முன்னோட்டம்!

வணக்கம்,

வரும் நாட்களில் வரவிருக்கும் காமிக்ஸ் இதழ்கள் குறித்து சிறு முன்னோட்டமாக இப்பதிவு உங்கள் பார்வைக்கு! முதலில் வரவிருக்கும் இதழ்களின் TENTATIVE LIST! கிடைத்த சைக்கிள் கேப்பில் ஒரு மொக்கை பதிவு!

வெளியீடு	#*	கதை	கதாநாயகர்(கள்)	தேதி*	விலை
முத்து காமிக்ஸ்	313	விண்ணில் ஒரு குள்ளநரி!	விங் கமாண்டர் ஜார்ஜ்	நவம்பர் 2009/ டிசம்பர் 2009	ரூ:10/-
காமிக்ஸ் க்ளாசிக்ஸ்	025	களிமண் மனிதர்கள்!	இரும்புக்கை மாயாவி	டிசம்பர் 2009	ரூ:10/-
லயன் காமிக்ஸ்	208	வெள்ளையாய் ஒரு வேதாளம்!	சிக்பில் & Co.	டிசம்பர் 2009/ ஜனவரி 2010	ரூ:10/-
முத்து காமிக்ஸ்	314	மரணத்தின் நிசப்தம்!	ரிப்போர்ட்டர் ஜானி	2010	ரூ:10/-
லயன் காமிக்ஸ்	???	காவல் கழுகு!	டெக்ஸ் வில்லர் & Co.	2010	ரூ:10/-
லயன் காமிக்ஸ்	???	சாத்தானின் தூதன் டாக்டர் 7!	டாக்டர் 7 உடன் மோதும்  FBI ஏஜெண்ட் பிலிப் காரிகன்	2010	ரூ:10/-
லயன் காமிக்ஸ்	???	லயன் COLLECTOR’S ஸ்பெஷல்! இரத்தப்படலம்! (1-18)	XIII	2010 (?!!)	ரூ:200/-
* - தோராயமானவை

இனி ஒவ்வொரு இதழாக பார்ப்போம்!

முத்து காமிக்ஸ் # 313: விண்ணில் ஒரு குள்ளநரி!

இன்னும் ஓரிரு வாரங்களில் முத்து காமிக்ஸ் # 313: விண்ணில் ஒரு குள்ளநரி! வரவிருக்கிறது! புத்தகம் கைக்கு கிடைத்தவுடன் வழக்கம் போல சுடச்சுட பதிவும் வரும்! அநேகமாக அடுத்த வாரத்திலேயே அதிரடிப் பதிவை எதிர்பார்க்கலாம்!

காமிக்ஸ் க்ளாசிக்ஸ் # 025: களிமண் மனிதர்கள்!

அதைத் தொடர்ந்து காமிக்ஸ் க்ளாசிக்ஸ் # 025: களிமண் மனிதர்கள்! வரவிருக்கிறது! புத்தகம் வரும் போது அ.கொ.தீ.க.வில் நிச்சயம் பதிவு இடப்படும்! அதுவரை அட்டைப்படங்களைக் கண்டு மகிழுங்கள்!

லயன் காமிக்ஸ் # 208: வெள்ளையாய் ஒரு வேதாளம்!

அதையடுத்து லயன் காமிக்ஸ் # 208: வெள்ளையாய் ஒரு வேதாளம்! வரலாம்! ஆனால் XIII ஸ்பெஷல் வரும் என்றால் அதற்கான சாத்தியக்கூறுகள் குறைவே! எனினும் அட்டைப்படத்தைக் கண்டு மகிழுங்கள்!

முத்து காமிக்ஸ் # 314: மரணத்தின் நிசப்தம்!

நம் அனைவரின் அபிமான துப்பறியும் கதாநாயகனான சூப்பர் ரிப்போர்ட்டர் ஜானி நெடுநாட்கள் கழித்து வருவது பெருமகிழ்ச்சியளிக்கிறது! இதோ புத்தகத்துக்கான முன்னோட்டம்!

லயன் காமிக்ஸ் # ???: காவல் கழுகு!

சூப்பர் கெளபாய் டெக்ஸ் வில்லர் & குழுவினரின் ஒரு பாக சாகசம்! வழக்கமாக ஒரே பாகத்தில் முடிவு பெற்றுவிடும் டெக்ஸ் கதைகள் எல்லாம் மொக்கையாக அமையும் என்பது விதி (உம்: மரணத்தின் நிறம் பச்சை! பறக்கும் பலூனில் டெக்ஸ்!)! காவல் கழுகிலாவது அந்த விதியை டெக்ஸ் வெல்கிறாரா என்று பார்ப்போம்!

லயன் காமிக்ஸ் # ???: சாத்தானின் தூதன் டாக்டர் 7!

நெடுநாள் கழித்து டாக்டர் 7 (அட! அது நான்தானுங்க!) தனது பரம வைரியான காரிகன் உடன் மோதுவது இந்த இதழின் ஹை-லைட்! இப்போதிருந்தே பெருத்த எதிர்பார்ப்பை உண்டாக்குகிறது விளம்பரம்! அதை இன்னும் பரபரபாக்கும் வகையில் இந்த முன்னோட்டம் அமையும்!

ஒன்று மட்டும் நிச்சயம்! இந்தக் கதையில் டாக்டர் 7-ன் ENTRY அமர்க்களமாக இருக்கும்! அதற்கான சான்று மேற்காணும் படங்களில்!

லயன் காமிக்ஸ் # ???: லயன் COLLECTOR’S ஸ்பெஷல்! இரத்தப்படலம்! (1-18)

இது  எப்போது வருமோ? ஆண்டவனுக்கும், ஆசிரியருக்குமே வெளிச்சம்! இருப்பினும் பொங்கலுக்கு வந்தால் சிறப்பாக இருக்குமென்பது எனது சிறிய நப்பாசை!

அட்டைப்படங்களின் EXCLUSIVE புகைப்படங்களை அளித்துதவிய நண்பர் கேப்டன் ஹெச்சாய்-க்கு நன்றிகள் பல!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

Dr.NO – No More!

வணக்கம்,

கடந்த அக்டோபர் 19ம் தேதியன்று 007 - ஜேம்ஸ்பாண்ட் எனும் அற்புத நாயகனை திரையில் அறிமுகப்படுத்திய டாக்டர் நோ திரைப்படத்தின் தலைப்பின் பெயர் கொண்ட வில்லனாக நடித்த ஜோஸஃப் வைஸ்மேன் இறைவனடி சேர்ந்தார்!

இவரது நினைவாக டாக்டர் நோ-வின் பல்வேறு வடிவங்கள் குறித்த இந்த சிறு பதிவை சமர்ப்பிக்கிறேன்! பதிவை ஒரு மாதம் தாமதமாக இடுவதற்கு மன்னிப்பு கோருகிறேன்!

இயன் ஃப்ளெமிங் இயற்றிய டாக்டர் நோ நாவல் அட்டைப்படங்கள்:

1958-ல் முதன்முதலாக வெளிவந்த 007 ஜேம்ஸ் பாண்ட்-ன் மூன்றாவது நாவல் டாக்டர் நோ-வின் பல்வேறு பதிப்புகளின் அட்டைப்படங்கள் சில இதோ உங்கள்  பார்வைக்கு!

மேலும் பல பதிப்புகளின் அட்டைப்படங்களையும், திரைப்பட போஸ்டர்களையும் கண்டு மகிழ கீழ்காணும் சுட்டியை பயன்படுத்தவும்!

• http://illustrated007.blogspot.com/search/label/Title:%20Dr.%20No

டாக்டர் நோ திரைப்பட போஸ்டர்கள்:

டாக்டர் நோ – திரைப்படம்/நாவல் தழுவிய காமிக்ஸ்:

அட்டைப்படங்கள் வேறுபட்டாலும் உள்ளே இருப்பது ஒரே சரக்கு தான்! பதிப்பாளர்கள் தான் வேறுபடுகின்றனர்!

இந்தப் புத்தகத்தைப் படிக்க கீழ்காணும் சுட்டியை பயன்படுத்தவும்!

• http://www.mister8.com/dr-no-in-comics-pt-i-of-a-handful/

டாக்டர் நோ - செய்தித்தாள் சித்திரக்கதைத் தொடர்:

நமக்கு மிகவும் பரிச்சயமானது டாக்டர் நோ-வின் இந்த பரிமாணம் தான்! 1958 முதல் 1983 வரை DAILY EXPRESS முதலிய பல பிரிட்டிஷ் செய்தித் தாள்களில் காமிக்ஸ் தொடராக வெளிவந்த பல 007 ஜேம்ஸ்பாண்ட் கதைகளை நாம் அனைவரும் ராணி காமிக்ஸ் மூலம் படித்து மகிழ்ந்துள்ளோம்! அவற்றில் டாக்டர் நோ-வும் ஒன்று!

டாக்டர் நோ மூலக்கதையை செய்தித்தாள் சித்திரக்கதைத் தொடருக்காக உருமாற்றியவர் யார் தெரியுமா? நமக்கெல்லாம் மிகவும் பரிச்சயமான் மாடஸ்டி ப்ளைஸி-யை உருவாக்கிய அதே பீட்டர் ஒ’டான்னல் தான்!

இச்சித்திரத் தொடர் திரைப்படங்களுக்குப் பல வருடங்கள் முன்பே வெளிவந்து திரைப்படத்திற்கு ஒரு முன்னோடியாகத் திகழ்ந்தன! படத்திற்கு STORYBOARD-ஆக இச்சித்திரங்கள் பயன்படுத்தப்பட்டன!

டாக்டர் நோ மொத்தம் இரண்டு கதைகளில் இச்சித்திரக்கதைத் தொடரில் தோன்றியுள்ளார்! என்ன? ஆச்சரியமா இருக்கா?

ஆம்! இயன் ஃப்ளெமிங்-ன் நாவலைத் தழுவிய காமிக்ஸ்/படத்தில் கதையின் முடிவில் டாக்டர் நோ இறந்து விடுவார்! ஆனால் செய்தித்தாள் சித்திரக்கதைத் தொடரில் அவர் மீண்டு(ம்) உயிர்த்தெழுந்து வருவது போல் ஒரு கதை அமைக்கப்பட்டது! அது நமது ராணி காமிக்ஸ்-லும் கதிர் வெடி என்ற பெயரில் வந்தது!

டாக்டர் நோ கதையின் க்ளைமாக்ஸ்!

 

கதிர் வெடி கதையின் திருப்புமுனைக் காட்சி! டாக்டர் நோ ஓவியர் ஹொராக்கின் கைவண்ணத்தில் மிரட்டுகிறார்!

கதிர் வெடி கதையின் இறுதியிலும் கூட டாக்டர் நோ-வின் முடிவு தீர்மானமாக சொல்லப் படவில்லை! ஒருவேளை அவரை மீண்டும் வேறொரு கதைக்கு உயிர்ப்பிக்கும் திட்டமிருந்திருக்கலாம்!

கதை	:	டாக்டர் நோ	கதிர் வெடி
மூலம்	:	Dr.NO	???
ஆசிரியர்	:	இயன் ஃப்ளெமிங்	ஜிம் லாரன்ஸ்
ஆக்கம்	:	பீட்டர் ஒ’டான்னல்	ஜிம் லாரன்ஸ்
ஓவியர்	:	ஜான் மெக்லுஸ்கி	யரொஸ்லாவ் ஹொராக்
வெளியீடு	:	DAILY EXPRESS	DAILY EXPRESS
தேதி	:	May 23, 1960 - October 1, 1960	???
தமிழில்	:	S.ராமஜெயம்	S.ராமஜெயம்
வெளியீடு	:	ராணி காமிக்ஸ் # 019	ராணி காமிக்ஸ் # 029
தேதி	:	Apr 01,1985	Sep 01,1985

TITAN BOOKS மறுபதிப்பு: 

இந்த செய்தித்தாள் சித்திரக்கதைத் தொடரை TITAN BOOKS நிறுவனத்தினர் ஆரம்பத்திலிருந்து மறுபதிப்பு செய்து வருகின்றனர்! தாறுமாறான விலையும், கதைக்கு கதை வேறுபடும் அச்சுத்தரமும் (சூப்பரிலிருந்து சொதப்பல் வரை – சில கதைகள் நமது ராணி காமிக்ஸ் அச்சுத்தரமே மேல்!) தடைக்கற்களாக அமைந்தாலும் தமிழ் காமிக்ஸ் ஆர்வலர்களுக்கு தவிர்க்க முடியாததொரு விருந்து இது! 

சமீபத்தில் THE JAMES BOND OMNIBUS என்ற பெயரில் மலிவுப் பதிப்பாக முதல் மூன்று புத்தகங்களில் வெளிவந்த கதைகளை ஒரே புத்தகமாக TITAN BOOKS வெளியிட்டுள்ளனர்! தனிப் புத்தகங்கள் வாங்க யோசிப்போர் இதனை கண்டிப்பாக வாங்கலாம்!

இதில் டாக்டர் நோ தவிர நாம் தமிழில் படித்து மகிழ்ந்த பல சிறந்த கதைகளும் உள்ளன! DON’T MISS IT!

புத்தகத்தை வாங்க கீழ்காணும் சுட்டியை பயன்படுத்தவும்!

• http://www.flipkart.com/james-bond-henry-gammidge-john/1848563647-a0x3f90tdf

நான் இந்த வலைப்பூவை ஆரம்பிக்கும் போது டாக்டர் நோ என்கிற பயனர் பெயரை தெரிவு செய்யலாமா என்று கூட ஒரு கணம் தீவிரமாக யோசித்தேன்!  டாக்டர் நோ எனும் காலத்தால் அழியாத கதாபாத்திரத்தை நம் மனங்களில் நீங்காத இடம் பெறச் செய்த அண்ணாரின் ஆன்மா சாந்தியடைய தமிழ் காமிக்ஸ் உலகின் சார்பாக ஆண்டவனை பிரார்த்திக்கிறேன்!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

கொலை செய்ய விரும்பு!

வணக்கம்,

இன்றுதான் சுடச்சுட தபால் மூலம் வந்திறங்கியிருக்கும் லயன் காமிக்ஸ்#207: கொலை செய்ய விரும்பு! காமிக்ஸ் புத்தகத்தின் முதற்பார்வையை உங்களுடன் பகிர்ந்து கொள்வதில் இதைப் படிக்கும் உங்களைப் போலவே நானும் பெருமகிழ்ச்சி கொள்கிறேன்!

பதிவிற்கு செல்லும் முன் சிலபல தகவல்கள்!

• முத்து விசிறி நீண்ட நாள் கழித்து பதிவிட்டுள்ளார், அதுவும் சுந்தரத் தமிழில்! படிக்க இங்கே ‘க்ளிக்’கவும்!
• இந்தப் புத்தகம் உண்மையில் தமிழ் காமிக்ஸ் வலையுலகின் ‘முடி’சூடிய மன்னனும் எனக்கு மிகவும் வேண்டப்பட்ட விரோதியுமான  கிங் விஸ்வா-வின் சந்தா பிரதி! புத்தகம் எனக்கு இன்னும் வரவில்லை! எவருக்கும் முன்னர் அவருக்கு புத்தகம் மீண்டும் ஒரு முறை வந்திருப்பதனால் அவருக்கு லயன் காமிக்ஸ் அலுவலகத்தில் உள்குத்து இருக்கிறது என்பது சந்தேகத்திற்கிடமின்றி நிரூபணமாகிறது!
• அவர் நாட்டில்/வீட்டில் இல்லாத காரணத்தால், புத்தகத்தை அங்கிருந்து நைஸாக லவட்டிக் கொண்டு வந்து ஸ்கேன் செய்து நமக்கெல்லாம் வழங்கிய அய்யம்பாளையத்தார்-க்கு இந்த தருணத்தில் நாமெல்லாம் நன்றி சொல்ல கடன்பட்டிருக்கிறோம்!

மொக்கை போட்டது போதும், இனி பதிவுக்கு வருவோம்!

ஆண்டு மலர்-ஆக வந்திருக்க வேண்டிய இந்த புத்தகம் மிக தாமதமாக தீபாவளி மலர்-ஆக வந்துள்ளது! தீபாவளி மலர் என்றதும் ரொம்ப எதிர்பார்க்க வேண்டாம்! ஆனால் பல சரவெடி சமாச்சாரங்கள் புத்தகத்தில் ஒளிந்துள்ளன! அவற்றை ஒவ்வொன்றாகக் காண்போம்!

அட்டைப்படம்:

ஏற்கெனவே நண்பர் ஜாலி ஜம்பர் மூலம் நீங்கள் அனைவரும் இந்த அட்டைப் படத்தை முன்னோட்டம் கண்டிருப்பீர்கள்! ஆகையால் இதில் புதுமை ஒன்றுமில்லை! எனினும் இதோ அட்டைப்படம் மீண்டும் உங்கள் பார்வைக்கு!

ஹாட்லைன்: 

புத்தகத்தைத் திறந்தவுடன் நான் படிக்கும் முதல் விஷயம் இதுதான்! உங்களில் பலரும் இதைத்தன் முதலில் படிக்க விரும்புவீர்கள் என்று தெரியும்! எனவே மேலும் வளவளவென எழுதாமல், ஓவர் டூ மிஸ்டர்.S.விஜயன்!

பல கருத்துக்களை ஆசிரியர் முன்வைத்திருக்கிறார்! புத்தகத்திலேயே இந்த இரு பக்கங்கள் தான் ஹை-லைட்! படித்துவிட்டு உங்கள் கருத்துக்களை தெரிவியுங்களேன்!

விளம்பரங்கள்:

ஹாட்லைனுக்குப் பிறகு என் கண்கள் நாடுவன விளம்பரங்கள்தான்! இதோ அதியற்புத விளம்பரங்களின் அணிவகுப்பு! சிக்பில்லை ஆவலுடன் எதிர்பார்க்கிறேன்!

இதில் கடைசி விளம்பரம் நம் கவனத்தைக் கவர்கிறது! மீண்டும் ஒரு முறை எனது பரம வைரியுடன் மோதும் நாளை விரைவில் எதிர்பார்க்கிறேன்! டெக்ஸ் வில்லர் கதை ஒரே பாகத்தில் முடிகிறதென்றால் கண்டிப்பாக  கதை மொக்கையாகத்தானிருக்குமென்பது வரலாறு (மரணத்தின் நிறம் பச்சை, பறக்கும் பலூனில் டெக்ஸ்)! பொறுத்திருந்திருந்து பார்ப்போம்!

XIII ஸ்பெஷலுக்கு முன்பதிவு செய்திருக்கும் வாசகர்கள் பட்டியல் இதிலும் தொடர்கிறது! நீங்களும் விரைந்து முன்பதிவு செய்து பட்டியலில் உங்கள் பெயரை இடம்பெறச் செய்யுங்களேன்!

சிங்கத்தின் சிறுவயதில்: 

புத்தகத்தில் நான் அடுத்து படிக்கும் பகுதி இதுதான்! ஆசிரியரின் அற்புத நடையில் மீண்டும் ஒரு முறை திளைக்கும் வாய்ப்பு! படித்து மகிழுங்கள்!

சென்ற இதழான லயன் காமிக்ஸ்#206: மாண்டவன் மீண்டான்! இதழில் வெளிவந்த சிங்கத்தின் சிறுவயதில் இதோ!

இதற்கு முந்தைய பகுதிகளைப் படிக்க கீழ்கானும் சுட்டியை பயன்படுத்தவும்!

• http://akotheeka.blogspot.com/2009/07/1984.html

கொலை செய்ய விரும்பு!

கதையைப் படிக்க விரும்பும் பல வாசகர்களின் நலன் கருதி கதையை நான் இங்கு விமர்சிக்கப் போவதில்லை! மாறாக கதை குறித்த விவரங்கள் மற்றும் பயனுள்ள சுட்டிகள் மட்டுமே வழங்கப் போகிறேன்!

அச்சுத் தரம்(?!!) குறித்து நான் எதுவுமே கூறத் தேவையில்லை! நீங்க்ளே கண்கூடாகக் காணலாம்! ஹ்ம்ம்ம்! தமிழில் தரமான அச்சில் காமிக்ஸ் படிப்பதென்பது தற்சமயம் நிறைவேறாத கனவாகாவே உள்ளது!

ஒரு கொசுறு தகவல்! கதையில் ஒரு கிரிக்கெட் பந்து முக்கிய பங்கு வகிக்கிறது! நேற்று நமது இந்திய கிரிக்கெட் அணியினர் சொதப்பியதிலிருந்து மீள இந்தப் புத்தகத்தின் வருகை ஓரளவேணும் உதவக்கூடும்!

கதை	:	SWEET CAROLINE – கொலை செய்ய விரும்பு!
ஆசிரியர்	:	பீட்டர் ஒ’டான்னல்
ஓவியர்	:	நெவில் கால்வின்
தமிழில்	:	S.விஜயன்
வெளியீட்டு விபரங்கள்	:	29-11-1983 – 19-04-1984 (120 Strips) EVENING STANDARD (5815-5914A)
தமிழில்	:	லயன் காமிக்ஸ் # 207 – நவம்பர் 06, 2009

துப்பறியும் ஜார்ஜ் நோலன்:

போனஸ் சிறுகதையாக வெளிவந்திருக்கும் துப்பறியும் ஜார்ஜ் நோலன் சிறுகதையின் சாம்பிள் பக்கம் ஒன்று இதோ உங்கள் பார்வைக்கு!

தீர்ப்பு:

நெடுநாள் கழித்து வந்திருக்கும் இந்தப் புத்தகம் காமிக்ஸ் ரசிகர்களுக்கு, குறிப்பாக மாடஸ்டி ரசிகர்களுக்கு நிச்சயம் நல்லதொரு விருந்தாக அமையும்! ஹாட்-லைன், சிங்கத்தின் சிறுவயதில், மற்றும் விளம்பரங்கள் கூடுதல் மதிப்பெண்களை அள்ளுகின்றன!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:

லயன் காமிக்ஸ்#207: கொலை செய்ய விரும்பு! முன்னோட்டம்:

• http://tamilcomic.blogspot.com/2009/09/2-207.html

சிங்கத்தின் சிறுவயதில்:

• http://akotheeka.blogspot.com/search/label/சிங்கத்தின்%20சிறுவயதில்

மாடஸ்தி:

• http://mokkaicomics.blogspot.com/2009/06/blog-post.html