.html
• http://www.karundhel.com/2010/04/xiii-1.html
• http://muthufanblog.blogspot.com/2006/03/lion-super-special-hi-all-thanks-for.html
• http://akotheeka.blogspot.com/search/label/XIII

மங்கூஸ் சித்திர நாவல்:

• http://kanuvukalinkathalan.blogspot.com/2009/02/blog-post_12.html
• http://kanuvukalinkathalan.blogspot.com/2009/01/blog-post_30.html

XIII ஜம்போ ஸ்பெஷல் வருவதில் தாமதம் குறித்த புலம்பல்/அலம்பல் பதிவுகள்:

• http://kanuvukalinkathalan.blogspot.com/2010/03/blog-post_14.html
• http://mrjcomics.blogspot.com/2009/07/xiii-collectors-edition-is-still-dream.html
• http://akotheeka.blogspot.com/search/label/XIII

CINEBOOK வெளியிட்டு வரும் XIII ஆங்கிலத் தொடர் குறித்த செய்திப் பகிர்வுகள்:

• http://kakokaku.blogspot.com/2009/08/xiii-2010.html
• http://skipcomics.blogspot.com/2010/03/cinebooks-treasure-hunt-in-2010.html

XIII காமிக்ஸ் ஆங்கிலத்தில் டவுன்லோடு செய்ய:

• http://browsecomics.blogspot.com/search/label/XIII

XIII COLLECTOR’S EDITION WIDGET-ஐ உங்கள் வலைத்தளத்தில் இணைக்க:

• http://browsecomics.blogspot.com/2009/01/lion-collector-special-widget.html

சிங்கத்தின் சிறுவயதில் அனைத்து பாகங்களையும் படிக்க:

• http://akotheeka.blogspot.com/search/label/சிங்கத்தின்%20சிறுவயதில்

ஜான் மாஸ்டர்!

வணக்கம்,

சமீபத்தில் கிங் விஸ்வா வெளியிட்டிருந்த காமிக்ஸ் கேள்வி-பதில் பதிவில் நண்பர்கள் சிலர் ஜான் மாஸ்டர் குறித்து விவரங்கள் கேட்டிருந்தனர்! அவர்களது கேள்விகளுக்கு பதில் கூறும் விதமாகவே இப்பதிவு வந்திருக்கிறது! விம்பிள்டன் போட்டிகளின் போதே வெளியிடப்பட்டிருக்க வேண்டிய பதிவு இது! ஆனால் சரியான விவரங்கள் கிடைக்கப் பெறாததால் மிகத் தாமதமாக வருகிறது!

இச்சமயத்தில் எனக்கும் கிங் விஸ்வாவுக்கும் உள்ள வேண்டப்பட்ட விரோதம் குறித்து எழுதியே ஆக வேண்டும்! அவர் தீவிர ரோஜர் ஃபெடரர் வெறியர்! எனக்கு ரஃபேல் நடால்-ஐயும் பிடிக்கும்! இம்முறை ரஃபா விம்பிள்டனில் இரண்டாவது முறையாக வெற்றிவாகை சூடியதில் மனிதர் கடுமையாக கொந்தளித்துப் போயிருக்கிறார்! அதுவும் ஃபைனலில் ஒரு செட்டைக் கூட வெல்ல முடியாத ஒரு மொக்கைப் பாண்டியிடம் அவரது ஆள் குவார்ட்டர்-ஃபைனலிலேயே தோற்றதை அவரால் ஜீரனிக்கவே முடியவில்லை! அவரை சாந்தப் படுத்தும் விதமாக இப்பதிவை அவருக்கு சமர்ப்பிக்கிறேன்!

ஓகே! மொக்கை போட்டது போதும்! இனி மேலும் நேரத்தை வீணாக்காமல்  நேரடியாக பதிவுக்கு போவோம்!

புத்தக விவரங்கள்:

அட்டைப்படம்
கதை	சதி வலை!
இதழ்	லயன் காமிக்ஸ் (மாத இதழ்)
வெளியீடு	13
முதல் பதிப்பு	மே 1985 (கோடை மலர்)
மறுபதிப்புகள்	இதுவரை இல்லை
பதிப்பகம்	லயன் காமிக்ஸ்
ஆசிரியர்	S.விஜயன்
அச்சிட்டோர்	முத்து ஃபைன் ஆர்ட் பப்ளிகேஷன்ஸ், சிவகாசி
நாயகர்(கள்)	ஜான் மாஸ்டர்
மூலம்	MASTER-SPY (ஆங்கிலம்)
இதழ்	TIGER (Weekly)
வெளியீடு	IPC MAGAZINES LTD.
முதல் பதிப்பு	APR 1983 TO JAN 1984
கதை	???
ஓவியம்	SANDY JAMES
தமிழில்	S.விஜயன்
பக்கங்கள்	(கருப்பு வெள்ளை)
சைஸ்	8"x11"
விலை	ரூ:4/- (1985 முதல் பதிப்பின் போது)
CREDITS
விளம்பரம்
முதல் பக்கம்	விம்பிள்டன்-ஐ வெல்ல வேண்டும் என்கின்ற இங்கிலாந்து கனவு இதில் வெளிப்படுகிறது! ஆனால் இன்னும் எந்த இங்கிலீஷ்காரனும் விம்பிள்டன் ஃபைனலுக்கு கூட போகவில்லை என்பது வேடிக்கையான வினோதம்!
வாசகர் கடிதம்	அந்த காலத்து லயன் காமிக்ஸ்களில் ராணி காமிக்ஸ் ஸ்டைலில் சிறப்பான விமர்சனங்களுக்கு ரூ.25/- பரிசு! வழங்கப்பட்டது! இதோ அதற்கான அறிவிப்பு! லயன் காமிக்ஸ் # 015 - சைத்தான் விஞ்ஞானி-ல் வெளிவந்த வாசகர் கடிதம் பகுதி! பரிசு பெற்ற அந்த விமர்சனம் இதோ!

அட்டைப்படம்
கதை	மாஸ்கோவில் மாஸ்டர்!
இதழ்	லயன் காமிக்ஸ் (மாத இதழ்)
வெளியீடு	23
முதல் பதிப்பு	மார்ச் 1986
மறுபதிப்புகள்	இதுவரை இல்லை
பதிப்பகம்	லயன் காமிக்ஸ்
ஆசிரியர்	S.விஜயன்
அச்சிட்டோர்	முத்து ஃபைன் ஆர்ட் பப்ளிகேஷன்ஸ், சிவகாசி
நாயகர்(கள்)	ஜான் மாஸ்டர்
மூலம்	MASTER-SPY (ஆங்கிலம்)
இதழ்	TIGER (Weekly)
வெளியீடு	IPC MAGAZINES LTD.
முதல் பதிப்பு	APR 1983 TO JAN 1984
கதை	???
ஓவியம்	SANDY JAMES
தமிழில்	S.விஜயன்
பக்கங்கள்	(கருப்பு வெள்ளை)
சைஸ்	10cmx14cm
விலை	ரூ:2.50/- (1986 முதல் பதிப்பின் போது)
CREDITS
விளம்பரம்
முதல் பக்கம்
வாசகர் கடிதம்

சுவாரசியமான துணுக்குகள்:

• இக்கதைத் தொடரின் ஓவியர் SANDY JAMES நமக்கெல்லாம் மிகவும் பரிச்சயமானவர்! அதிரடிப் படை, சூப்பர் ஹீரோ டைகர் (ராணி காமிக்ஸ்) கதைகளுக்கு துடிப்பான ஓவியங்கள் வரைந்தது இவர்தான்! துரதிர்ஷ்டவசமாக இவரைப் பற்றிய தகவல்கள் இனையத்தில் எதுவும் கிடைக்கவில்லை! மன்னிக்கவும்! இவரது அற்புத ஓவியங்கள் இக்கதைத் தொடருக்கு மேலும் மெருகூட்டுகின்றன!
• லயன் காமிக்ஸ் # 013 - சதி வலை! தான் லயன் காமிக்ஸ்-ன் முதல் கோடை மலர் ஆகும்! பெரிய சைஸில் ரூ.4/- விலையில் அசத்தலான இந்த புத்தகம் காமிக்ஸ் வேட்டையர்களின் கனவு பொக்கிஷங்களில் ஒன்று! INFACT ஜான் மாஸ்டர் தோன்றும் இவ்விரு புத்தகங்களும் கிடைப்பது மிகவும் அரிது!
• தமிழில் வெளிவந்த முதல் விளையாட்டு சம்பந்தப்பட்ட காமிக்ஸ் ஹீரோ ஜான் மாஸ்டர் தான் என்பது எனது கருத்து! இவரது வெற்றிக்கு இதுவும் ஒரு காரணமாக இருக்கலாம்!
• இவரது கதைகளில் இவரது கோணங்கி அஸிஸ்டெண்டாக வரும் ராபின் கதாபாத்திரம் காமிக்ஸ் ரசிகர்களின் மனதை மிகவும் கவர்ந்த ஒன்றாகும்! சூப்பர் ஹீரோ டைகர்-க்கு ஒரு ஹென்றி போல் ஜான் மாஸ்டர்-க்கு ஒரு ராபின் அமைந்தது அவரது அதிர்ஷ்டமே! இவரது கண்டுபிடிப்புகள் ஆபத்து நேரத்தில் வேலை செய்கிறதோ இல்லையோ நிச்சயம் சிரிப்பை வரவழைக்கும்! ஆனால் இவரது ஆங்கில ஒரிஜினல் பெயர்தான் (FERGUS THATERY) வாயில் நுழைய மாட்டேனென்கிறது!
• மொத்தம் இரண்டேயிரண்டு கதைகளில் மட்டுமே வந்திருந்தாலும் கூட தமிழ் காமிக்ஸ் ரசிகர்களின் மனதில் நீங்கா இடம் பெற்றுவிட்டார் ஜான் மாஸ்டர்! ஆனால் ஆங்கிலத்தில் இவரது நிலைமை பரிதாபகரமானது! இவர் குறித்த இந்த அற்ப தகவல்களை தேடிப் பிடிப்பதற்கே இவ்வளவு காலம் ஆகிவிட்டது! அதுவும் இவர் தோன்றிய TIGER வார இதழ் இவர் போன்ற விளையாட்டு வீரர்களை நாயகர்களாகக் கொண்ட காமிக்ஸ்களுக்கு பெயர் போனது! இவர்களுள் ROY OF THE ROVERS மட்டும் மிகப் பிரபலம்!  ஆனால் பல டஜன் கதாநாயகர்களுள் ஜான் மாஸ்டர் காணாமல் போய் விட்டது நமது துரதிர்ஷடமே!

ஆங்கில மூலம்:

இத்தொடரின் ஆங்கில மூலம் ஆன்-லைனில் கிடைப்பதென்பது வெகு அரிதாக உள்ளது! இது வரையில் இது ஒரு பாகம் மட்டுமே ஆன்-லைனில் கிடைத்தது! தமிழில் கூட புத்தகங்கள் எளிதாக கிடைத்துவிடும் போலிருக்கிறது! லயன் காமிக்ஸ் # 023 - மாஸ்கோவில் மாஸ்டர்! கதையிலிருந்து சில பக்கங்கள் உங்கள் பார்வைக்கு!

ஹாட்-லைன்:

ஜான் மாஸ்டர் கதைகள் ஏன் தொடர்ந்து வருவதில்லை என்று வாசகர்கள் பலரும் ஆசிரியர் திரு.S.விஜயன் அவர்களை பலமுறை கேட்டிருக்கின்றனர்! அவர் எழுதிய முதல் ஹாட்-லைன்-லும் இக்கேள்வி கேட்கப்பட்டது! அதற்கு அவர் அளித்துள்ள சுவாரசியமான பதிலைப் படித்து மகிழுங்கள்!

சிங்கத்தின் சிறுவயதில்:

ஜான் மாஸ்டர் குறித்து சிங்கத்தின் சிறுவயதில் தொடரில் ஆசிரியர் திரு.S.விஜயன் அவர்கள் கூறியுள்ளதைப் படித்து மகிழுங்கள்!

சிங்கத்தின் சிறுவயதில் அனைத்து பாகங்களும் படிக்க:

• http://akotheeka.blogspot.com/search/label/சிங்கத்தின்%20சிறுவயதில்

நிறைகள்:

• ஆக்‌ஷன் ரசிகர்களுக்கு சரியான விருந்து! விளையாட்டு சார்ந்திருப்பது கூடுதல் சிறப்பு!
• அட்டகாசமான ஓவியங்கள்! அதிரடி கதைத் திருப்பங்கள்! ஒரே மூச்சில் படிக்கத் தூண்டும் ஜெட் வேக கதையமைப்பு!

குறைகள்:

• ஒன்றும் இல்லை! கதைத் தொடர் இரண்டு கதைகளோடு முடிந்து விட்டதைத் தவிர!

நன்றிகள்:

• முத்து விசிறி – வழக்கம் போல ஆங்கிலத் தொடரின் அனைத்து விவரங்களையும் அளித்தமைக்கு!
• ஆசிரியர் திரு.S.விஜயன் அவர்கள் – இக்கதைத் தொடரை நமக்கு அறிமுகம் செய்தமைக்கு!
• பதிவை இவ்வளவு தூரம் பொறுமையாகப் படித்த உங்களுக்கும்தான்!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

இரும்பு மனிதன்!

“பழைய இரும்புச் சாமான், ஈயம் பித்தாளைக்குப் பேரீச்சம்பழம்!”

-குள்ளமணி (படம்: கரகாட்டக்காரன்)

வணக்கம்,

தலைப்பை பார்த்து விட்டு அய்யம்பாளையத்தார் போன்ற அரசியல் சாட்டையடி வீரர்கள் இது ஏதோ இந்தியாவின் இரும்பு மனிதர் என்று போற்றப்படும் சர்தார் வல்லபபாய் பட்டேல் குறித்த பதிவு என்று நினைத்து கொள்ள வேண்டாம் என கனிவன்புடன் கேட்டுக் கொள்ளப்படுகின்றனர்!

எந்திரன் திரைப்படம் எப்போது வெளிவரும் என தமிழ்நாடே ஏங்கிக் கிடக்கும் இவ்வேளையில், நமக்கெல்லாம் மிகவும் பரிச்சயமானதொரு இரும்பு மனிதன் குறித்த ஒரு சிறு முன்னோட்டப் பதிவைக் காண்போம்!

கடந்த ஃபிப்ரவரி 23-ம் தேதிதான் நமது ஃபேவரைட் இரும்பு மனிதன் ஆர்ச்சியின் பிறந்த நாள் ஆகும்! ஆம் 23-02-1952 அன்று வெளிவந்த LION வாரந்திர காமிக்ஸ் இதழின் முதல் இதழில் தான் முதன்முதலாக ஆர்ச்சி தோன்றி சாகஸம் புரிந்து நம்மைப் போல் உலகெங்கிலும் உள்ள என் போன்ற குழந்தைகளையும், குழந்தை மனம் கொண்டோரையும் கவர்ந்தது!

இதோ அந்த முதல் தோற்றத்தின் புகைப்படம்! உபயம்: வழக்கம் போல நண்பர் முத்து விசிறி! படத்தை ‘க்ளிக்’கி பெரிதாக்கிப் பார்த்து மகிழவும்!

லயன் காமிக்ஸ் # 004 – இரும்பு மனிதன்! இதழில்தான் நமது அபிமான இரும்பு மனிதன் முதன்முதலாக சாகஸம் செய்தான்! இது குறித்த மேலும் சில சுவாரசியமான தகவல்கள் இதோ! நமது காமிக்ஸ்களில் வெளிவந்த முதல் ஆர்ச்சி கதைகளின் (தமிழ் மற்றும் ஆங்கிலம்) அட்டைப்படங்கள் உங்கள் பார்வைக்கு!

அட்டைப்படங்கள்:

விளம்பரங்கள்:

சிங்கத்தின் சிறுவயதில்:

ஆர்ச்சியின் தமிழ் அறிமுகம் குறித்து ஆசிரியர் திரு.S.விஜயன் அவர்கள் கூறியிருப்பதையும் படியுங்கள்!

அரிய அட்டைப்படம்:

லயன் காமிக்ஸ் # 004 – இரும்பு மனிதன்! அட்டைப்படம் தயாரிப்பில் ஏற்பட்ட சிக்கல்கள் குறித்து ஆசிரியர் திரு.S.விஜயன் அவர்கள் குறிப்பிட்டிருப்பதை நீங்கள் படித்திருப்பீர்கள்! இதோ அந்த உபயோகிக்கப்படாத அரிய அட்டைப்படம் உங்கள் மேலான பார்வைக்கு! உபயம்: நண்பர் ஹாஜா இஸ்மாயில்!

இத்தகைய அதியற்புத ஹீரோவை நமக்கெல்லாம் அறிமுகம் செய்து வைத்த ஆசிரியர் திரு.S.விஜயன் அவர்களை எவ்வளவு பாராட்டினாலும் தகும்!

ஆர்ச்சியின் அதிரடி அட்டைப்படங்கள்:

நீங்கள் கண்டு மகிழ இதோ மேலும் சில ஆர்ச்சியின் அதிரடி அட்டைப்படங்கள்! அதிரடி ஆர்ச்சி, அதிசயத் தீவில் ஆர்ச்சி உள்ளிட்ட எனது ஃபேவரைட்கள் சிலது மிஸ்ஸிங்! மன்னிக்கவும்!

காமிக்ஸ் க்ளாசிக்ஸ்:

தமிழ் காமிக்ஸ் உலகில் ஆர்ச்சியின் தாக்கம் குறித்து பலரும் இப்போது குறைவாகவே, ஏன் கேவலமாகவே மதிப்பிடுகின்றனர்! ஆனால் ஆர்ச்சி உச்ச நாயகனாக திகழ்ந்த கால கட்டங்களில் அதன் பாதிப்பை சொற்களால் விவரிக்க முடியாது! ஆசிரியர் திரு.S.விஜயன் அவர்கள் ஆர்ச்சியால் தனக்குக் கிடைத்த வெற்றிகளை இவ்வாறெல்லாம் பறைசாற்றியுள்ளார்!

நமது அபிமான இரும்பு மனிதன் குறித்த  சிறப்பு ஆய்வுப் பதிவொன்று விரைவில் இடவிருகிறேன்! அதுவரை பொறுத்திருக்கவும்!

இப்போதைக்கு அவ்வளோதான்,
மீண்டும் சந்திப்போம்!

படங்கள் உபயம்:

• முத்து விசிறி
• கேப்டன் ஹெச்சாய்

தொடர்புடைய இடுகைகள்:

லயன் காமிக்ஸ் ஆங்கில வெளியீடுகள் குறித்து முத்து விசிறியின் முத்தான பதிவு:

• http://muthufanblog.blogspot.com/2005/11/what-do-we-have-for-this-week-its-all.html

லயன் காமிக்ஸ் சிறப்பிதழ்கள் குறித்து கிங் விஸ்வாவின் பதிவு:

• http://tamilcomicsulagam.blogspot.com/2009/06/one-man-show-special-issues-in-tamil.html

சிங்கத்தின் சிறுவயதில் அனைத்து பாகங்களும் படிக்க:

• http://akotheeka.blogspot.com/search/label/சிங்கத்தின்%20சிறுவயதில்