வணக்கம்!
சமீபத்தில் பிரிட்டிஷ் காமிக்ஸ் பிதாமகர் ஸ்டீவ் ஹாலண்ட்-ன் தளத்தில் கண்டதொரு துயரச் செய்தியின் விளைவே இப்பதிவு!
கார்லோஸ் கேப்ரியல் ரெளம் (CARLOS GABRIEL ROUME) எனும் காமிக்ஸ் ஓவியரின் மரணச் செய்தியே அது!
இவர் நமக்கு மிகவும் பரிச்சயமானவர் ஆவார்! ராணி காமிக்ஸில் வெளிவந்த சாட்டையடி வீரரின் சாகஸங்கள் இவரது கைவண்ணத்தில் உருவானவையே!
சாட்டையடி வீரரின் கதைகளில் தென்படும் இவரது உயிரோட்டம் நிறைந்த பாணி தமிழ் காமிக்ஸ் ரசிகர்களுக்கு நன்கு பரிச்சயமானதே! வேறு சில பல கெளபாய் கதைகளுக்கும் இவர் தனது பாணி ஓவியங்கள் மூலம் உயிரூட்டியிருப்பது இன்றும் நம் நினைவில் நிற்கிறது!
இதோ அவரது நினைவாக சாட்டையடி வீரரின் ராணி காமிக்ஸ் அட்டை படங்கள்!
இதோ உங்கள் பார்வைக்கு ஒரிஜினல் அட்டைப் படங்கள்! மொத்தமாக வந்த சாட்டையடி வீரர்களின் கதைகளின் எண்ணிக்கை நான்கு மட்டுமே என்பது குறிப்பிடத் தக்கது! இவற்றை நமக்கு தமிழில் அறிமுகப் படுத்திய ஆசிரியர் திரு.S.ராமஜெயம் அவர்களுக்கு இந்த தருணத்தில் நாம் நன்றி கூறுவது பொருத்தமாகவே இருக்கும்!
அண்ணாரின் ஆன்மா சாந்தியடைய தமிழ் காமிக்ஸ் உலகின் சார்பாக ஆண்டவனை பிரார்த்திக்கிறேன்!
வெகுமதி:
சாட்டையடி விரர் மற்றும் அவரது நண்பர்களின் பெயர்களை சரியாக கூறுபவர்களுக்குப் பரிசு தர இயலாவிடினும் பாராட்டுக்கள் நிச்சயம் உண்டு!
இவரைப் பற்றி மேலும் அறிந்து கொள்ள கீழ்காணும் சுட்டிகளை பயன்படுத்தவும்!
- http://lambiek.net/artists/r/roume_carlos.htm
- http://bearalley.blogspot.com/2009/09/carlos-roume-1923-2009.html
இப்போதைக்கு அவ்வளோதான்,
மீண்டும் சந்திப்போம்!
