அ.கொ.தீ.க.

தபால் தலையில் மாயாவி!

2012-01-03T22:26:00.000+05:30

வணக்கம்,

அனைவருக்கும் இனிய புத்தாண்டு நல்வாழ்த்துக்கள்!

இந்த புது வருடம் தமிழ் காமிக்ஸ் வரலாற்றில் ஒரு மைல்கல்லாக விளங்கப் போவதற்கான அறிகுறிகள் ஆரம்பமாகிவிட்டன! ஆசிரியர் திரு.S.விஜயன் அவர்களே சொந்த வலைப்பூ ஒன்றைத் தொடங்கி வெற்றிகரமாக நடத்தி வருகிறார்! கம்பேக் ஸ்பெஷல் குறித்த முன்னோட்டங்கள் இனையத்தில் உலாவ ஆரம்பித்து விட்டன! காமிக்ஸ் ஜுரம் கொஞ்சம் கொஞ்சமாக பற்றிக் கொண்டு விட்டது! என் பங்குக்கு நானும் ஒரு சிறிய ‘பிட்’டை போட்டு வைக்கிறேன்!

இந்நிலையில் தமிழ் காமிக்ஸ் சூழல் மட்டுமல்லாது உலகெங்கிலும் உள்ள காமிக்ஸ் ரசிகர்களும் வரவேற்கத் தக்க விஷயங்கள் நடந்தேறி வருகின்றன! அந்த வரிசையில் இதோ இன்னுமொரு சுவையான நிகழ்வு!

தமிழ் காமிக்ஸ்களுள் தலையாய நாயகானாகிய இரும்புக்கை மாயாவி மற்றும் வேறுபல காமிக்ஸ்களை கெளரவப்படுத்தும் வகையில் இங்கிலாந்து நாட்டு அஞ்சல்துறை தபால்தலைகளை வெளியிட்டுள்ளது! பிரிட்டிஷ் காமிக்ஸ் வரலாற்றின் 75 வருட பாரம்பரியத்தை கொண்டாடும் வகையில் இந்நிகழ்வு அமைந்துள்ளது! இது குறித்த மேல்விவரங்களுக்கு கீழ்காணும் சுட்டியை சொடுக்கவும்!

http://lewstringer.blogspot.com/2012/01/royal-mail-celebrates-uk-comics.html

இதோ அந்த தபால்தலைகள்! காமிக்ஸ் ரசிகர்கள் கைப்பற்ற வேண்டிய இன்னுமொரு அரிய பொக்கிஷம்! ஆனால் இரும்புக்கை மாயாவியை சிறுமிகள் காமிக்ஸ் வகையில் சேர்த்தது ஏனென்று விளங்கவில்லை!

இதே போல் 1995ல் அமெரிக்காவில் செய்தித்தாள் சித்திரத் தொடர்களை கெளரவப்படுத்தும் வகையில் வெளியிடப்பட்ட தபால்தலைகள் இதோ! ஃப்ளாஷ் கார்டன், ப்ளாண்டி, டிக் ட்ரேசி மற்றும் தொலைக்காட்சி மூலம் பாப்பை தவிர வேறு எவரையும் தமிழ் காமிக்ஸ் ரசிகர்களுக்கு பரிச்சயம் இல்லை என்பது வருந்தத்தக்கது!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்! அனைவருக்கும் மீண்டும் ஒரு முறை புத்தாண்டு நல்வாழ்த்துக்கள்!

இப்போதைக்கு அவ்வளோதான்,
மீண்டும் சந்திப்போம்!

முகமூடி வேதாளன்!

2011-05-01T02:22:00.001+05:30

வணக்கம்,

கடந்த ஏப்ரல் 28, 2011 அன்று உலகின் தலைசிறந்த செய்தித்தாள் சாகஸ சித்திரக்கதை தொடர்களாகிய வேதாளர் (THE PHANTOM) மற்றும் மாயாஜால மன்னன் மாண்ட்ரேக் ஆகிய கதைத் தொடர்களை உருவாக்கிய அமரர் லீ ஃபாக்கின் 100வது பிறந்த நாளாகும்!

மேலும் 2011ல் வேதாளர் கதைத்தொடர் தொடங்கி 75 ஆண்டுகள் பூர்த்தி ஆகின்றது!

இத்தருணத்தில் நமது அ.கொ.தீ.க. வலைப்பூவின் 50வது பதிவை வெளியிடுவது சிறப்பாக இருக்கும் எனக் கருதி லீ ஃபாக்கின் நினைவுகளுக்கும் அவர் படைத்துச் சென்றுள்ள அற்புதங்களின் உலகிற்கு நன்றி கூறும் விதமாகவும் இப்பதிவை சமர்ப்பிக்கிறேன்!

இக்கதையில் கூட காட்டரசன் வேதாளர் ஒரு நாட்டின் ராணியைத் திருமணம் செய்வது போல் கதை அமைந்திருந்தாலும் நேற்று முன் தினம் நடைபெற்ற இந்த ராஜ வைபவத்திற்கும் அதற்கும் ஏதேனும் ஒற்றுமை இருந்தால் அது தற்செயலானதே!

மேலும் இன்று மே முதல் திங்கள்! உழைப்பாளர் தினம்! ஞாயிற்றுக் கிழமையில் வந்திருக்கும் மேலும் ஒரு அரசு விடுமுறை! மே தினமும் ஞாயிற்றுக்கிழமையில் வந்திருப்பது கொடுமை!

எனிவே…அனைவருக்கும் இனிய உழைப்பாளர் தின நல்வாழ்த்துக்கள்! தல ரசிகர்களுக்கு தல பிறந்த நாள் நல்வாழ்த்துக்கள்!

ஒகே! மொக்கை போட்டது போதும்! இனி பதிவுக்குப் போவோம்!

புத்தக விவரங்கள்:

கதை	முகமூடி வேதாளன்
இதழ்	முத்து காமிக்ஸ் (மாத இதழ்)
வெளியீடு #	58
முதல் பதிப்பு	ஜனவரி 1, 1977
மறுபதிப்புகள்	இதுவரை இல்லை
பதிப்பகம்	MUTHU COMICS
ஆசிரியர்	M.சவுந்திரபாண்டியன்
அச்சிட்டோர்	SEKAR OFFSET PRESS, SIVAKASI
நாயகர்(கள்)	முகமூடி வேதாளன்
மூலம்	THE PHANTOM - SUNDAY STRIP # 064 - THE FOUNDING OF THE JUNGLE PATROL
தேதி	5 Jul 1964 - 24 Jan 1965 (30 Weeks)
வெளியிட்டோர்	KING FEATURES SYNDICATE
கதை	LEE FALK
ஓவியம்	SY BARRY
தமிழில்	M.சவுந்திரபாண்டியன்
பக்கங்கள்	68 (இரு வண்ணங்களில்)
சைஸ்	16cm X 20cm
விலை	ரூ:1/- (1977 முதல் பதிப்பின் போது)

விளம்பரம்:

இவ்விதழ் புத்தாண்டு மலர் என விளம்பரப்படுத்தப்பட்டது! முந்தைய வெளியீடுகள் மட்டுமின்றி 1977 ஜனவரி மாத கோகுலம் இதழிலும் விளம்பரம் வெளிவந்தது! இந்த கோகுலம் விளம்பரங்கள் அந்தக் காலத்தில் ரொம்ப பிரபலம்!

அட்டைப்படம்:

கண்கவரும் அட்டைப்படம்! வேதாளரின் அசத்தல் ஆக்‌ஷனுடன்! கண்டுகளியுங்கள்! அந்த காலத்தில் கடைகளில் பார்த்தவுடனேயே வாங்கிப் படிக்கத் தூண்டியிருக்க வேண்டும்!


	Gold Key – The Phantom # 15

முத்து காமிக்ஸ் # 058 - முகமூடி வேதாளன்	Indrajal Comics # 051 - The River Pirates

பிற அட்டைப்படங்கள் இதன் மூலத்தை உணர்த்தவே! இக்கதைக்கும் அவைக்கும் சம்பந்தம் ஏதும் இல்லை!

முதல் பக்கம்:

பிற துணுக்குகள்:

இனி வரும் துணுக்குகள் சில THE PHANTOM ANNUAL 1967 என்ற புத்தகத்திலிருந்து வந்தவையே!

ஓவ்வொரு துணுக்குடனும் அதற்கான ஆங்கில மூலத்தையும் உடன் வழங்கியுள்ளேன்!

கண்டு களியுங்கள்!

இந்த புத்தகத்தை தரவிறக்க கீழ்காணும் சுட்டியைப் பயன்படுத்தவும்!

http://www.mediafire.com/?ymmkyf55gmm

உபயம்: http://bookscomics.blogspot.com/

SPLASH PAGE:

ரிப்லியின் விந்தை உலகம்:

அந்தக் கால முத்து காமிக்ஸ்களின் உள்ளட்டைகளில் வழக்கமாக இடம் பெற்றிருக்கும் துணுக்குதான் ரிப்லியின் விந்தை உலகம்! இதிலும் அப்படியே!

இது குறித்த முழு நீளப் பதிவொன்று நெடுநாளாக கிடப்பில் கிடக்கின்றது! அதற்கு எப்போது விடிவு காலம் வரப்போகிறதோ தெரியவில்லை!

சுட்டிப்பயல்:

சுட்டிப்பயல் ஹென்றியின் நகைச்சுவைத் துணுக்குகள் இவ்விதழில் வந்துள்ளது! படித்து மகிழுங்கள்!

இவன் செய்யும் சேட்டைகளுக்குப் பெயர் தான் ஊமைக் குசும்போ?!! என்றேனும் ஒரு நாள் இந்த மொட்டைப் பயலின் சாகஸங்களைப் பட்டியலிட வேண்டும் என்று ஆவல்! நடக்குமா?!!

KING FEATURES SYNDICATE இடம் காமிக்ஸ் தொடர்களுக்கு உரிமைகள் வாங்கும் போது அக்காலத்தில் இது போன்ற துணுக்குகளையும் சேர்த்து வாங்கியிருக்கலாம்! அல்லது ஒரு வேளை இவற்றைக் கொசுறாகவும் கொடுத்திருக்கலாம்! ஆனால் அவ்வாறு நடைபெற்றிருக்கும் வாய்ப்புகள் அரிதே!

விளம்பரங்கள்:

வேதாளர் வந்த பிறகு மாண்ட்ரேக் மட்டும் சும்மா இருப்பாரா?!! அவரும் விரைவில் முத்து காமிக்ஸ்-ல் வரப்போகும் விளம்பரம்! கூடவே சிஸ்கோ கிட்டும், ரிப் கிர்பியும்! கண்டு களியுங்கள்!

வேதாளரின் அடுத்த சாகஸமான ஜூம்போ விளம்பரமும் அதன் ஆங்கில மூலமும்!

CREDITS:

புதிர் விளையாட்டு:

இலவச இணைப்பு:

முகமூடி வேதாளனின் கபாலக் குகை எனும் இலவச தாய விளையாட்டு இவ்விதழுடன் வழங்கப்பட்டது!

ஒரிஜினலுக்கும் தமிழ் பதிப்புக்கும் உள்ள வித்தியாசத்தைக் காணுங்கள்! தமிழில் வண்ணக் கலவை கண்ணைக் கவர்கிறதல்லவா?

கதை:

பங்கல்லா கானகப் பகுதியைக் காத்து வரும் வனக்காவல் படையை 300 ஆண்டுகளுக்கு முன் எவ்வாறு 17ம் நூற்றாண்டைச் சேர்ந்த வேதாளர் உருவாக்கினார் என்பதே கதை! இடையில் ஒரு நாட்டின் ராணியையும் ரொமான்ஸ் செய்கிறார்!

இந்தக் கதையை புரட்சித் தலைவர் எம்.ஜி.ஆர். அவர்களை ஹீரோவாகப் போட்டு படமாக எடுத்திருந்தால் ஆயிரத்தில் ஒருவன் (1965) ரேஞ்சுக்கு இன்னொரு அமர்க்களமான திரைப்படம் நமக்குக் கிடைத்திருக்கும்! ஏனென்பதை நீங்களே புரிந்து கொள்வீர்கள்!

இக்கதையை 20ம் நூற்றாண்டைச் சேர்ந்த நமது வேதாளர் பழைய குறிப்புகளிலிருந்து குரன் மற்றும் ஏனைய பந்தர் குள்ளர்களுக்கும் படித்து காண்பிப்பது போல அமைக்கப் பட்டிருக்கும்!

கடற்கொள்ளையர்களை அடியோடு ஒழிக்க சபதம் பூண்டிருக்கும் வேதாளர் பரம்பரையில் வந்தவர் நமது 17ம் நூற்றாண்டு வேதாளர்! கொள்ளையர்களின் தலைவனாகவும், கப்பல்களுக்கு சிம்மசொப்பனமாகவும் விளங்குகின்றான் செந்தாடி!

செந்தாடி

தன்னை சண்டையில் வீழ்த்தும் ஒருவன் தான் அடுத்த தலைவனாக முடியும் என்று சவால் விடுக்கிறான் செந்தாடி! அந்தச் சவாலை ஏற்று கொள்ளையர்களின் தலைமையிடமான சன்லாய் துறைமுகத்திற்கு செல்ல தீர்மாணிக்கிறார் வேதாளர்! கதை ஆரம்பம் முதல் அனல் பறக்கும் அதிரடிதான்! கதையில் வேதாளரின் எண்ட்ரியே அமர்க்களமாக இருக்கும்!

சிங்கம் போல் கோட்டையினுள் நுழையும் வேதாளர் செந்தாடிக்கு சவால் விடுக்கிறார்! ஆனால் அவனுக்கு முன் அவனது தளபதிகளான கோடாரிச் சண்டையில் வல்லவனான BIG BART (தமிழில் கோடாரிக் கொம்பன்), கத்திச் சண்டை வீரன் SALLA (சல்லா) மற்றும் மாமிச மலை CRUSHER (தமிழில் கிங்காங்) ஆகியோர் வேதாளரை எதிர்கொள்கின்றனர்!


கோடாரிக் கொம்பன்	சல்லா	கிங்காங்

வேதாளர் எல்லோரையும் தனது பாணியில் முறியடிக்கிறார்! இறுதியில் செந்தாடியுடனும் மோதுகிறார்! எம்.ஜி.ஆர். போல வேதாளர் கத்திச் சண்டை போடும் அழகைக் காணுங்கள்!

செந்தாடியுடன் மோதுகையில் சிறையில் இருக்கும் ஒரு அழகியைக் கண்டு வேதாளரின் கவனம் சிதறுகிறது! கண்டதும் காதலா?!!

கண்டதும் காதல்!

ஆனால் மீண்டும் சுதாரித்துக் கொண்டு செந்தாடியை வீழ்த்துகிறார் வேதாளர்! அவனைக் கொல்லுமாறு வேதாளரிடம் அனைவரும் கூற வேதாளரோ அவனை மன்னிக்கிறார்! இது கண்டு கல்நெஞ்சம் கொண்ட கடற்கொள்ளையர் கண்களிலும் கண்ணீர் பெருகுகிறது!

செந்தாடி மற்றும் அவனது தளபதிகளை மன்னிக்கிறார் வேதாளர்! அவர்களும் தங்களது விசுவாசத்தை வேதாளருக்கு சமர்ப்பிக்கின்றனர்! அவர்களோடு நம்பிக்கைக்குரிய நூறு பேரோடு வனக்காவல் படையை துவங்குகிறார் வேதாளர்!

இதற்கிடையில் வேதாளர் சிறையில் பார்த்து மனதைப் பறிகொடுத்த அழகி நவரே நாட்டின் ராணி நடாலியா என்று தெரியவருகிறது! கிடைத்த கேப்பில் அலேக்காக அவரை கபாலக் குகைக்கு உல்லாசப் பயணமாக அழைத்துச் செல்கிறார்! பின்னர் சகல ராஜ மரியாதைகளுடன் சொந்த நாட்டுக்கே திருப்பி அனுப்புகிறார் வேதாளர், தன் காதலை வெளிப்படுத்தாமலே!

இறுதியில் ராணியைக் கைப்பற்றினாரா வேதாளர்? வனக்காவல் படையை எவ்வாறு விரிவாக்கினார்? இது போன்ற கேள்விகளுக்கு கதையைப் படித்துத் தெரிந்து கொள்ளுங்கள்! பதிவில் கீழே ஆங்கில மூலத்திற்கான டவுன்லோடு லிங்கை அளித்துள்ளேன்!

இது ஞாயிற்றுக்கிழமைகளில் மட்டுமே வெளிவந்த தொடர்கதை என்பதால் நடுவில் இடைவெளிக்காக திடீர் திடீரென வேதாளர் கதையை நிறுத்தி விட்டு சாப்பிடவோ, குளிக்கவோ கிளம்பி விடுவார்! மீண்டும் அவர் கதை சொல்ல ஆரம்பிக்கும் வரை பந்தர் குள்ளர்களோடு சேர்ந்து நாமும் ஆவலுடன் காத்திருப்போம்!

இது முழுக்க முழுக்க ஒரு ஆக்‌ஷன் கதை எனினும் கதையில் ஏகப்பட்ட ரொமாண்டிக் காட்சிகள் நிறைந்திருக்கும்! நீங்களே படித்து மகிழுங்கள்!

இதயம் முரளி ரேஞ்சுக்கு வேதாளர் உருகுகிறார்! அந்த காலத்திலேயே வேதாளர் சொல்லாமலேயே காதல் புரிந்திருக்கிறார்! கதையைப் படிக்கும் நாமும் கதையோடு ஒன்றிப் போவதால் கதை கேட்கும் பந்தர் குள்ளர்கள் போல கடுப்பாவது இயல்பே!

காமிக்ஸ் குத்து:

கதையில் கானகப் பழமொழிகள் ஏதும் இடம்பெறவில்லையென்றாலும் குத்து வசனங்களுக்கு பஞ்சமே இராது!

செந்தாடியை வேதாளர் எதிர்கொண்டது முதலே செந்தாடி அவரை எருமை என்று ஏளனம் செய்ய ஒரு கட்டத்தில் பொறுக்க முடியாமல் பொங்குகிறார் வேதாளர்! மேலும் சல்லாவுடன் கத்தி சண்டை இடும் போதும் வீர வசனம் பேசுகிறார் வேதாளர்!

இவை அனைத்திற்கும் உச்சமாக செந்தாடியை வீழ்த்திய பின்னர் அவனைக் கொல்லாமல் மன்னித்து விட்டு விடுகிறார்! அப்போது அவர் பேசும் வசனம் தான் கடற்கொள்ளையர்களையும் கலங்கச் செய்கிறது!

கதை முடிவில் 20ம் நூற்றாண்டு வேதாளர் கூறும் ஒரு வசனம்! கதையைப் படித்து முடித்த பின் நமக்கும் இது போல் உணர்வுகள் தோன்றுவதில் ஆச்சரியமில்லை!

என்ன நண்பர்களே?!! ஆரம்பத்தில் நான் கூறியது போல் இது புரட்சித் தலைவருக்கு உகந்த கதைதானே?!! திரைப்படமாக வந்திருந்தால் நிச்சயம் வெள்ளி விழா கண்டிருக்கும்தானே?!!

சுவாரசியமான தகவல்கள்:

1977-ல் முத்து காமிக்ஸ்-ல் முதன்முறையாகப் புத்தாண்டு மலர் வெளியிடப்பட்டது! முத்து காமிக்ஸ் # 058 – முகமூடி வேதாளன்அட்டகாசமான சைஸில் இரு வண்ணங்களில் ஜனவரி 1977-ல் வெளிவந்தது!
வேதாளர் முத்து காமிக்ஸ்-ல் அறிமுகமானது இந்தக் கதை மூலம்தான்!
இவ்விதழுடன் புத்தாண்டு பரிசாக இலவச தாய விளையாட்டு வழங்கப் பட்டது!
ஆரம்பத்தில் பெரிய சைஸில் வந்து கொண்டிருந்த முத்து காமிக்ஸ் நடுவில் பாக்கெட் சைஸுக்கு மாறியது! பின்னர் மீண்டும் பெரிய சைஸுக்கு இக்கதை மூலம் வந்தது! இவ்விதழின் வெற்றியைத் தொடர்ந்து இரு வண்ணங்களில் பெரிய சைஸில் தொடர்ந்து ஓராண்டுக்கு மேல் வெளிவந்தது!
ஏற்கெனவே இந்திரஜால் காமிக்ஸ் மூலம் வேதாளர் என்றும், குமுதம் வார இதழ் மூலம் முகமூடி என்றும் தமிழ் வாசகர்களுக்கு வேதாளர் அறிமுகமாகியிருந்தார்! இதனாலேயே முத்து காமிக்ஸ்-ல் முகமூடி வேதாளன் என்று தலைப்பு வைக்கப்பட்டிருக்கலாம்!
கதையிலும் கூட PHANTOM என்பதற்கு தமிழ்ப்பதமாக குமுதம் பாணியில் முகமூடி என்றும், THE GHOST WHO WALKS என்பதற்கு இந்திரஜால் பாணியில் வேதாளர் (பந்தர் குள்ளர்கள் வழக்கம்) என்றும் குறிப்பிட்டிருப்பர்! பிற்காலத்தில் முகமூடி என்ற சொற்பதம் விடப்பட்டு வேதாளர் என்றே அழைக்கப்பட்டார்!
குமுதத்தில் இக்கதை வந்ததாகத் தெரியவில்லை! இந்திரஜாலிலும், ராணியிலும் தமிழ் மொழிபெயர்ப்பு சகிக்கவில்லை! ஆகையால் முத்து காமிக்ஸ்-ல் வந்ததே சிறந்த மொழிபெயர்ப்பு என்று ஆணித்தரமாகக் கூறலாம்!

கதாசிரியர்கள்:

மேல் விவரங்களுக்கு கீழ்காணும் சுட்டிகளைப் பயன்படுத்தவும்!


கதாசிரியர் லீ ஃபாக்	ஓவியர் சை பேரி
http://en.wikipedia.org/wiki/Lee_Falk	http://en.wikipedia.org/wiki/Sy_Barry http://www.lambiek.net/artists/b/barry_s.htm

பிற பதிப்புகள்:

இந்தியாவில் இக்கதையின் பிற பதிப்புகள் இதோ! இன்னும் இக்கதை செய்தித்தாள்களிலும், பத்திரிக்கைகளிலும் தொடராக பதிப்பிக்கப் பட்டிருக்கலாம்! இப்போதைக்கு மேலும் தகவல்கள் ஏதும் இல்லை!

INDRAJAL COMICS # 026 - THE JUNGLE PATROL (APRIL 1966) - ஆங்கிலம், தமிழ் மற்றும் பிற இந்திய மொழிகளிலும்!
ராணி காமிக்ஸ் # 186 - வெள்ளை இளவரசி (16 MARCH 1992)
DIAMOND COMICS DIGEST # 058 – PHANTOM # 011 – ஆங்கிலம் மற்றும் ஹிந்தியில்!
DIAMOND COMICS DIGEST # 164 – PHANTOM # 073 (REPRINT) – ஆங்கிலம் மற்றும் ஹிந்தியில்!

இந்திரஜால் காமிக்ஸின் தமிழ் பதிப்பு என்னிடம் இல்லை! ஆகையால் அட்டைப்படம் வெளியிட முடியவில்லை! மன்னிக்கவும்!

ஆங்கிலம்/ஹிந்தி இதழ்களை தரவிறக்க கீழ்காணும் சுட்டிகளைப் பயன்படுத்தவும்!

ஆங்கிலம்: http://indrajal-online.blogspot.com/2009/04/026-1966-jungle-patrol.html
ஹிந்தி: http://indrajal-online.blogspot.com/2010/03/026-veetal-ki-gashti-sena.html

ஆங்கில மூலம்:

இக்கதையை ஆங்கிலத்தில் டவுன்லோடு செய்ய கீழ்காணும் சுட்டிகளைப் பயன்படுத்தவும்!

கறுப்பு வெள்ளை - http://www.mediafire.com/?gmyndxmkgdm
முழு வண்ணம் - http://www.mediafire.com/?emznirzeemj

உபயம்: http://bookscomics.blogspot.com/

நிறைகள்:

அற்புதமான கதையம்சம்! அருமையான ஓவியங்கள்! சூப்பர் சைஸ்! பளிச் வெள்ளைக் காகிதத்தில் தெளிவான இரு வண்ண அச்சு! சிறந்த மொழிபெயர்ப்பு! அசத்தல் அட்டைப்படம்! நிறைவான துணுக்குகள்! இன்ப அதிர்ச்சியாக இலவச இணைப்பு! ஆவல் தூண்டும் விளம்பரங்கள்! என அனைத்து வகையிலும் நம் ஆவல்களைப் பூர்த்தி செய்கிறது இந்த இதழ்!

குறைகள்:

முழு வண்ணத்தில் வராதது மட்டுமே!

நன்றிகள்:

ஆசிரியர் லீ ஃபாக் மற்றும் ஓவியர் சை பேரிக்கு! இந்த அற்புதக் கதையை உலகிற்கு வழங்கியதற்கு!
ஆசிரியர் திரு.M.சவுந்திரபாண்டியன் அவர்களுக்கு – முத்து காமிக்ஸ்-ல் இக்கதைத் தொடரை அறிமுகம் செய்தமைக்கு!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

களிமண் மனிதர்கள்!

2011-02-17T14:40:00.001+05:30

வணக்கம்,

2011ல் முதன்முறையாக உங்களைச் சந்திப்பதில் பேரானந்தம்! புத்தாண்டு, பொங்கல், குடியரசு தினம், காதலர் தினம் என்று பல சிறப்பு தினங்கள் வந்திட்டாலும் பணிச்சுமை காரணமாக பதிவிட முடியாமைக்கு வருந்துகிறேன்! அனைத்து சிறப்பு தினங்களுக்கும் எனது தாமதமான வாழ்த்துக்கள்! மன்னிக்கவும்!

இரத்தப்படலம் அலை இன்னும் ஓய்ந்தபாடில்லை! அதற்குள் அடுத்த வெளியீடுகள் வந்துவிட்டன! இன்னும் ஓரிரு மாதத்திற்குள் கருப்பு வெள்ளையில் வெளிவரவிருக்கும் அனைத்து இதழ்களும் வெளிவந்துவிடும்! அதற்குப் பிறகு நாமும் கலர் கலராய் காமிக்ஸ் படிக்கலாம்! வந்துள்ள விளம்பரங்கள் கண்ணையும் கருத்தையும் கவர்கின்றன!

லயன் காமிக்ஸ் # 209 – வெள்ளையாய் ஒரு வேதாளம்! இதழ் குறித்த கிங் விஸ்வாவின் அதிரடிப் பதிவில் மேற்கொண்டு தகவல்களைப் பெறலாம்! படித்து மகிழ கீழ்காணும் சுட்டியைப் பயன்படுத்தவும்!

http://tamilcomicsulagam.blogspot.com/2011/02/lion-comics-issue-no-209chick-bill.html

இதனுடன் வந்துள்ள இன்னொரு இதழான இரும்புக்கை மாயாவியின் அதிரடி மறுபதிப்பு சாகஸமான காமிக்ஸ் க்ளாசிக்ஸ் # 25 - களிமண் மனிதர்கள்! குறித்து நாம் காணுவோம்!

படங்களைக் ‘க்ளிக்’கிப் பெரிதாக்கிப் பார்த்து மகிழவும்!

பதிவுக்கு போகும் முன்:

இயக்குனர் மிஷ்கின் ஒரு தீவிர காமிக்ஸ் ரசிகர் என்பது அறிந்ததே! குறிப்பாக இரும்புக்கை மாயாவியின் அதிதீவிர ரசிகர்! இப்புத்தகம் அவர் கையில் கிடைத்ததும் அவர் முகத்தில் கண்ட பூரிப்பை நீங்களே பாருங்கள்! உடனடியாக புத்தகத்துடன் புகைப்படம் எடுத்துக்கொள்ள சம்மதித்து விட்டார்! அவருக்கு நம் அனைவரின் சார்பிலும் நன்றிகளைத் தெரிவித்துக் கொள்கிறேன்!

புகைப்படம் எடுத்து வழங்கிய கிங் விஸ்வாவுக்கு நன்றி!

ஓகே! இனி பதிவுக்குப் போவோம்!

புத்தக விவரங்கள்:

	ஆங்கிலப் பதிப்பு	முதல் பதிப்பு	இரண்டாம் பதிப்பு
அட்டைப்படம்
கதை	WARLOCK	களிமண் மனிதர்கள்	களிமண் மனிதர்கள்
இதழ்	VALIANT	முத்து காமிக்ஸ்	காமிக்ஸ் க்ளாசிக்ஸ்
#	231-252 (22 ISSUES)	138	25
தேதி	04-03-1967 TO 29-07-1967	15, ஜூலை 1984	ஃபிப்ரவரி 2011
பதிப்பகம்	FLEETWAY PUBLICATIONS LTD.	முத்து காமிக்ஸ்	பிரகாஷ் பப்ளிஷர்ஸ்
எடிட்டர்		M.சவுந்திரபாண்டியன்	S.விஜயன்
அச்சிட்டோர்	FLEETWAY PRINTERS	A.M.தியாகராஜன்	தி விஜய் புக்ஸ், சிவகாசி
கதை	TOM TULLY
ஓவியம்	JESUS BLASCO
தமிழில்	M.சவுந்திரபாண்டியன்
பக்கங்கள்	44 (2 PAGES PER ISSUE)	108 (கருப்பு வெள்ளை)	108 (கருப்பு வெள்ளை)
சைஸ்	A4	13cmx19cm	B6
விலை	7^d (PER ISSUE)	ரூ:2/- (1984 முதல் பதிப்பின் போது)	ரூ:10/-

அட்டைப்படம்:

முதல் பக்கம்:

காமிக்ஸ் க்ளாசிக்ஸ் பதிப்பில் சில இடங்களில் மட்டும் எழுத்துக்கள் புதிதாக வடிவமைக்கப்பட்டுள்ளதைப் பாருங்கள்! முழு புத்தகத்துக்கும் இவ்வாறு செய்திருந்தால் படிப்பதற்கு சுலபமாக இருந்திருக்கும்!

விளம்பரம்:

களிமண் மனிதர்கள்-ன் முதல் பதிப்பு எவ்வித விளம்பரமும் இன்றி திடுதிடுப்பென வந்தது! அதற்கான காரணத்தை பின்னர் அலசுவோம்! ஆனால் காமிக்ஸ் க்ளாசிக்ஸ் மறுபதிப்பிற்கு உரிய முறையில் ஏகப்பட்ட விளம்பரங்கள் வெளியிட்டு நம்மையெல்லாம் ஆவலுடன் காக்க வைத்து விட்டார் ஆசிரியர்!

CREDITS:

கதைச்சுருக்கம்:

இலண்டனுக்கு அருகில் புதிதாக திறக்கப்படவிருக்கும் அனுமின் நிலையத்தை அழிக்க இரும்புக்கை மாயாவியின் பரம வைரிகளான அ.கொ.தீ.க.வினர் முயல்கின்றனர்! அவர்களது நாசவேலை சதிச்செயல்களுக்குப் போர்வையாக அனுமின் உலைக்கு அருகாமையிலுள்ள பழமையான வார்லாக் பகுதியில் நிலவி வரும் மூட நம்பிக்கையான மண் இனத்தவர் பற்றிய கட்டுக்கதைகளை தங்களுக்குச் சாதகமாகப் பயன்படுத்திக்கொள்கின்றனர்! இரசாயண முறையில் அற்புத சக்தி படைத்த களிமண் மனிதர்களை உருவாக்கி மக்களை அச்சுறுத்துகின்றனர்! அ.கொ.தீ.க.வினர் மேற்கொள்ளும் முயற்சிகளை மாயாவி முதன்முறையாக சூப்பர் ஹீரோ அவதாரம் பூண்டு எவ்வாறு முறியடிக்கிறார் என்பதே கதை!

மாயாவியின் சூப்பர் ஹீரோ அவதாரம்:

களிமண் மனிதர்கள்! கதையிலிருந்து இரும்புக்கை மாயாவி கதைத்தொடரில் பல முக்கிய மாற்றங்கள் நிகழ்கின்றன! முக்கியமானதும், முதன்மையானதுமாக மாயாவி சூப்பர் ஹீரோ வேடம் தரிக்கிறார்!

பல வித நூதன சக்திகள் மாயாவிக்கு நிழற்படை விஞ்ஞானிகளால் வழங்கப் படுகிறது! கூடவே எதிரிகள் அவரை அடையாளம் கண்டு கொள்ளாமலிருக்க அவருக்கு சூப்பர் ஹீரோ சீருடையும் வழங்கப்படுகிறது!

சூப்பர் ஹீரோ ஆகிவிட்ட பிறகு ரகசிய அடையாளம் இல்லாமல் எப்படி?!! சூப்பர் ஹீரோ வேடம் தறிக்காத நேரங்களில் டாக்ஸி ஓட்டும் சாதாரண மனிதனாக லண்டனின் தெருக்களில் உலவுகிறார்! இரட்டை வாழ்க்கை வாழ்கிறார்!

சிறுவன் மோரீஸ் இக்கதையிலிருந்துதான் அறிமுகம் ஆகிறான்! மாயாவியின் ரகசியத்தைத் தெரிந்து கொள்ளும் அவனை தனக்கு துணையாக சேர்த்துக் கொள்கிறார்!

இது வரை முகம்காட்டாத நிழற்படைத் தலைவர் நமக்கு அறிமுகமாகிறார்! பின்னர் வரும் கதைகளில்தான் (விண்வெளிக் கொள்ளையர், இயந்திரப்படை) இவரின் பாத்திரம் முழுமை பெறுகிறது!

மாயாவி இப்படி திடீரென ஏன் சூப்பர் ஹீரோவாக மாற வேண்டும்? காரணம், 1960-களில் உலகெங்கிலும் மிகப் பிரபலமடைந்திருந்த பேட்மேன் தொலைக்காட்சித் தொடர்-ன் பாதிப்பேயாகும்!

இத்தொடரைப் பற்றியும் மாயாவி கதைத்தொடரின் மீது அதன் பாதிப்புகள் பற்றியும் ஏற்கெனவே விரிவாக எழுதியுள்ளேன்! படிக்க கீழ்காணும் சுட்டியைப் பயன்படுத்தவும்!

http://akotheeka.blogspot.com/2009/02/s.html

மாயாவியின் சக்திகள்:

மாயாவி இக்கதையில் பெறும் விசேட சக்திகளைக் காண்போம்! ரொம்ப விளக்கி எழுத முடியாத அளவுக்கு ‘காதுல பூ’ சுத்தியிருக்காங்க! அதனால் நீங்களே படித்துக் கொள்ளுங்கள்!

இக்கதையில் மாயாவி மின்காந்த சக்தியை உபயோகித்து சூப்பர்மேன் ரேஞ்சுக்கு பறக்கிறார்! அதுமட்டுமின்றி மின் காந்த சக்தியின் மூலம் அவரை நோக்கி வரும் தோட்டாக்களை சிதறடிக்கிறார்! மயிர்கூச்செறிய வைக்கும் சாகஸம்தான்…இல்லையா?!!

க்ளைமாக்ஸில் மின் காந்த சக்தியை உபயோகித்து ஒரு ஏவுகனையையே அழிக்கிறார்! நம்பமுடிகிறதா?!!

சூப்பர் கார்:

மாயாவி இக்கதையில் விசேட டாக்ஸி ஒன்றை ஓட்டுகிறார்! அதில் பல்வேறு சிறப்பம்சங்கள் பொருந்தியுள்ளன!

டாக்ஸி மீட்டரில் சாட்டிலைட் தொலை தொடர்பு வசதி!

உடனடி மாயத்தண்மை பெற சக்தி வாய்ந்த கார் பேட்டரி! இதை எந்திரன்-ல் அப்பட்டமாகக் காப்பியடித்துள்ளனர்!

எஜெக்டர் ஸீட்!

ராக்கெட் என்ஜின்!

BATMOBILE, BLACK BEAUTY, ஜேம்ஸ்பாண்ட் கார்களுக்கு எவ்விதத்திலும் சளைத்ததல்ல மாயாவியின் டாக்ஸி! இல்லையா நண்பர்களே?!!

வில்லன்கள்:

எந்த ஒரு சூப்பர் ஹீரோவின் கதைகளின் வெற்றி அவர் எதிர்த்து மோதும் வில்லன்களைப் பொறுத்தே அமைகிறது! இதில் அ.கொ.தீ.க.வினராக வரும் களிமண் மனிதர்கள் அவர்தம் பணிகளைத் திறம்படச் செய்கின்றனர்! அதாவது மாயாவியிடம் அடி வாங்கி தோற்றோடுகின்றனர்! முக்கிய வில்லனாக வரும் முகம்தெரியாத அ.கொ.தீ.க. தலைவர் கூட ‘சப்’பென்றே இருக்கிறார்!

சுவாரசியமான துணுக்குகள்:

இது நம் அபிமான காமிக்ஸ் க்ளாசிக்ஸ்-ன் 25வது இதழ்!
ஜூலை 15, 1984! இந்தத் தேதி முத்துவின் சரித்திரத்தில் ஒரு முக்கியமான நாளாகும்! முத்துவின் முதல் இன்னிங்ஸ் முடிவடைந்த சோக தினம் இதுதான்! அதன் பிறகு கிட்டத்தட்ட ஒரு வருட இடைவெளிக்குப் பின்னரே முத்து காமிக்ஸ் மீண்டும் வந்தது! இதற்கு முன்பு கடைசியாக 1982-ல் தான் முத்து காமிக்ஸ் வெளிவந்தது! நடுவில் நவம்பர் 14, 1982 முதல் ஃபிப்ரவரி 19, 1984 வரை முத்து காமிக்ஸ் வார மலர் இதழ் 22 முறை தட்டுத் தடுமாறி வெளிவந்தது! அந்த சமயத்தில் முத்து காமிக்ஸ் எதுவும் வெளிவரவில்லை!
இதே ஜூலை 1984-ல் தான் நமது ஆசிரியர் திரு.S.விஜயன் அவர்கள் லயன் காமிக்ஸ் தொடங்கினார் என்பது குறிப்பிடத்தக்கது! அதுமட்டுமின்றி மேத்தா காமிக்ஸ், ராணி காமிக்ஸ் முதன் முதலாக வெளிவந்ததும் இதே சமயத்தில் தான்!
முதல் பதிப்பு சைடில் பின்னடித்து வந்தது! இப்போது வந்துள்ள காமிக்ஸ் க்ளாசிக்ஸ் பதிப்பு நடுவில் பின்னடித்து வந்துள்ளது! கெட்டி அட்டையும் இல்லை! இந்த FORMAT-ல் நம் பதிப்பகத்தார் புத்தகம் வெளியிட்டு நெடு நாட்கள் ஆகிறது!

காமிக்ஸ் குத்து!

காமிக்ஸ் குத்து! வெளியிட்டு நெடுநாள ஆகிவிட்ட படியால் இதோ இக்கதையிலிருந்து ஒரு வசனம்! சிறுவன் மோரீஸ் அடிக்கும் ‘பன்ச்’!

ஹ்ம்ம்ம்… “வெடலப் பசங்கெல்லாம் வெரல சொடுக்குறானுங்க!” (விவேக் | படம்: சிவாஜி)

ஆங்கில மூலம்:

இதுவரை ஆன்லைனில் வெளிவந்துள்ள கதையின் ஆங்கில பக்கங்கள் உங்கள் பார்வைக்கு!

ஆங்கிலப் பக்கங்களைப் படித்து விட்டு தமிழில் படிப்போர் ஆங்கிலத்தில் மூலக்கதையமைப்பும், வசனங்களும் எவ்வளவு மொக்கையாக இருக்கின்றன என்பதை உணர்ந்து கொள்ளலாம்! அதிலும் மாயாவி சூப்பர்மேன் போல் வார்த்தைக்கு வார்த்தை “GREAT DYNAMOS!” என்று ‘பன்ச்’ அடிப்பது ஜீரணிக்கவே முடியவில்லை! தமிழின் மொழிபெயர்ப்புத் தரமும், ஆசிரியர் திரு.M.சவுந்திரபாண்டியன் அவர்களின் சிறப்பான எடிட்டிங்கும் இதன் மூலம் தெளிவாக விளங்குகின்றது!

கதாசிரியர்கள் விவரம்:


TOM TULLY	JESUS BLASCO

இக்கதையின் ஆசிரியர் TOM TULLY குறித்த மேல் விவரங்களுக்கு கீழ்காணும் சுட்டிகளைப் பயன்படுத்தவும்!

இக்கதையின் ஓவியர் JESUS BLASCO குறித்த மேல் விவரங்களுக்கு கீழ்காணும் சுட்டிகளைப் பயன்படுத்தவும்!

நிறைகள்:

டாம் டல்லியின் அதிரடி ஆக்ஷன் கதைக்கு ஜீசஸ் ப்ளாஸ்கோவின் சிறப்பான ஒவியங்கள்!
ஆசிரியர் திரு.M.சவுந்திரபாண்டியன் அவர்களின் சிறப்பான தமிழாக்கம்! ஆங்கிலத்தை விட தமிழில் சிறப்பாக உள்ளது!

குறைகள்:

சுமாரான கதையமைப்பு!
சொதப்பல் வில்லன்கள்!
ஜட்டி போடாத சூப்பர் ஹீரோ மாயாவி!
முன்பெப்போதும் இல்லாத அளவிற்கு ‘காதுல பூ’ சாகஸங்கள்!

ஆனால் இரும்புக்கை மாயாவி என்றொரு சூப்பர் ஸ்டார் இருக்கையில் இவைகள் மிகப்பெரிய குறைகளாகத் தெரியவில்லை!

அடுத்த வெளியீடு:

அடுத்த வெளியீடாக ஜானி நீரோ சாகஸமான கொலைகாரக் கலைஞன்! மீண்டும் ஒரு முறை மறுபதிப்பு செய்யப்படவிருக்கிறது! இது இக்கதையின் மூன்றாவது மறுபதிப்பாகும்!

இக்கதை குறித்த மேல்விவரங்களுக்கு கீழ்காணும் சுட்டிகளைப் பயன்படுத்தவும்!

பதிவை இவ்வளவு தூரம் பொறுமையுடன் படித்ததற்கு நன்றி! வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்.

ஆங்கிலப் பதிப்புகள் பற்றிய அனைத்துத் தகவல்களையும் அளித்த நண்பர் முத்து விசிறி-க்கு நன்றி.

இப்போதைக்கு அவ்வளோதான்,
மீண்டும் சந்திப்போம்!

பி.கு.:-

ஹாட்-லைனில் ஆசிரியர் இம்முறை கூறியிருக்கும் சமாச்சாரங்கள் சிந்தனையைத் தூண்டுகின்றன! இனிமேல் வரும் பெரும்பாண்மையான இதழ்கள் முழு வண்ணத்தில் வருமென்று கூறியுள்ளார்! அப்போது சில இதழ்கள் கருப்பு வெள்ளையிலும் வருமா? அதே போல் சந்தா கூப்பனில் காமிக்ஸ் க்ளாசிக்ஸ் இடம்பெறவில்லை! அப்போது இனிமேல் தொடர்ந்து காமிக்ஸ் க்ளாசிக்ஸ் வெளிவருமா? என்பது போன்ற கேள்விகள் எழுகின்றன! உங்கள் கருத்தைக்களையும் பகிர்ந்து கொள்ளுங்களேன்!
அடுத்த பதிவாக நமது அ.கொ.தீ.க.வின் 50வது சிறப்புப் பதிவு வெளிவரவிருக்கிறது! தொடர்ந்திடும் உங்கள் ஆதரவுக்கு நன்றி! ஒரு சூப்பர் சர்ப்ரைஸ் பதிவிட்டு உங்கள் அனைவரையும் அசத்தி விடுகிறேன்!

தொடர்புடைய இடுகைகள்:

இரும்புக்கை மாயாவி:

காமிக்ஸ் க்ளாசிக்ஸ்:

அ.கொ.தீ.க. டைம்ஸ்!

2010-12-25T17:37:00.001+05:30

வணக்கம்,

அனைவருக்கும் இனிய கிறிஸ்துமஸ் நல்வாழ்த்துக்கள்!

டிசம்பர் இறுதி வரையில் எனது உலகப் பிரசித்தி பெற்ற சோம்பேறித்தனம் காரணமாக எந்தப் பதிவும் இடவில்லை! நாளை முதல் பாக்ஸிங் டே டெஸ்ட் மாட்சுகள் இரண்டு ஆரம்பித்து விடுவதால் கண்டிப்பாக இனி டிசம்பரில் வேறெந்தப் பதிவையும் என்னால் இட இயலாது!

டிசம்பரில் வேறெந்த பதிவுகளும் இடாததாலும் இனி அடுத்து உங்களைப் புத்தாண்டில்தான் சந்திப்பேன் என்பதாலும் இந்த எக்ஸ்பிரஸ் பதிவு! இம்முறை வெறும் நியூஸ் மட்டும் போடாமல் சற்று வித்தியாசமாக சுவாரசியம் நிறைந்த சில பல துணுக்குகளுடன் உங்களை சந்திக்கிறேன்!

இவற்றைப் படிக்கும் போது உங்களுக்கும் உங்களது இளம்பிராயத்து நினைவுகள் அலைமோதலாம்! அப்படி மோதினால் பின்னூட்டம் மூலம் அவற்றைப் பகிர்ந்து கொள்ளுங்களேன்!

ஓகே! மொக்கை போட்டது போதும்! இனி பதிவுக்கு போவோம்!

சுட்டி டிவியில் ஆசிரியர் திரு.S.விஜயன் அவர்களின் பேட்டி:

சமீபத்தில் வெளிவந்த இரத்தப்படலம் ஜம்போ ஸ்பெஷல் குறித்து பல்வேறு ஊடகங்களிலும் செய்திகள் வெளிவந்து கொண்டிருப்பது மகிழ்ச்சிகரமானதே! இச்செய்திகளின் தொடர்ச்சியாக இதோ இன்று காலை முதல் தமிழின் நம்பர் ஒன் குழந்தைகளுக்கான சேனலான சுட்டி டிவியில் ஆசிரியர் திரு.S.விஜயன் அவர்களின் பேட்டி ஒளிபரப்பாகிறது!

இப்பேட்டியானது சுட்டி டிவி நியூஸில் ஒரேயொரு நிமிடம் மட்டுமே வந்தாலும் கூட இவ்வளவு பெரிய நெட்வொர்க்கில் காமிக்ஸ் குறித்த செய்திகள் வருவதென்பது நம் அனைவருக்கும் மகிழ்வளிக்கும் செய்தியென்பதால் பாராட்டத் தக்க விஷயமே!

இதோ அதற்கான காணொளி! இதனை வலையேற்றிய நண்பர் கிங் விஸ்வாவுக்கு நன்றிகள்!

சுட்டி டிவி நியூஸ் ( 25/12/2010) லயன் காமிக்ஸ் ஆசிரியர் S.விஜயன் பேட்டி

இச்செய்தியைத் தவற விட்டோர் கீழ்காணும் நேரங்களில் இன்று முழுவதும் சுட்டி டிவியில் கண்டு மகிழலாம்!

காலை : 6:55AM & 7:55AM IST

இரவு : 10:25PM IST

அத்தோடு திங்களன்று (27/12/2010) வரும் குங்குமம் வார இதழில் வரவிருக்கும் ஜம்போ ஸ்பெஷல் குறித்த விரிவான காமிக்ஸ் செய்தியையும் தவறாமல் படியுங்கள்!

ஈரோடு பேருந்து நிலைய புத்தகக் கடை:

சிறு வயது நினைவுகளைத் தூண்டும் விஷயங்கள் குறித்த பதிவு இது என்று கூறியிருந்தேனல்லவா? இதோ முதல் விஷயம்!

ரொம்ப நாளாக நானும் கிங் விஸ்வாவும் பதிவிட எண்ணியிருந்த விஷயம் இது! தற்போதெல்லாம் தமிழ் காமிக்ஸ் கடைகளில் கிடைப்பதென்பது அரிதாகி விட்டது! பழைய புத்தகங்களை விடுங்கள்! புதிய புத்தகங்கள் எங்கே கிடைக்கும் என்பதே பல நெடுநாள் வாசகர்களுக்கு தெரியாததால் பல வாசகர்களை நமது காமிக்ஸ்கள் இழக்க நேரிடுகின்றன! இதில் புதிய வாசகர்களை வேறு எங்கிருந்து உருவாக்குவது!

முன்பெல்லாம் ஒவ்வொரு ஊரின் முக்கிய சாலைகளிலும் குறைந்த பட்சம் 5 நியூஸ்பேப்பர் கடைகளாவது இருக்கும்! சென்னை, கோவை, மதுரை போன்ற பெருநகரங்களின் ஒவ்வொரு பகுதியிலும் குறைந்த பட்சம் 10 கடைகளாவது இருக்கும்! அவற்றில் எல்லாவற்றிலும் காமிக்ஸ் கிடைக்கும்! அது ஒரு பொற்காலம்!

ஒவ்வொரு நாளும் நான் பள்ளியிலிருந்து திரும்பும் போதும் தெருமுனையிலுள்ள இரண்டு புத்தகக் கடைகளிலும் தவறாமல் ஒரு பத்து நிமிடம் நோட்டம் விட்ட பின்புதான் வீட்டுக்கு செல்வேன்! பின்னர் கடைக்காரரிடம் சொல்லி புத்தகங்களைப் பதுக்கி வைத்து விடுமுறையின் போது வீட்டில் அடம் பிடித்து காசு வசூல் செய்து வாங்கிப் படிப்பது வழக்கம்!

ஆனால் தற்போது பெட்டிக்கடைகள் எண்ணிக்கையில் குறைந்து விட்ட நிலையில், பத்து கடைகள் இருந்த இடத்தில் ஒரேயொரு கடை இருந்தால் கூட பெரிய விஷயம் என்ற நிலையில், அதுவும் காமிக்ஸ் புத்தகங்கள் அங்கு கிடைக்க வேண்டுமெனும் பொழுது அது சற்று மலைப்பான விஷயமாகவே உள்ளது!

இதை மனதில் கொண்டே ஒவ்வொரு ஊரிலும் புதிய தமிழ் காமிக்ஸ் புத்தகங்கள் கிடைக்குமிடங்கள் குறித்து தொடர்ந்து பதிவிடுவது என்று நானும் கிங் விஸ்வாவும் 2008ல் எங்கள் வலைப்பூக்கள் முறையே ஆரம்பித்த போதே முடிவெடுத்தோம்! ஆனால் வழக்கம் போலவே இன்று வரை ஒரு பதிவு கூட உருப்படியாக இடவில்லை! இதோ அந்த முயற்சியில் வரும் முதல் பதிவு!

கோவை வாசியான நான் விடுமுறைக் காலங்களில் எனது தாத்தா/பாட்டி ஊரான ஈரோட்டுக்குச் செல்வது வழக்கம்! விடுமுறையில் மாலை வேளைகளில் தினந்தோறும் தவறாமல் எனது தாத்தாவுடன் வாக்கிங் கிளம்பி விடுவேன்! வேறெதற்கு?!! புத்தக வேட்டைக்குத்தான்!

வாக்கிங் போகும் வழியிலுள்ள அத்தனை புத்தகக் கடைகளிலும் நோட்டம் விட்டு தினசரி ஒரு புத்தகம் வீதம் வாங்கி விடுவேன்! விடுமுறை முடியும் முன் எப்படியும் கையில் பத்து புத்தகங்களாவது இருக்கும்! இவையெல்லாம் அப்போது புதிதாக கடைகளுக்கு வந்த புத்தகங்கள் என்பதை நினைவில் கொள்ளவும்! விடுமுறை என்பதால் முந்தைய மாத வெளியீடுகளையும் கடைக்காரர்கள் வைத்து விற்பனை செய்து வந்தனர்!

ஆனால் இப்போது அந்தக் கடைகள் ஏதும் இல்லை! ஒன்றைத் தவிர!

ஈரோட்டில் அப்போதும் இப்போதும் புதிய காமிக்ஸ் புத்தகங்கள் வாங்கச் சிறந்த இடம் பேருந்து நிலையத்திலுள்ள புத்தகக் கடையே! இங்கு நான் வாங்கிய பல காமிக்ஸ்கள் இன்னும் பசுமையாக நினைவுள்ளன! முக்கியமாக மினி லயன் வெளியீடுகளான புதிர் குகை! விற்பனைக்கொரு ஷெரீஃப்! ஆகியவை இன்னும் மனதில் நிற்கின்றன!

இந்தப் புத்தகக் கடையின் சிறப்பு என்னவென்றால் வேறெந்த ஊரிலும் புதிய காமிக்ஸ் புத்தகங்கள் கிடைக்கும் முன் இங்கு விற்பனைக்கு வந்து விடும்! விடுமுறையில் ஈரோட்டில் வாங்கிய புத்தகங்கள் கோவைக்கு வருவதற்கு குறைந்தது ஒரு மாதமாவது ஆகி விடும்!

ஒரு முறை வழக்கமாக விடுமுறைக்கு வரும் கோடை மலர் ஒன்றை தேர்வுகள் நடக்கும் போதே ஈரோட்டில் எனது தாத்தா வாங்கி எனது தந்தை மூலம் அனுப்பி வைத்தார்! பிறகென்ன தேர்வுக்குப் படித்த மாதிரிதான்! நல்லவேளை பரீட்சையில் நான் கோட்டை விடவில்லை! இல்லையேல் அன்றோடு எனது காமிக்ஸ் சகாப்தம் முடிந்திருக்கும்!

அதெப்படி கோவையில் புத்தகங்கள் கிடைக்கும் முன்னரே ஈரோட்டில் புத்தகங்கள் கிடைக்கின்றன என நான் பல நாட்கள் வியந்திருக்கின்றேன்! சமீபத்தில் தான் அதற்கு விடை கிடைத்தது!

சிவகாசியிலிருந்து கட்டு கட்டாக வரும் புத்தகங்கள் நேராக ஈரோடு பேருந்து நிலையத்தில்தான் இறக்கி வைக்கப்படுகின்றன! இங்கிருந்து தான் கோவை, திருப்பூர், சேலம் போன்ற நகரங்களுக்கு புத்தகங்கள் பிரித்து அனுப்பப்படுகின்றன! சென்னைக்கே கூட இங்கிருந்துதான் புத்தகங்கள் செல்வதாகக் கேள்வி! இது எந்த அளவுக்கு உண்மை என்று தெரியவில்லை! சிவகாசியிலிருந்து ஈரோட்டுக்கு தினசரி நேரடிப் பேருந்து வசதியிருப்பதாலேயே இது சாத்தியப் படுகிறது!

டிஸ்ட்ரிப்யூஷனில் உள்ள கட்டமைப்புகள் எனக்கு அவ்வளவாகப் பரிச்சயமில்லாததால் இது குறித்து நண்பர் கேப்டன் ஹெச்சை மேலும் விளக்கினால் நலம்!

இதனால் ஈரோடு வாசகர்களுக்கு சந்தாதாரர்களுக்கு முதல் புத்தகம் அனுப்பப்பட்டவுடனேயே அதிலிருந்து ஒரு வாரத்திற்குள்ளாகவே புத்தகம் கிடைத்து விடுகிறது! ஹ்ம்ம்ம்! கொடுத்து வைத்தவர்கள்! கோவைக்கு புத்தகம் வர ஒரு மாதமாவது ஆகிறது!

^{ஈரோடு பேருந்து நிலைய புத்தகக் கடை!}

முன்பு நான்கைந்து கடைகள் இருந்த இடத்தில் இப்போது ஒரேயொரு கடைதான் உள்ளது! புத்தகக் கடைகளுக்குப் பதில் பேக்கரிகள் முளைத்து விட்டன! ஆனால் இன்றளவிலும் ஈரோடு வாசகர்களுக்கு மற்ற ஊர்களுக்கு முன் காமிக்ஸ் புத்தகங்களை முந்தி வழங்கிக் கொண்டுதான் இருக்கிறது ஈரோடு பேருந்து நிலைய புத்தகக் கடை!

அடுத்த முறை நீங்கள் ஈரோடு செல்ல நேர்ந்தால் தவறாமல் ஒரு முறையேனும் இந்தப் புத்தகக் கடையினுள் எட்டிப்பாருங்கள்! புதிதாக காமிக்ஸ் ஏதேனும் வந்திருக்கக் கூடும்!

உங்கள் ஊரிலும் இது போல் புதிய காமிக்ஸ் புத்தகங்கள் கிடைக்கும் கடைகள் உள்ளனவா? அப்படியென்றால் தெளிவான முகவரி, புகைப்படம் இவற்றுடன் எங்களுக்கு மின்னஞ்சல் மூலம் தெரியப்படுத்துங்களேன்! தமிழ் கூறும் காமிக்ஸ் நல்லுலகம் உங்களுக்கு மிகவும் கடமைப்பட்டிருக்கும்!

காமிக்ஸ் புத்தககங்கள் கிடைக்கும் கடைகள் குறித்த கிங் விஸ்வாவின் முந்தைய பதிவைப் படிக்க கீழ்காணும் சுட்டியைப் பயன்படுத்தவும்!

http://tamilcomicsulagam.blogspot.com/2009/03/news-15-times-of-india-comics-on.html

கிறிஸ்துமஸ் ஸ்பெஷல் இலவச இணைப்பு:

சிறு வயது நினைவுகளில் மூழ்க இதோ இன்னுமொரு சமாச்சாரம்!

சென்ற வருடம் இதே சமயத்தில் கிறிஸ்துமஸ் சிறப்புப் பதிவு! ஒன்றை வெளியிட்டோம்! அதைப் படிக்க கீழ்காணும் சுட்டியைப் பயன்படுத்தவும்!

http://akotheeka.blogspot.com/2009/12/blog-post_1599.html

அப்பதிவில் முத்து காமிக்ஸ் # 180 – ஆழ்கடல் அதிரடி! குறித்து விரிவாக அலசியிருப்போம்! ஆனால் அச்சமயத்தில் வெளியிடாத ஒரு தகவலும் உண்டு! அது அப்புத்தகத்துடன் வழங்கப்பட்ட இலவச இணைப்பேயாகும்! அப்போது அந்த இலவச இணைப்பு என்னிடம் கைவசம் இல்லை!

நெடுநாட்கள் ஆகிவிட்ட படியால் அது என்ன இலவச இணைப்பு என்பதும் எனக்கு ஞாபகம் வரவில்லை! ஆனால் சமீபத்தில் நண்பர் முத்து விசிறியின் உபயத்தால் அந்த இலவச இணைப்பின் ஸ்கேன்கள் சிக்கின! அவருக்கு எனது நன்றிகள்!

பாக்கெட் சைஸுக்குத் தோதாக எட்டாக மடிக்கப்பட்ட இரு வண்ண அச்சில் ஒரு காகிதம்! அதில் முன் பின் அட்டைப்படங்களில் கிறிஸ்துமஸ் தாத்தா! உள்ளே ஒவ்வொரு பக்கத்திலும் சில புதிர்கள்! முழுவதுமாக விரித்தால் ஒரு பகுதியில் இரும்புக்கை மாயாவியும், C.I.D.லாரன்ஸ்-ம் கொண்ட ஒரு தாய விளையாட்டு! இப்படி அற்புதமாக வடிவமைக்கப்பட்டதொரு இலவச இணைப்பு!

கண்டதும் அப்படியே சிறு வயது நினைவுகளில் மூழ்கி விட்டேன்! இந்த தாய விளையாட்டை அப்போது எத்தனை முறை உருட்டி விளையாண்டிருப்பேன் என்று எனக்கே நினைவில்லை! பின்னர் எப்படியோ தொலைந்து விட்டது! மீண்டும் நினைவு படுத்திய நண்பர் முத்து விசிறிக்கு நன்றிகள்!

இந்த அற்புத இலவச இணைப்பின் ஸ்கேன்களை வெளியிட இதை விட சிறந்த சந்தர்ப்பம் வேறேதும் சிக்காதென்பதால் இதோ அந்தக் கண்கொள்ளா ஸ்கேன்கள் உங்கள் பார்வைக்கு!

படங்களைக் ‘க்ளிக்’ செய்து பெரிதாக்கிப் பார்த்து மகிழவும்!

பதிவை இவ்வளவு தூரம் பொறுமையாகப் படித்ததற்கு எனது நன்றிகள்! உங்கள் கருத்துக்களை மறவாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:-

XIII ஜம்போ ஸ்பெஷல் குறித்த செய்திகள்/பதிவுகள்:

பிற XIII பதிவுகள்:

மங்கூஸ் சித்திர நாவல்:

XIII ஜம்போ ஸ்பெஷல் வருவதில் தாமதம் குறித்த புலம்பல்/அலம்பல் பதிவுகள்:

CINEBOOK வெளியிட்டு வரும் XIII ஆங்கிலத் தொடர் குறித்த செய்திப் பகிர்வுகள்:

XIII காமிக்ஸ் ஆங்கிலத்தில் டவுன்லோடு செய்ய:

http://browsecomics.blogspot.com/search/label/XIII

XIII COLLECTOR’S EDITION WIDGET-ஐ உங்கள் வலைத்தளத்தில் இணைக்க:

http://browsecomics.blogspot.com/2009/01/lion-collector-special-widget.html

அ.கொ.தீ.க. டைம்ஸ்!

2010-11-12T10:20:00.001+05:30

வணக்கம்,

இன்று காலை கடைகளுக்கு வந்துள்ள புதிய தலைமுறை (தேதி: 18-11-2010) இதழில் காமிக்ஸ் ரசிகர்களுக்கு ஒரு இனிய செய்தி வந்துள்ளது! அது பிரபல எழுத்தாளரும், வலைப்பதிவருமான யுவகிருஷ்ணா என்கிற லக்கிலுக் எழுதியுள்ள ஒரு கட்டுரையேயாகும்!

லக்கி ஒரு தீவிர காமிக்ஸ் ரசிகர் என்பதுதான் உங்கள் எல்லோருக்குமே தெரியுமே! தான் இன்று வரை ரசித்துப் படித்துக் கொண்டிருக்கும் காமிக்ஸ் பற்றி அவர் ஒரு விரிவான கட்டுரை எழுதியுள்ளார்! கட்டுரையை COMICS FOR DUMMIES ரேஞ்சுக்கு காமிக்ஸ் பற்றி பரிச்சயமே இல்லாத ஆளுக்குக் கூட அதன் மீது ஆர்வம் வரும் வகையில் அவர் எழுதியிருப்பது பாராட்டுக்குரியது! தீவிர காமிக்ஸ் ரசிகர்களுக்கும் அவரது கட்டுரையில் பல ஆச்சரியமூட்டும் விஷயங்கள் தோண்டத் தோண்டக் கிடைக்கும்!

குறைகள் என்று பார்த்தால் லே-அவுட் விஷயத்தில் கொஞ்சம் சொதப்பல்தான்! காமிக்ஸ் கட்டுரை என்றாலே INVARIABLEஆக ஸ்பைடர்மேனையும் பேட்மேனையும் போட்டு ஏன்தான் இப்படிக் கொல்கிறார்களோ?!! ஸ்பைடர் என்று கட்டுரையில் வருவதால் ஸ்பைடர்மேனை போட்டிருப்பார்களோ! ஆனால் இப்படியெல்லாம் ஒரு பத்திரிக்கையில் கட்டுரை வருவதே பெரிய விஷயம் என்பதால் அதையும் கண்டுகொள்ளாமல் விட்டு விடுவதே சாலச் சிறந்தது!

குறிப்பாக திரு.முல்லை தங்கராசன் அவர்கள் பற்றியும், வாண்டுமாமா பற்றியும் அவர் எழுதியிருக்கும் துணுக்குகள் சுவாரசியம் மிகுந்தவை! அவருக்கும் அதை வெளியிட்டு காமிக்ஸுக்கு பெருமை சேர்த்த புதிய தலைமுறை நிறுவனத்தினருக்கும் நம் அனைவரின் சார்பிலும் எனது நன்றிகளும், பாராட்டுகளும்!

இதில் சிறப்பம்சம் என்னவென்றால் நமது தமிழ் காமிக்ஸ் வலையுலக ‘முடி’சூடா மன்னன் கிங் விஸ்வா பற்றியும் எழுதியுள்ளார் லக்கி! கூடவே அவரது புகைப்படமும் வந்துள்ளது! அதையெல்லாம் வெளியிட்டு காலையிலேயே உங்களையெல்லாம் கடுப்பேற்ற வேண்டாமென்று சென்சார் செய்து விட்டேன்!

இதையும் மீறி அவரது புகைப்படத்தை பார்த்தேயாக வேண்டும் என்று அடம் பிடிக்கும் திடசித்தமுடையோர் தயவு செய்து இன்று கடைகளுக்கு வந்துள்ள புதிய தலைமுறை (தேதி: 18-11-2010) இதழை வாங்கிப் பார்த்துக் கொள்ளுமாறு எச்சரிக்கையுடன் கேட்டுக் கொள்ளப் படுகின்றனர்! பின்விளைவுகளுக்கு நான் பொறுப்பல்ல என்பதையும் இங்கே தெரிவித்துக் கொள்கிறேன்!

லக்கியின் கட்டுரையின் முழு ஸ்கேன்களும் இதோ உங்கள் பார்வைக்கு! கட்டுரையில் என்ன எழுதியுள்ளார் என்பதை விளக்கிக் கூறும் தேவை இல்லாததால் நீங்களே படித்து மகிழுங்களேன்!

இப்போதைக்கு அவ்வளோதான்,
மீண்டும் சந்திப்போம்!

வதந்திகளை நம்பாதீர்கள்!

2010-11-01T21:30:00.001+05:30

வணக்கம்,

அனைவருக்கும் இனிய அட்வான்ஸ் தீபாவளி நல்வாழ்த்துக்கள்! இந்தத் தீபாவளியை காமிக்ஸ் ரசிகர்களான நம் அனைவருக்கும் தித்திப்பானதாக ஆக்கிய ஆசிரியர் திரு.S.விஜயன் அவர்களுக்கு நம் அனைவரின் சார்பிலும் இத்தருணத்தில் நன்றிகளையும் பாராட்டுக்களையும் தெரிவித்துக் கொள்கிறேன்!

ஆனால் இந்த இனிய தருணத்தில் கசப்பான சில உண்மைகளையும் உங்களுடன் பகிர்ந்து கொள்ள கடமைப் பட்டிருக்கின்றேன்!

சமீப காலமாகவே தமிழ் காமிக்ஸ்-ன் எதிர்காலம் குறித்த பல வதந்திகள் வாசகர்கள் மற்றும் விற்பனையாளர்கள் மத்தியில் உலவிக் கொண்டு வருகிறது! இவற்றைக் கொளுத்திப் போட்ட புண்ணியவான்கள் யாரென்று தெரியவில்லை! இவற்றை நீங்களும் கேட்டிருக்கக் கூடும்!

ஜம்போ ஸ்பெஷல் தான் ஆசிரியர் திரு.S.விஜயன் அவர்கள் வெளியிடப் போகும் கடைசி இதழ்! இதற்குப் பிறகு அவர் கடையை சாத்தி விட்டு நடையைக் கட்டப் போகிறார்! இத்தனை நாளாக காமிக்ஸ் போட்டு விளைந்த நஷ்டம் ஏராளம் என்பதால் தான் இந்த முடிவு!

அதோடு ஜம்போ ஸ்பெஷல் முன்பதிவு செய்தவர்களுக்கு மட்டுமே கிட்டும்! கடைகளில் வரவே வராது! ஆகையால் கடைகளில் வரட்டும் வாங்கிக் கொள்ளலாம் என்றிருந்தோருக்கு புத்தகம் விற்றுத் தீர்ந்து விட்டது… இனிமேல் கிடைக்கவே கிடைக்காது… என்றெல்லாம் வதந்திகளைக் கிளப்பிவிட்டு அதன் மூலம் ஆதாயம் தேடிக் கொள்கின்றனர் சிலர்!

ஜம்போ ஸ்பெஷல் கடைகளுக்கு வராது என்பது உண்மைதான்! இதற்கு காரணம் விற்பனையாளர்கள் இம்முயற்சிக்கு கொடுக்காத ஆதரவே காரணமாகும்! ஆகையால்தான் முன்பதிவு மூலம் நேரடியாக விற்பனை செய்ய முன்வந்தார் ஆசிரியர் திரு.S.விஜயன் அவர்கள்!

முன்பதிவு செய்தோருக்கு முதல் பிரதி கைக்கு வந்துவிட்டதென்று விஷயம் தெரிந்தவுடன் சென்னை, கோவை, திருச்சி முதலிய நகரங்களைச் சேர்ந்த வாசகர்கள் ஊரிலுள்ள கடைகள் அனைத்திற்கும் சென்று புத்தகத்தைத் தேடி ஏமாந்து திரும்பி வந்துள்ளனர்!

அவர்களது ஆர்வக் கோளாறைப் பயன்படுத்தி ரூ:200/- பெறுமானமுள்ள புத்தகம் இப்போதே ரூ:500/- வரை கள்ளச் சந்தையில் விற்பனை செய்யப்பட்டு வருகிறது! முன்பதிவு செய்யத் தோன்றாத இவர்கள் முன்னூறு ரூபாய் அதிக விலை கொடுத்து புத்தகத்தை வாங்கிக் கொள்கின்றனர்! இதனால் யாருக்கு இலாபம்?!! சத்தியமாக ஆசிரியர் திரு.S.விஜயன் அவர்களுக்கு இல்லை!

புத்தகம் வருவதற்கு முன்பே ஒரு சிலர் மொத்தமாக 1500 புத்தகங்களையும் வாங்கி அவற்றை பிரிமியம் விலையில் விற்று கொள்ளை இலாபம் சம்பாதிக்க திட்டமிட்டிருந்தனர்! இதற்காக முதலில் 20 சதவிகிதம் தள்ளுபடியும் கடைசியில் 10 சதவிகிதம் தள்ளுபடியும் கோரப்பட்டது!

ஆனால் ஆசிரியர்.திரு.S.விஜயன் அவர்கள் இதற்கு திட்டவட்டமான மறுப்பு தெரிவித்து விட்டார்! அதனாலேயே இப்போது முன் பதிவு செய்யாதோருக்கும் புத்தகம் கிடைக்க வாய்ப்புள்ளது! இந்த வதந்திகளை பற்றி விசாரிக்க நானும் நண்பர் கிங் விஸ்வாவும் ஆசிரியரை நேரில் சந்தித்த போது அவர் வாயாலேயே இந்த பதிலைக் கேட்டுத் தெரிந்து கொண்டோம்!

அதுமட்டுமின்றி இதுதான் அவர் வெளியிடவிருக்கும் கடைசி இதழ் என்ற வதந்திக்கும் அவர் முற்று புள்ளி வைத்துள்ளார் ஜம்போ ஸ்பெஷலில் வெளிவந்திருக்கும் தன் ஹாட்-லைன் மூலம்!

புத்தகம் வெளியிட விருப்பமில்லையெனில் ஏன் இவ்வளவு கஷ்டப்பட்டு ஜம்போ ஸ்பெஷலை வெளிக்கொணர வேண்டும் என்பதே அவரது வாதம்! அது மட்டுமின்றி அவர் வருங்காலத்தில் கடை பிடிக்கப் போகும் நேரடி விற்பனை முறையில் விற்பனையாளர்களுக்கு பங்கேதும் இருக்கப் போவதில்லை என்பதால் ஒரு வேளை அவர்களாகவே இவ்வாறு முடிவு செய்திருக்கக் கூடும்!

தற்போதைய நிலவரப்படி பதிக்கப்பட்ட 1500 பிரதிகளில் 1000 முன்பதிவுகள் போக 500 புத்தகங்கள் எஞ்சியுள்ளன! ஆகையால் முன்பதிவுக்கு முந்துங்கள்! காசோலை, வரைவோலை, மணியார்டர் என எவ்வகையிலும் முன்பதிவு தொகையை செலுத்தலாம்! முன்பதிவுக்குத் தொடர்பு கொள்ள வேண்டிய முகவரி:

சிங்கத்தின் சிறுவயதில்:

பதிவில் மேட்டர் குறைவாக இருப்பதாலும், சிங்கத்தின் சிறுவயதில் தொடரை நம் வலைத்தளத்தில் தொடர்ந்து தொகுத்து வருவதாலும் இதோ ஜம்போ ஸ்பெஷலில் வெளிவந்த சிங்கத்தின் சிறுவயதில் பக்கங்கள்!

கொசுறு காமிக்ஸ் நியூஸ்:

காமிக்ஸ் நியூஸ் போட்டு ரொம்ப நாளாச்சு! அதனாலே இந்த வார குங்குமத்தில வந்த காமிக்ஸ் நியூஸ் உங்கள் பார்வைக்கு! எடிட் செய்ய நேரமில்லாத காரணத்தால் ‘குத்து’ ரம்யா என்று முன்பெல்லாம் செல்லமாக அழைக்கப்பட்ட திவ்யா ஸ்பந்தனாவின் கவர்ச்சிப் படமும் போனஸாக உங்கள் பார்வைக்கு!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:-

XIII ஜம்போ ஸ்பெஷல் குறித்த எக்ஸ்பிரெஸ் பதிவுகள்:

பிற XIII பதிவுகள்:

மங்கூஸ் சித்திர நாவல்:

XIII ஜம்போ ஸ்பெஷல் வருவதில் தாமதம் குறித்த புலம்பல்/அலம்பல் பதிவுகள்:

CINEBOOK வெளியிட்டு வரும் XIII ஆங்கிலத் தொடர் குறித்த செய்திப் பகிர்வுகள்:

XIII காமிக்ஸ் ஆங்கிலத்தில் டவுன்லோடு செய்ய:

http://browsecomics.blogspot.com/search/label/XIII

XIII COLLECTOR’S EDITION WIDGET-ஐ உங்கள் வலைத்தளத்தில் இணைக்க:

http://browsecomics.blogspot.com/2009/01/lion-collector-special-widget.html

சிங்கத்தின் சிறுவயதில் அனைத்து பாகங்களையும் படிக்க:

http://akotheeka.blogspot.com/search/label/சிங்கத்தின்%20சிறுவயதில்

கம்ப்யூட்டர் மனிதன்!

2010-10-01T01:39:00.001+05:30

வணக்கம்,

இன்று (அக்டோபர் 1, 2010) ஒரு வழியாக எந்திரன் ரிலீஸ் ஆகிறது! ஆகையால் அக்டோபர் மாதம் அ.கொ.தீ.க.வில் எந்திரன் மாதம்!

அக்டோபர் மாதம் முழுவதும் தமிழ் காமிக்ஸ் உலகில் வலம் வந்த எந்திரன்கள் குறித்த விரிவான ஆராய்ச்சிப் பதிவுகள் உங்கள் அபிமான அ.கொ.தீ.க.வில் இடம்பெறும்!

கிங் விஸ்வாவும், ஒலக காமிக்ஸ் ரசிகரும் களத்தில் குதிக்கப் போவதாக வாக்களித்துள்ளனர்!

தமிழ் காமிக்ஸ் உலகின் எந்திரன்களில் நாம் முதலில் காணப்போவது கம்ப்யூட்டர் மனிதன் பற்றி!

ஆகையால் மொக்கை போட்டு மேலும் நேரத்தை வீணாக்காமல் நேரடியாக பதிவுக்கு போவோம்!

புத்தக விவரங்கள்:

அட்டைப்படம்
கதை	கம்ப்யூட்டர் மனிதன்!
இதழ்	ஜூனியர் & மினி லயன் (மாத இதழ்)
வெளியீடு #	8
முதல் பதிப்பு	செப்டம்பர் 1987
மறுபதிப்புகள்	இதுவரை இல்லை
பதிப்பகம்	பிரகாஷ் பப்ளிஷர்ஸ்
ஆசிரியர்	S.விஜயன்
அச்சிட்டோர்	தி விஜய் புக்ஸ்
நாயகர்(கள்)	கம்ப்யூட்டர் மனிதன் டெவில்
மூலம்	M.A.C.H.1 - VULCAN (ஆங்கிலம்)
இதழ்	2000AD (Weekly)
வெளியீடு #	PROG 1 - 2
முதல் பதிப்பு	26 FEB 77 - 05 MAR 77
பதிப்பகம்	IPC MAGAZINES LTD.
மறுபதிப்பு	EAGLE (30 AUG 1986 - 29 AUG 1987)
கதை	PAT MILLS (1)/ROBERT FLYNN (2)
ஓவியம்	ENIO (1)/IAN KENNEDY (2)
தமிழில்	S.விஜயன்
பக்கங்கள்	132 (32 முழு வண்ணம் + 96 கறுப்பு வெள்ளை)
சைஸ்	10cmx14cm
விலை	ரூ:2.50/- (1987 முதல் பதிப்பின் போது)
முதல் பக்கம்
CREDITS

விளம்பரம்:

இவ்விதழ் சுதந்திர தின ஸ்பெஷல்! என விளம்பரப்படுத்தப்பட்டது! ஆரம்பத்தில் வந்த விளம்பரத்தில் கம்ப்யூட்டர் மனிதன் இல்லை, ஆனால் புத்தகத்தில் சொல்லாமல் கொள்ளாமல் வந்திறங்கினார்!

ஆனால் பின்னால் வந்த விற்பனையாகிறது விளம்பரத்தில் இது அறைகுறையாக நிவர்த்தி செய்யப்பட்டது!

பிற கதைகள்:

இதில் கம்ப்யூட்டர் மனிதன்! தவிர வேறிரு கதைகளும் வந்தன! அவை ஸ்பைடர் படை! மற்றும் கொரில்லா தீவு! ஆகும்! இதோ அவற்றின் முதல் பக்கங்கள் உங்கள் பார்வைக்கு!

இந்தக் கதை தான் ஆங்கிலத்தில் ஸ்பைடரின் முதல் கதையாகும்! இதில் தான் இவர் ஆர்டினியையும், பெல்ஹாமையும் சந்தித்து தனது குற்ற சாம்ராஜ்யத்தை நிறுவுவார்! இன்ஸ்பெக்டர்கள் கில்மோரும், ட்ராஸ்கும் கூட இதில் தான் முதன் முதலில் தோன்றினர்!

ஸ்பைடர் குறித்த மேல் விவரங்களுக்கு கிங் விஸ்வாவின் கீழ்காணும் சுட்டியிலுள்ள பதிவைப் படிக்கவும்!

http://tamilcomicsulagam.blogspot.com/2010/08/spider-millennium-hero-of-tamil-comics.html

கொரில்லா தீவு! கதை குறித்து மேல் விவரங்கள் ஏதும் இப்போது கைவசம் இல்லை! மன்னிகவும்!

சுவாரசியமான துணுக்குகள்:

தமிழில் வெளிவந்த ஒரே சுதந்திர தின ஸ்பெஷல்! காமிக்ஸ் இதுதான்!
இக்கதைத் தொடரின் ஆங்கில மூலம் 2000AD வாராந்திர இதழில் தொடராக வெளிவந்தது! வாராவாரம் புது ஆசிரியர்/ஓவியர் டீமுடன் கதைகள் வெளிவந்தன! இது மட்டுமல்ல, 2000ADல் வெளிவந்த அனைத்துக் கதைகளும் இப்படித்தான்!
இக்கதைத் தொடரின் ஆசிரியர்களில் ஒருவரான PAT MILLS பிரிட்டிஷ் காமிக்ஸ் பிதாமகர்களில் ஒருவராக கருதப்படுகிறார்! உலகப் புகழ் பெற்ற பிரிட்டிஷ் காமிக்ஸ் ஹீரோவான JUDGE DREDDஐ உருவாக்கியவர்! BATMAN கதைகள் பலவற்றையும் இவர் எழுதியுள்ளார்! கம்ப்யூட்டர் மனிதனையும் உருவாக்கியவர் இவர்தான்! இவரைப் பற்றி மேலும் தகவல்கள் தெரிந்து கொள்ள கீழ்காணும் சுட்டிகளைப் பயன்படுத்தவும்!
- http://en.wikipedia.org/wiki/Pat_Mills
- http://en.wikipedia.org/wiki/List_of_works_by_Pat_Mills
இக்கதைத் தொடரின் ஓவியர்களில் ஒருவரான IAN KENNEDY பல கதைகளுக்கு அற்புதமான ஓவியங்கள் மூலம் உயிரூட்டியுள்ளார்! தமிழில் இவரது ஓவியங்களுடன் சில பல கதைகள் வந்துள்ளன! அவற்றைப் பற்றி பிறகு பார்ப்போம்! இவரைப் பற்றி மேலும் தகவல்கள் தெரிந்து கொள்ள கீழ்காணும் சுட்டிகளைப் பயன்படுத்தவும்!
- http://en.wikipedia.org/wiki/Ian_Kennedy_(comic_artist)
- http://lambiek.net/artists/k/kennedy_ian.htm
இக்கதைதொடர் THE SIX MILLION DOLLAR MAN என்ற பிரபல தொலைக்காட்சித் தொடரைத் தழுவியே அமைக்கப்பட்டதாகும்! கம்ப்யூட்டர் மனிதனின் தோற்றம் கூட அத்தொடரின் நாயகனின் உருவத்தையே ஒத்திருக்கும்! இத்தொலைக்காட்சித் தொடர் பற்றி மேலும் தகவல்கள் தெரிந்து கொள்ள கீழ்காணும் சுட்டியைப் பயன்படுத்தவும்!
- http://en.wikipedia.org/wiki/The_Six_Million_Dollar_Man
M.A.C.H.1 எனபதன் விளக்கம் MAN ACTIVATED BY COMPU-PUNTURE HYPERPOWER என்பதாகும்! இத்தொடரின் நாயகனின் பெயர் JOHN PROBE என்பதாகும்! ஆனால் இதையெல்லாம் படிக்கும் அந்த காலத்து இளம் தமிழ் காமிக்ஸ் புரவலர்களின் வாய்களில் இந்தப் பெயர்களெல்லாம் சுத்தமாக நுழையாது என்பதை நன்குணர்ந்த ஆசிரியர் திரு.S.விஜயன் அவர்கள் அருமையாக கம்ப்யூட்டர் மனிதன் டெவில் என்று பெயர்மாற்றம் செய்து வெளியிட்டுள்ளார்!
இக்கதைத் தொடர் 2000AD வாராந்திரப் பத்திரிக்கையில் 27 ஃபிப்ரவரி, 1977 முதல் 13 மே 1978 வரை வெற்றிகரமாக வெளிவந்தது! JUDGE DREDD கதாபாத்திரம் புகழ்பெறும் முன்னர் இக்கதைத்தொடரே 2000ADல் மிகப் பிரபலம்! அப்போது 2000ADல் வெளிவந்து கொண்டிருந்த பிரிட்டிஷ் காமிக்ஸின் ஆஸ்தான நாயகனான DAN DAREஐ விட இத்தொடர் பிரபலமடைந்தது!
பின்னர் EAGLE வாராந்திரப் பத்திரிக்கையில் 30 ஆகஸ்ட், 1986 முதல் 29 ஆக்ஸ்ட், 1987 வரை மறுபதிப்பு செய்யப்பட்டது! அநேகமாக நமது ஆசிரியர் திரு.S.விஜயன் அவர்கள் EAGLEல் வந்த மறுபதிப்பையே நமக்கு வழங்கியிருக்க வேண்டும் என்பது எனது கணிப்பு!

ஆங்கில மூலம்:

கதையின் ஆங்கில மூலம் முழுவதும் உங்கள் பார்வைக்கு! படித்து மகிழுங்கள்!

இக்கதைத் தொடர் குறித்து மேலும் தகவல்கள் தெரிந்து கொள்ள கீழ்காணும் சுட்டிகளைப் பயன்படுத்தவும்!

நிறைகள்:

ஆக்‌ஷன் ரசிகர்களுக்கு, சரியான விருந்து!
அற்புதமான ஓவியங்கள்! அதுவும் முழு வண்ணத்தில்!

குறைகள்:

ஒரேயொரு கதையோடு தொடரை நிறுத்தியது! எந்திரன் போல் அல்லாமல் கம்ப்யூட்டர் மனிதன் வந்ததும் தெரியவில்லை, போனதும் தெரியவில்லை!

நன்றிகள்:

முத்து விசிறி – வழக்கம் போல ஆங்கிலத் தொடரின் அனைத்து விவரங்களையும் அளித்தமைக்கு!
ஆசிரியர் திரு.S.விஜயன் அவர்கள் – இக்கதைத் தொடரை நமக்கு அறிமுகம் செய்தமைக்கு!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:

நூற்றாண்டின் நாயகன் ஸ்பைடர்:

http://tamilcomicsulagam.blogspot.com/2010/08/spider-millennium-hero-of-tamil-comics.html

ஜூனியர் & மினி லயன்:

ஜான் மாஸ்டர்!

2010-08-04T22:13:00.001+05:30

வணக்கம்,

சமீபத்தில் கிங் விஸ்வா வெளியிட்டிருந்த காமிக்ஸ் கேள்வி-பதில் பதிவில் நண்பர்கள் சிலர் ஜான் மாஸ்டர் குறித்து விவரங்கள் கேட்டிருந்தனர்! அவர்களது கேள்விகளுக்கு பதில் கூறும் விதமாகவே இப்பதிவு வந்திருக்கிறது! விம்பிள்டன் போட்டிகளின் போதே வெளியிடப்பட்டிருக்க வேண்டிய பதிவு இது! ஆனால் சரியான விவரங்கள் கிடைக்கப் பெறாததால் மிகத் தாமதமாக வருகிறது!

இச்சமயத்தில் எனக்கும் கிங் விஸ்வாவுக்கும் உள்ள வேண்டப்பட்ட விரோதம் குறித்து எழுதியே ஆக வேண்டும்! அவர் தீவிர ரோஜர் ஃபெடரர் வெறியர்! எனக்கு ரஃபேல் நடால்-ஐயும் பிடிக்கும்! இம்முறை ரஃபா விம்பிள்டனில் இரண்டாவது முறையாக வெற்றிவாகை சூடியதில் மனிதர் கடுமையாக கொந்தளித்துப் போயிருக்கிறார்! அதுவும் ஃபைனலில் ஒரு செட்டைக் கூட வெல்ல முடியாத ஒரு மொக்கைப் பாண்டியிடம் அவரது ஆள் குவார்ட்டர்-ஃபைனலிலேயே தோற்றதை அவரால் ஜீரனிக்கவே முடியவில்லை! அவரை சாந்தப் படுத்தும் விதமாக இப்பதிவை அவருக்கு சமர்ப்பிக்கிறேன்!

ஓகே! மொக்கை போட்டது போதும்! இனி மேலும் நேரத்தை வீணாக்காமல் நேரடியாக பதிவுக்கு போவோம்!

புத்தக விவரங்கள்:

அட்டைப்படம்
கதை	சதி வலை!
இதழ்	லயன் காமிக்ஸ் (மாத இதழ்)
வெளியீடு	13
முதல் பதிப்பு	மே 1985 (கோடை மலர்)
மறுபதிப்புகள்	இதுவரை இல்லை
பதிப்பகம்	லயன் காமிக்ஸ்
ஆசிரியர்	S.விஜயன்
அச்சிட்டோர்	முத்து ஃபைன் ஆர்ட் பப்ளிகேஷன்ஸ், சிவகாசி
நாயகர்(கள்)	ஜான் மாஸ்டர்
மூலம்	MASTER-SPY (ஆங்கிலம்)
இதழ்	TIGER (Weekly)
வெளியீடு	IPC MAGAZINES LTD.
முதல் பதிப்பு	APR 1983 TO JAN 1984
கதை	???
ஓவியம்	SANDY JAMES
தமிழில்	S.விஜயன்
பக்கங்கள்	(கருப்பு வெள்ளை)
சைஸ்	8"x11"
விலை	ரூ:4/- (1985 முதல் பதிப்பின் போது)
CREDITS
விளம்பரம்
முதல் பக்கம்	விம்பிள்டன்-ஐ வெல்ல வேண்டும் என்கின்ற இங்கிலாந்து கனவு இதில் வெளிப்படுகிறது! ஆனால் இன்னும் எந்த இங்கிலீஷ்காரனும் விம்பிள்டன் ஃபைனலுக்கு கூட போகவில்லை என்பது வேடிக்கையான வினோதம்!
வாசகர் கடிதம்	அந்த காலத்து லயன் காமிக்ஸ்களில் ராணி காமிக்ஸ் ஸ்டைலில் சிறப்பான விமர்சனங்களுக்கு ரூ.25/- பரிசு! வழங்கப்பட்டது! இதோ அதற்கான அறிவிப்பு! லயன் காமிக்ஸ் # 015 - சைத்தான் விஞ்ஞானி-ல் வெளிவந்த வாசகர் கடிதம் பகுதி! பரிசு பெற்ற அந்த விமர்சனம் இதோ!

அட்டைப்படம்
கதை	மாஸ்கோவில் மாஸ்டர்!
இதழ்	லயன் காமிக்ஸ் (மாத இதழ்)
வெளியீடு	23
முதல் பதிப்பு	மார்ச் 1986
மறுபதிப்புகள்	இதுவரை இல்லை
பதிப்பகம்	லயன் காமிக்ஸ்
ஆசிரியர்	S.விஜயன்
அச்சிட்டோர்	முத்து ஃபைன் ஆர்ட் பப்ளிகேஷன்ஸ், சிவகாசி
நாயகர்(கள்)	ஜான் மாஸ்டர்
மூலம்	MASTER-SPY (ஆங்கிலம்)
இதழ்	TIGER (Weekly)
வெளியீடு	IPC MAGAZINES LTD.
முதல் பதிப்பு	APR 1983 TO JAN 1984
கதை	???
ஓவியம்	SANDY JAMES
தமிழில்	S.விஜயன்
பக்கங்கள்	(கருப்பு வெள்ளை)
சைஸ்	10cmx14cm
விலை	ரூ:2.50/- (1986 முதல் பதிப்பின் போது)
CREDITS
விளம்பரம்
முதல் பக்கம்
வாசகர் கடிதம்

சுவாரசியமான துணுக்குகள்:

இக்கதைத் தொடரின் ஓவியர் SANDY JAMES நமக்கெல்லாம் மிகவும் பரிச்சயமானவர்! அதிரடிப் படை, சூப்பர் ஹீரோ டைகர் (ராணி காமிக்ஸ்) கதைகளுக்கு துடிப்பான ஓவியங்கள் வரைந்தது இவர்தான்! துரதிர்ஷ்டவசமாக இவரைப் பற்றிய தகவல்கள் இனையத்தில் எதுவும் கிடைக்கவில்லை! மன்னிக்கவும்! இவரது அற்புத ஓவியங்கள் இக்கதைத் தொடருக்கு மேலும் மெருகூட்டுகின்றன!
லயன் காமிக்ஸ் # 013 - சதி வலை! தான் லயன் காமிக்ஸ்-ன் முதல் கோடை மலர் ஆகும்! பெரிய சைஸில் ரூ.4/- விலையில் அசத்தலான இந்த புத்தகம் காமிக்ஸ் வேட்டையர்களின் கனவு பொக்கிஷங்களில் ஒன்று! INFACT ஜான் மாஸ்டர் தோன்றும் இவ்விரு புத்தகங்களும் கிடைப்பது மிகவும் அரிது!
தமிழில் வெளிவந்த முதல் விளையாட்டு சம்பந்தப்பட்ட காமிக்ஸ் ஹீரோ ஜான் மாஸ்டர் தான் என்பது எனது கருத்து! இவரது வெற்றிக்கு இதுவும் ஒரு காரணமாக இருக்கலாம்!
இவரது கதைகளில் இவரது கோணங்கி அஸிஸ்டெண்டாக வரும் ராபின் கதாபாத்திரம் காமிக்ஸ் ரசிகர்களின் மனதை மிகவும் கவர்ந்த ஒன்றாகும்! சூப்பர் ஹீரோ டைகர்-க்கு ஒரு ஹென்றி போல் ஜான் மாஸ்டர்-க்கு ஒரு ராபின் அமைந்தது அவரது அதிர்ஷ்டமே! இவரது கண்டுபிடிப்புகள் ஆபத்து நேரத்தில் வேலை செய்கிறதோ இல்லையோ நிச்சயம் சிரிப்பை வரவழைக்கும்! ஆனால் இவரது ஆங்கில ஒரிஜினல் பெயர்தான் (FERGUS THATERY) வாயில் நுழைய மாட்டேனென்கிறது!
மொத்தம் இரண்டேயிரண்டு கதைகளில் மட்டுமே வந்திருந்தாலும் கூட தமிழ் காமிக்ஸ் ரசிகர்களின் மனதில் நீங்கா இடம் பெற்றுவிட்டார் ஜான் மாஸ்டர்! ஆனால் ஆங்கிலத்தில் இவரது நிலைமை பரிதாபகரமானது! இவர் குறித்த இந்த அற்ப தகவல்களை தேடிப் பிடிப்பதற்கே இவ்வளவு காலம் ஆகிவிட்டது! அதுவும் இவர் தோன்றிய TIGER வார இதழ் இவர் போன்ற விளையாட்டு வீரர்களை நாயகர்களாகக் கொண்ட காமிக்ஸ்களுக்கு பெயர் போனது! இவர்களுள் ROY OF THE ROVERS மட்டும் மிகப் பிரபலம்! ஆனால் பல டஜன் கதாநாயகர்களுள் ஜான் மாஸ்டர் காணாமல் போய் விட்டது நமது துரதிர்ஷடமே!

ஆங்கில மூலம்:

இத்தொடரின் ஆங்கில மூலம் ஆன்-லைனில் கிடைப்பதென்பது வெகு அரிதாக உள்ளது! இது வரையில் இது ஒரு பாகம் மட்டுமே ஆன்-லைனில் கிடைத்தது! தமிழில் கூட புத்தகங்கள் எளிதாக கிடைத்துவிடும் போலிருக்கிறது! லயன் காமிக்ஸ் # 023 - மாஸ்கோவில் மாஸ்டர்! கதையிலிருந்து சில பக்கங்கள் உங்கள் பார்வைக்கு!

ஹாட்-லைன்:

ஜான் மாஸ்டர் கதைகள் ஏன் தொடர்ந்து வருவதில்லை என்று வாசகர்கள் பலரும் ஆசிரியர் திரு.S.விஜயன் அவர்களை பலமுறை கேட்டிருக்கின்றனர்! அவர் எழுதிய முதல் ஹாட்-லைன்-லும் இக்கேள்வி கேட்கப்பட்டது! அதற்கு அவர் அளித்துள்ள சுவாரசியமான பதிலைப் படித்து மகிழுங்கள்!

சிங்கத்தின் சிறுவயதில்:

ஜான் மாஸ்டர் குறித்து சிங்கத்தின் சிறுவயதில் தொடரில் ஆசிரியர் திரு.S.விஜயன் அவர்கள் கூறியுள்ளதைப் படித்து மகிழுங்கள்!

சிங்கத்தின் சிறுவயதில் அனைத்து பாகங்களும் படிக்க:

http://akotheeka.blogspot.com/search/label/சிங்கத்தின்%20சிறுவயதில்

நிறைகள்:

ஆக்‌ஷன் ரசிகர்களுக்கு சரியான விருந்து! விளையாட்டு சார்ந்திருப்பது கூடுதல் சிறப்பு!
அட்டகாசமான ஓவியங்கள்! அதிரடி கதைத் திருப்பங்கள்! ஒரே மூச்சில் படிக்கத் தூண்டும் ஜெட் வேக கதையமைப்பு!

குறைகள்:

ஒன்றும் இல்லை! கதைத் தொடர் இரண்டு கதைகளோடு முடிந்து விட்டதைத் தவிர!

நன்றிகள்:

முத்து விசிறி – வழக்கம் போல ஆங்கிலத் தொடரின் அனைத்து விவரங்களையும் அளித்தமைக்கு!
ஆசிரியர் திரு.S.விஜயன் அவர்கள் – இக்கதைத் தொடரை நமக்கு அறிமுகம் செய்தமைக்கு!
பதிவை இவ்வளவு தூரம் பொறுமையாகப் படித்த உங்களுக்கும்தான்!

இப்போதைக்கு அவ்வளோதான்,
மீண்டும் சந்திப்போம்!

ஆண்டு மலர்!

2010-07-07T22:58:00.001+05:30

வணக்கம்,

ஜூலை மாதம் வந்தாலே நமக்கெல்லாம் நினைவுக்கு வருவது நமது அபிமான லயன் காமிக்ஸின் ஆண்டு மலரும் வழக்கமாக ஆண்டு மலரில் வரும் மாடஸ்டி கதைகளும் தான்! இந்த ஜூலையில் தனது 26வது பிறந்த நாளைக் கொண்டாடும் லயன் காமிக்ஸிற்கு வாழ்த்துக்கள் தெரிவிக்கும் வகையில் அமைந்ததே இந்த சிறப்பு ஆண்டு மலர் பதிவு!

1984-ல் தொடங்கிய நமது அபிமான லயன் காமிக்ஸின் சகாப்தம் தற்போது பல முட்டுக்கட்டைகளைச் சந்தித்தாலும் அவற்றையெல்லாம் தாண்டி மென்மேலும் வளர இத்தருணத்தில் ஆண்டவனைப் பிரார்த்தித்துக் கொள்வோம்! லயன் காமிக்ஸ் மூலம் நமக்கு தொடர்ந்து மகிழ்வூட்டி வரும் நமது மதிப்பிற்குரிய ஆசிரியர் திரு.S.விஜயன் அவர்களையும் இத்தருணத்தில் பாராட்டுவோம்!

சுவாரசியமான துணுக்குகள்:

ஆண்டு மலர் என்றாலே நம் நினைவுக்கு வரும் மாடஸ்டி பிளைஸி இதுவரை மூன்றே மூன்று ஆண்டு மலர்களில் தான் சாகஸம் புரிந்துள்ளார் என்பது ஆச்சரியமளிக்கிறது! லயன் காமிக்ஸ் முதல் இதழில் தோன்றியது முதல் ஆஸ்தான நாயகியாக விளங்கும் மாடஸ்டியை நாம் லயன் காமிக்ஸின் ஆரம்ப காலத்தில் வந்த ஆண்டு மலர்களில் படித்து மகிழ்ந்த காரணத்தினாலோ என்னவோ ஆண்டு மலர் என்றாலே மாடஸ்டி என்கிற எண்ணம் நம் ஆழ்மனதில் வேரூன்றி விட்டதோ?!!
இதுவரை ஆண்டு மலரில் அதிகமாகத் தோன்றி சாகஸம் புரிந்தது வழக்கம் போல டெக்ஸ் வில்லர் தான்! அடுத்தபடியாக லக்கி லூக் அதிக சாகஸங்கள் புரிந்திருக்கிறார்!
1985 முதல் வருடந்தவறாது வெளிவந்து கொண்டிருந்த ஆண்டு மலர் 2004-ல் தான் முதன் முதலாக வராமல் போனது! அதற்கு காரணம் மே 2004-ல் வந்த மெகா-ட்ரீம் ஸ்பெஷல் தான்!அதைத் தொடர்ந்து ஒவ்வொரு வருடமும் வரும் ரூ:100/- விலையிலான ஸ்பெஷல்கள் ஆண்டு மலர்களை கபளீகரம் செய்து விடுவது வழக்கமாகி விட்டது!
ஆண்டு மலரில் பல சமயங்களில் காணாமல் போய்விட்ட பழைய ஹீரோக்கள் திடீரென வந்து நம்மை திக்குமுக்காடச் செய்வர் (உதா: இரும்புக்கை நார்மன், ஆக்‌ஷன் ஹீரோ சைமன், இரகசிய ஏஜெண்ட் காரிகன், கேப்டன் பிரின்ஸ்...)!

பட்டியல்:

இது வரை வெளிவந்த லயன் காமிக்ஸ் ஆண்டு மலர்களின் பட்டியல் இதோ! விளம்பரப்படுத்தப்பட்டு வெளிவராத ஆண்டு மலர்களும், ஜூலை மாதம் வந்திட்ட பிற இதழ்களும் இதில் அடக்கம்!

ஆண்டு மலர்	வருடம்	TITLE	Issue #	விலை	குறிப்புகள்
0	1984	கத்தி முனையில் மாடஸ்டி பிளைஸி	001	ரூ:2/-	இங்கு தான் எல்லாம் ஆரம்பித்தது!
1	1985	சைத்தான் விஞ்ஞானி! + குதிரை வீரன் ஆர்ச்சி!	015	ரூ:3/-	ஸ்பைடர் + ஆர்ச்சி = மாபெரும் வெற்றி!
2	1986	பவளச்சிலை மர்மம்!	027	ரூ:3/-	டெக்ஸ் வில்லரின் சாகஸங்களில் இது தலையானது!
3	1987	அதிரடிப் படை!	039	ரூ:3/-	அற்புதமான கதைத் தொடர்! அருமையான ஓவியங்கள்! இத்தொடர் குறித்து விரைவில் பதிவிடுகிறேன்!
4	1988	கானகத்தில் கண்ணாமூச்சி!	052	ரூ:2.50/-	மாடஸ்டி + போனஸ் ஆக்‌ஷன் கதை! சூப்பர் கதையை எப்படி சொதப்புவதென்று வயிரக்கண் பாம்பு கூறும்!
5	1989	நடுக்கடலில் அடிமைகள்!	062	ரூ:3/-	மாடஸ்டி + போனஸ் டெக்ஸ் வில்லர் (?!!) சிறுகதை!
6	1990	எமனுடன் ஒரு யுத்தம்!	070	ரூ:3/-	டெக்ஸ் வில்லர் குழுவின் ஆக்‌ஷன் அதிரடி! 3வது பக்கத்திலேயே ‘டுமீல்!’ சத்தம் தொடங்கிவிடும்! கதை முடியும் வரை ஓயாது!
7	1991	மர்ம முகமூடி!	077	ரூ:3/-	இரகசிய ஏஜெண்ட் காரிகன் சாகஸம்!
8	1992	மின்னலோடு ஒரு மோதல்!	084	ரு:3/-	ஆக்‌ஷன் ஹீரோ சைமன் சாகஸம்! இவர் குறித்து விரைவில் ஒரு முழு நீள பதிவிடுகிறேன்!
9	1993	கானகக் கோட்டை!	091	ரூ:3.50/-	ரிப் கிர்பியின் அற்புத சாகஸம்!
10	1994	மந்திர மண்ணில் மாடஸ்டி!	102		மீண்டும் மாடஸ்டி!
11	1995	பூம்-பூம்-படலம்!	114	ரூ:5.50/-	லக்கி லூக்கின் இருவண்ண சாகஸம்!
12	1996	இரத்தப் படலம்! 6	122	ரூ:7.50/-	XIII-ன் கண்ணீர் காவியம்! எனக்கு மிகவும் பிடித்த பாகம்!
13	1997	மிஸ்டர் மஹாராஜா!	133	ரூ:5/-	சிக்-பில், டெக்ஸ் என இரு சர்ப்ரைஸ் கதைகள்! நீண்ட இடைவெளிக்குப் பின் நான் மீண்டும் ரெகுலராக காமிக்ஸ் படிக்க ஆரம்பித்தது இந்த இதழ் முதல்தான்!
14	1998	கானகத்தில் கலவரம்!	142	ரூ:7.50/-	கேப்டன் பிரின்ஸ்-ன் கடைசி சாகஸச் சிறுகதை! லக்கி லூக்கின் இருவண்ண போனஸ் சாகஸமும் உண்டு!
15	1999	தலை வாங்கும் தேசம்!	151	ரூ:6/-	ரொம்ப நாள் விளம்பரத்திற்குப் பின் வந்த சிக்-பில் குழுவினரின் முழு நீள காமெடி கலாட்டா!
16	2000	இரத்த பூமி!	162	ரூ:7/-	வித்தியாசமான கெள-பாய் கதை!
17	2001	மெக்ஸிகோ படலம்!	169	ரூ:10/-	டெக்ஸ் வில்லரின் வழக்கமான அதிரடி ஆக்‌ஷன்!
18	2002	பயங்கரப் பயணிகள்!	173	ரூ:10/-	மொக்கை டெக்ஸ் வில்லர் கதையின் சுமாரான முதல் பாகம்! லயன் காமிக்ஸின் மறுமலர்ச்சி காலத்தில் வந்திட்ட முதல் ஆண்டு மலர்!
19	2003	பரலோகத்திற்கொரு பாலம்!	181	ரூ:10/-	லக்கி லூக்கின் முழு நீள வண்ண கார்ட்டூன்!
20	2004				ஆண்டு மலர் எதுவும் வெளியிடப்படவில்லை!
21	2005	கோட்-நேம் மின்னல்!		ரூ:10/-	விளம்பரப்படுத்தப்பட்டது! ஆனால் வெளிவரவில்லை!
22	2006	சூ-மந்திரகாளி...!	196	ரூ:10/-	லக்கி லூக்கின் முழு நீள வண்ண கார்ட்டூன்!
23	2007	காட்டேரிக் கானகம்!		ரூ:10/-	மீண்டும் மாடஸ்டி! ஆண்டு மலர் என விளம்பரப்படுத்தப்பட்டது! ஆனால் மிகத் தாமதமாக நவம்பரில் தான் வந்தது! ஜூலையில் டெக்ஸ் வில்லர் (காலன் தீர்த்த கணக்கு..!) தான் தாமதமாக வந்தார்!
24	2008	மரணத்தின் முன்னோடி!	203	ரூ:10/-	டெக்ஸ் வில்லர் சாகஸம்! ஜுலையில் வந்தாலும் ஆண்டு மலர் என குறிப்பிடவில்லை!
25	2009	மாண்டவன் மீண்டான்!	206	ரூ:10/-	இரகசிய ஏஜெண்ட் காரிகன் மறுபிரவேசம்! 25வது ஆண்டு மலர்! திடீரென வந்து திக்குமுக்காடச் செய்தது!
26	2010				இதுவரையில் எதுவும் வரவில்லை!

விளம்பரம்:

ஆண்டு மலர் என்றாலே நம் கண் முன் விரியும் காட்சி அநேகமாக இந்த விளம்பரமாகத் தான் இருக்க முடியும்! அப்படி நம் உள்மனதில் ஊறிவிட்ட அந்த விளம்பரத்தின் முதல் பிரதி இதோ உங்கள் பார்வைக்கு!

அட்டைப்படங்கள்:

இதுவரை வெளிவந்த ஆண்டு மலர் அட்டைப்படங்களின் கண்கவர் அணிவகுப்பு இதோ! இதுவரை வெளிவராத, ஜூலையில் வந்த ஆனால் ஆண்டு மலர் என்ரு விளம்பரப்படுத்தப்படாத, ஆண்டு மலர் என்று அறிவித்து தாமதமாக வந்த கதைகளின் அட்டைப்படங்களும் அடக்கம்!

அட்டைப்படங்கள் உபயம்:

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:

மாடஸ்டி பிளைஸி குறித்து கிங் விஸ்வாவின் இடுகை:

http://tamilcomicsulagam.blogspot.com/2010/06/modesty-blaise-arguably-best-comics.html

கோட்-நேம் மின்னல் குறித்து கனவுகளின் காதலரின் இடுகை:

http://kanuvukalinkathalan.blogspot.com/2009/01/blog-post_29.html

மாடஸ்தி குறித்து ஒலக காமிக்ஸ் ரசிகரின் இடுகை:

http://mokkaicomics.blogspot.com/2009/06/blog-post.html

டெக்ஸ் வில்லர் குறித்து முத்து விசிறியின் முத்தான பதிவு:

http://muthufanblog.blogspot.com/2008/11/it-is-no-secret-that-most-of-muthulion.html

ஒற்றைக் கண் ஜாக்!

2010-06-11T20:00:00.001+05:30

You've got to ask yourself one question: 'Do I feel lucky?' Well, do ya, punk?

-CLINT EASTWOOD (DIRTY HARRY)

வணக்கம்,

கடந்த மே 31ம் தேதி பிரபல ஹாலிவுட் சூப்பர் ஸ்டாரும், இயக்குனருமான க்ளிண்ட் ஈஸ்ட்வுட் தனது 80வது பிறந்த நாளைக் கொண்டாடினார்! 80 வயதைக் கடந்தாலும் இன்னும் GRAN TORINO, INVICTUS என்று அசத்திக் கொண்டிருக்கும் அவரது திறமையும், உழைப்பும் நம்மை மலைக்க வைக்கிறது! GRAN TORINO படத்துடன் அவர் நடிப்பதை நிறுத்திக் கொண்டாலும் அவர் தொடர்ந்து டைரக்‌ஷனில் ஈடுபட்டு வருகிறார்! அவர் மென்மேலும் பல்லாண்டு வாழ்ந்து நமக்கு மேலும் பல சிறந்த படங்களை வழங்கி நம்மையெல்லாம் மகிழ்ச்சிக் கடலில் ஆழ்த்த வேண்டுமென்று நம் அனைவரின் சார்பிலும் வேண்டிக் கொள்கிறேன்!

க்ளிண்ட் ஈஸ்ட்வுட் என்றாலே நம் நினைவுக்கு வருவது அவர் நடித்த கெள-பாய் படங்களே! அதிலும் குறிப்பாக அவர் ஸெர்ஜியோ லியோனியின் இயக்கத்தில் நடித்து வெளிவந்த DOLLARS TRILOGY படங்கள் உலகப் பிரசித்தம்! தான் இயக்கிய UNFORGIVEN படத்தை தனது குருமார்கள் ஸெர்ஜியோ லியோனி மற்றும் டான் ஸீகல் ஆகியோரின் நினைவிற்கு சமர்ப்பித்திருப்பார்! தான் நடித்த MAN WITH NO NAME கெள-பாய் கதாபாத்திரத்தின் வாழ்க்கை பிற்காலத்தில் எவ்வாறு திசைமாறுகிறது என்பதை சித்தரிக்கும் வகையில் UNFORGIVEN அமைந்திருக்கும்!

அதே போல் அவர் நடித்து புகழ்பெற்ற இன்னொரு கதாபாத்திரம் DIRTY HARRY! சட்டத்தின் ஓட்டைகளின் மூலம் தப்பி விடும் குற்றவாளிகளை என்கவுண்டரில் போட்டுத் தள்ளும் ஒரு நேர்மையான போலீஸ் அதிகாரிதான் DIRTY HARRY! நம்ம கேப்டன் விஜயகாந்த் நடித்த பற்பல போலீஸ் படங்களிலிருந்து இப்போது வந்துள்ள சாமி, வேட்டையாடு விளையாடு, சிங்கம் வரை இப்படத்தின் தாக்கம் இருக்கிறது! சுருக்கமா சொல்லனும்னா இவரு "போலீஸ் இல்ல, பொறுக்கி!"

1960களின் இறுதியில் அமெரிக்காவில் ZODIAC எனும் சைக்கோ கொலைகாரன் (இந்த மொக்கை சொல்லாடலை கண்டுபிடித்த தமிழ் பத்திரிக்கைகள் வாழ்க) உலவி வந்தான்! அவனை இறுதி வரை யாராலும் பிடிக்க, ஏன் அடையாளம் கூட காண இயலவில்லை! அப்படியே அவன் பிடிபட்டாலும் அவன் மனநிலை பாதிக்கப்பட்டிருப்பதால் அவனுக்கு மரண தண்டனை வழங்க சட்டம் அனுமதிக்காது! இந்த சைக்கோ கொலைகாரனைப் பற்றி சமீபத்தில் ZODIAC என்றொரு திரைப்படமும் வந்தது!

இந்த சூழ்நிலையில் 1971ல் வெளிவந்த படம்தான் DIRTY HARRY! இதிலும் SCORPIO எனும் சைக்கோ கொலைகாரன் ஒரு நகரையே மிரட்டுகிறான்! ஆனால் அதிகாரத்தில் இருப்போர் அவனைப் பிடிக்க பெரிதாக எதுவும் முயற்சி செய்யாதிருக்கையில் DIRTY HARRY சட்டத்தை தன் கையில் எடுத்துக் கொண்டு எவ்வாறு SCORPIOவுக்கு முடிவு கட்டுகிறார் என்பதே கதை! இப்படத்தின் வெற்றியைத் தொடர்ந்து DIRTY HARRY தொடரில் மேலும் நான்கு திரைப்படங்கள் வந்தன! மேலும் DIRTY HARRY தன் வாழ்நாளின் கடைசி காலங்களை எவ்வாறு கழித்திருப்பார் என்ற கற்பனையே GRAN TORINO திரைப்படம் என்கின்றனர் தீவிர க்ளிண்ட் ஈஸ்ட்வுட் ரசிகர்கள்!

திரைப்படங்களை மட்டுமல்லாது நாம் விரும்பிப் படிக்கும் காமிக்ஸ்களிலும் DIRTY HARRY-ன் தாக்கத்தை நாம் காணலாம்! அவற்றில் தமிழ் காமிக்ஸ் ஆர்வலர்களுக்கு மிகவும் பரிச்சயமானதொரு காமிக்ஸ் கதாநாயகன் தான் ஒற்றைக் கண் ஜாக்!

தமிழில் இவர் கதைகள் மினி லயன்-ல் மொத்தம் மூன்றே மூன்றுதான் வந்துள்ளன! அவற்றை ஒவ்வொன்றாகப் பார்ப்போம்!

அட்டைப்படம்
முதல் பக்கம்
ஆங்கில மூலம்
முதல் பக்கம்
இதழ்	மினி லயன் (மாத இதழ்)	மினி லயன் (மாத இதழ்)	மினி லயன் (மாத இதழ்)
வெளியீடு #	10	12	14
முதல் பதிப்பு	15th November, 1987	15th Febraury, 1988	15th April, 1988
மறுபதிப்புகள்	இதுவரை இல்லை	இதுவரை இல்லை	இதுவரை இல்லை
பதிப்பகம்	பிரகாஷ் பப்ளிஷர்ஸ்	பிரகாஷ் பப்ளிஷர்ஸ்	பிரகாஷ் பப்ளிஷர்ஸ்
ஆசிரியர்	S.விஜயன்	S.விஜயன்	S.விஜயன்
அச்சிட்டோர்	தி விஜய் புக்ஸ், சிவகாசி	தி விஜய் புக்ஸ், சிவகாசி	தி விஜய் புக்ஸ், சிவகாசி
நாயகர்(கள்)	ஒற்றைக் கண் ஜாக்	ஒற்றைக் கண் ஜாக்	ஒற்றைக் கண் ஜாக்
மூலம்	ONE-EYED JACK (ஆங்கிலம்)	ONE-EYED JACK (ஆங்கிலம்)	ONE-EYED JACK (ஆங்கிலம்)
இதழ்	VALIANT (Weekly)	VALIANT (Weekly)	VALIANT (Weekly)
வெளியீடு #	689	679	700
முதல் பதிப்பு	8th May, 1976	28th Febraury, 1976	24th July, 1976
மறுபதிப்புகள்	EAGLE (Weekly)	EAGLE (Weekly)	EAGLE (Weekly)
பதிப்பகம்	IPC Magazines Ltd.	IPC Magazines Ltd.	IPC Magazines Ltd.
கதை	ஜான் வாக்னர்	ஜான் வாக்னர்	ஜான் வாக்னர்
ஓவியம்	ஜான் கூப்பர்	ஜான் கூப்பர்	ஜான் கூப்பர்
தமிழில்	S.விஜயன்	S.விஜயன்	S.விஜயன்
சைஸ்	5"x7"	5"x7"	5"x7"
விலை	ரூ:2/- (1987 முதல் பதிப்பின் போது)	ரூ:2/- (1988 முதல் பதிப்பின் போது)	ரூ:3/- (1988 முதல் பதிப்பின் போது)

சுவாரசியமான துணுக்குகள்:

ஒற்றைக் கண் ஜாக் கதைகளுக்கு அற்புதமாக ஓவியங்கள் வரைந்த ஜான் கூப்பர் நமக்கெல்லாம் மிகவும் பரிச்சயமான மற்றொரு காமிக்ஸ் தொடரான இரும்புக்கை நார்மன் கதைகளுக்கும் ஓவியம் வரைந்துள்ளார்!
கதாசிரியர் ஜான் வாக்னர் பல வகையான காமிக்ஸ் தொடர்களின் ஆசிரியர்! JUDGE DREDD தொடரில் வெற்றிகரமாக பணியாற்றியவர்! JUDGE DREDDம் பார்க்கப் போனால் DIRTY HARRYன் தழுவலே! சில காமிக்ஸ் திரைப்படங்களிலும் பணியாற்றியுள்ளார்! தமிழில் சில பல JUDGE DREDD கதைகள் வந்துள்ளன! அவற்றை விரிவாக பின்பொரு நாளில் காண்போம்!
ஒற்றைக் கண் ஜாக்கிற்கு பிறகு அதே போல் DREDGER எனும் கதாபாத்திரத்தையும் ஜான் வாக்னர் உருவாக்கியுள்ளார்! இதில் ஒரேயொரு கதை மட்டும் தமிழில் படித்த ஞாபகம்!
VALIANTல் இத்தொடர் ஆரம்பிக்கும் போது அதன் ஆசிரியராகப் பணியாற்றிய ஜான் வாக்னர் காலத்திற்கேற்ப பழைய பாணியிலிருந்து மாறி பல புது வித ஆக்‌ஷன் தொடர்கள் வர வழிவகை செய்தார்! ஒற்றைக் கண் ஜாக் அந்த புது முயற்சிகளில் ஒன்று!
தமிழிலும் அதே போல் மினி லயன்-ல் ஆசிரியர் திரு.S.விஜயன் அவர்கள் பல புதுவித மாற்றங்கள் கொண்டு வரும்போது ஒற்றைக் கண் ஜாக்கை நமக்கு அறிமுகம் செய்து வைத்தார்! அந்த மாற்றங்கள் குறித்த மேல் விவரங்களுக்கு கீழ்காணும் சுட்டியைப் பயன்படுத்தவும்!
- http://tamilcomicsulagam.blogspot.com/2009/05/mini-lion-junior-lion-2-in-1-special.html
ஒற்றைக் கண் ஜாக் கதைகளுக்கு ஒரேயொரு முறைதான் விளம்பரம் செய்யப்பட்டது! அது மினி லயன் # 14 – சம்மர் ஸ்பெஷல்!க்கான விளம்பரமே! ஆனால் விளம்பரப் படுத்தப் பட்ட பெயரில் கதை வரவில்லை!

போனஸ்:

ஆங்கிலத்தில் வெளிவந்த ஒற்றைக் கண் ஜாக் அட்டைப்படங்களின் அழகிய அணிவகுப்பு, இதோ உங்கள் பார்வைக்கு!

மேற்காணும் அட்டைப்படங்களுடன் கீழ்காணும் DIRTY HARRY ஆக்‌ஷன் ஸ்டில்களை ஒப்பிட்டுப் பாருங்கள்! க்ளிண்ட் ஈஸ்ட்வுட் சாயல் தெரிகிறதா?

மேலும் நீங்கள் படித்து மகிழ தமிழில் வந்த ஒற்றைக் கண் ஜாக் கதைகளின் ஆங்கில மூலங்கள்! என்சாய்!

தொடர்புடைய இடுகைகள்:

ஒற்றைக் கண் ஜாக் குறித்து பிரிட்டிஷ் காமிக்ஸ் சரித்திர சான்றோன் ஸ்டீவ் ஹாலண்ட்-ன் பதிவு! ஒற்றைக் கண் ஜாக்கின் முதல் கதையையும் இங்கே படித்து மகிழலாம்:

http://bearalley.blogspot.com/2008/10/one-eyed-jack.html

கதாசிரியர் ஜான் வாக்னர் பற்றி மேலும் அறிந்து கொள்ள:

ஓவியர் ஜான் கூப்பர் பற்றி மேலும் அறிந்து கொள்ள:

http://lambiek.net/artists/c/cooper_john.htm

இப்போதைக்கு அவ்வளோதான்,
மீண்டும் சந்திப்போம்!

புயல் வேக இரட்டையர்!

2010-05-31T20:37:00.001+05:30

வணக்கம்,

சமீபத்தில் கிங் விஸ்வா வெளியிட்டிருந்த காமிக்ஸ் கேள்வி-பதில் பதிவில் நண்பர்கள் சிலர் புயல் வேக இரட்டையர் குறித்து விவரங்கள் கேட்டிருந்தனர்! அவர்களது கேள்விகளுக்கு பதில் கூறும் விதமாகவே இப்பதிவு வந்திருக்கிறது!

புது முயற்சியாக பல விஷயங்களை விளக்காமல் விவரங்களாக மட்டும் கூறியுள்ளேன்! பதிவை ஆழ்ந்து படிக்குமாறு உங்களனைவரையும் கேட்டுக் கொள்கிறேன்!ஆகையால் மொக்கை போட்டு மேலும் நேரத்தை வீணாக்காமல் நேரடியாக பதிவுக்கு போவோம்!

புத்தக விவரங்கள்:

அட்டைப்படம்
கதை	கறுப்புப் பாதிரி மர்மம்!	புயலோடு ஒரு போட்டி!
இதழ்	மினி லயன் (மாத இதழ்)	முத்து காமிக்ஸ் (மாத இதழ்)
வெளியீடு	3	195
முதல் பதிப்பு	மார்ச் 1, 1987	ஆகஸ்ட் 15, 1991
மறுபதிப்புகள்	இதுவரை இல்லை	இதுவரை இல்லை
பதிப்பகம்	லயன் புக் ஹவுஸ்	முத்து காமிக்ஸ்
ஆசிரியர்	S.விஜயன்	M.சவுந்திரபாண்டியன்
அச்சிட்டோர்	லயன் புக் ஹவுஸ்	தி விஜய் புக்ஸ், சிவகாசி
நாயகர்(கள்)	புயல் வேக இரட்டையர்	புயல் வேக இரட்டையர்
மூலம்	THE SPEED KINGS – THE BLACK PRIOR (ஆங்கிலம்)	THE SPEED KINGS – THE KESLEY FLYER (ஆங்கிலம்)
இதழ்	LION (Weekly)	LION (Weekly)
வெளியீடு	FLEETWAY PUBLICATIONS LTD.	FLEETWAY PUBLICATIONS LTD.
முதல் பதிப்பு	10th August 1968 - 5th October 1968	13th January 1968 – 11th May 1968
மறுபதிப்பு	LION ANNUAL 1974	LION ANNUAL 1970

கதை	???	???
ஓவியம்	RENATO POLESE	RENATO POLESE
தமிழில்	S.விஜயன்	S.விஜயன்
பக்கங்கள்	68 (கருப்பு வெள்ளை)	132 (கருப்பு வெள்ளை)
சைஸ்	10cmx14cm	9.5cmx13cm
விலை	ரூ:1/- (1987 முதல் பதிப்பின் போது)	ரூ:3/- (1991 முதல் பதிப்பின் போது)
விளம்பரம்
கதைச்சுருக்கம்	புயல் வேக இரட்டையரின் இரண்டாவது மற்றும் இறுதிக் கதை! டைசன் பிரபுவின் குடும்பத்தின் மீது விழுந்த சாபத்தின் படி கறுப்புப் பாதிரியைக் கண்டவர்களுக்கு மரணம் நிச்சயம்! அந்த சாபம் உண்மையா? இல்லை வெறும் மூட நம்பிக்கையா? அல்லது டைசன் பிரபுவின் மரணத்தினால் இலாபமடையக்கூடியவர்கள் நிகழ்த்தும் நாடகமா? என்பதை தங்கள் வழக்கமான அதிரடி பாணியில் இரட்டையர்கள் துப்புத் துலக்குகின்றனர்!	புயல் வேக இரட்டையரின் முதல் கதை! இரட்டையர்களை கார் ரேஸில் பங்கேற்க வைத்து அவர்கள் மூலம் தங்கத்தாலான கார் ஒன்றை கடத்த முயலும் ஒரு கும்பலுக்கும், அதைக் கைப்பற்ற நினைக்கும் வேறொரு கும்பலுக்கும் இடையே சிக்கிகொண்டு இரட்டையர்கள் நிகழ்த்தும் சாகஸங்கள் தான் கதை! பரபரப்பான அதிரடி ஆக்‌ஷன் காட்சிகளுக்கு பஞ்சமில்லை!
முதல் பக்கம்
ஆங்கில மூலம்

சுவாரசியமான துணுக்குகள்:

இக்கதைத் தொடரின் ஓவியர் RENATO POLESE நமக்கெல்லாம் மிகவும் பரிச்சயமானவர்! பல லாரன்ஸ் & டேவிட் கதைகளுக்கு துடிப்பான ஓவியங்கள் வரைந்தது இவர்தான்! இவரைப் பற்றி மேலும் தகவல்கள் தெரிந்து கொள்ள கீழ்காணும் சுட்டிகளைப் பயன்படுத்தவும்!
- http://www.dandare.info/artists/polese.htm
- http://www.dandare.info/artists/polese_index.htm
- http://lambiek.net/artists/p/polese_r.htm
- http://it.wikipedia.org/wiki/Renato_Polese (இத்தாலிய மொழியில்)
லயன் காமிக்ஸ்-ல் இரட்டை வேட்டையர்-ன் வெற்றிக்கு பிறகு அதே போல் சாகஸ வீரர்கள் மினி லயன்-லும் தேவை என்று உணர்ந்த ஆசிரியர் திரு.S.விஜயன் அவர்கள் தேர்ந்தெடுத்த ஹீரோக்களே நமது புயல் வேக இரட்டையர்!
இரட்டை வேட்டையர் போலவே இவர்களும் சாகஸ ஸ்டண்ட் வீரர்கள்! ஆனால் இவர்கள் இரட்டை வேட்டையர் போல் இரகசிய உளவாளிகள் இல்லை! தங்களை எதிர்கொள்ளும் சவால்களை சமாளிக்கும் சாதாரண கதாநாயகர்கள் (ஆக்‌ஷன் ஹீரோ சைமன் போல்)!
ஸாண்டி, ஜோ என்ற ஸ்டண்ட் சகோதரர்களின் சாகஸங்களின் கதைகள் தான் இவை! அவர்களது ஹெல்மெட்டிலும், ஜெர்க்கினிலும் அவர்களது இனிஷியல்கள் பொறிக்கப்பட்டிருக்கும்!
இவர்களின் சாகஸக் கதைகள் மொத்தமே இரண்டேயிரண்டுதான் வந்துள்ளன! ஆங்கிலத்திலும் அவ்வளோதான்! இவர்களைப் போல சாகஸ ஹீரோக்கள் அங்கேயெல்லாம் நயா பைசாவுக்கு நாற்பது பேர் கிடைப்பார்கள்! ஆகையால்தான் இவ்வகை ஹீரோக்கள் எவருமே நிலைத்து நிற்கவில்லை!
புயலோடு ஒரு போட்டி அட்டைப்படத்தின் மூலம் உண்மையில் இரட்டை வேட்டையர்-ன் விளம்பரத்தில் உபயோகிக்கப்பட்ட ஒரு படமாகும்! கைவசம் புத்தகம் இல்லாததால் படம் வெளியிட முடியவில்லை! மன்னிக்கவும்!

நிறைகள்:

ஆக்‌ஷன் ரசிகர்களுக்கு, குறிப்பாக வேகவிரும்பிகளுக்கு (LITERALLY) சரியான விருந்து!
இரட்டை வேட்டையர்-ன் ரசிகர்களுக்கு இக்கதைத் தொடர் மிகவும் பிடிக்கும்!
அட்டகாசமான ஓவியங்கள்! அதிரடி கதைத் திருப்பங்கள்! ஒரே மூச்சில் படிக்கத் தூண்டும் ஜெட் வேக கதையமைப்பு!

குறைகள்:

இரட்டை வேட்டையர் போல் இவர்கள் உளவாளிகளாக இல்லாதிருப்பது கதைக் களங்களை மட்டுப்படுத்துகிறது! ஒரே மாதிரியான கதைக் களங்களே இக்கதைத்தொடரின் தோல்வி!

நன்றிகள்:

ஸ்டீவ் ஹாலண்ட் – இக்கதைத் தொடரின் ஓவியர் குறித்த விவரங்களைக் கேட்டவுடன் அளித்தமைக்கு!
முத்து விசிறி – வழக்கம் போல ஆங்கிலத் தொடரின் அனைத்து விவரங்களையும் அளித்தமைக்கு!
ஹாஜா இஸ்மாயில் - அட்டைப்படங்களுக்காக!
கிங் விஸ்வா – பல்வேறு வகைகளில் அவர் தொடர்ந்து புரிந்து வரும் உதவிகளுக்கும், உபத்திரவங்களுக்கும்!
ஆசிரியர் திரு.S.விஜயன் அவர்கள் – இக்கதைத் தொடரை நமக்கு அறிமுகம் செய்தமைக்கு!

இப்போதைக்கு அவ்வளோதான்,
மீண்டும் சந்திப்போம்!

மங்கூஸ்!

2010-04-22T07:59:00.001+05:30

“அதென்ன தலமேல கீறிப்புள்ள படுத்துருக்கு?!!”

-கவுண்டமணி (படம்: ஜெய் ஹிந்த்)

வணக்கம்,

IPL முடியப்போகும் தருவாயில் சீஸனின் ஆரம்பத்திலேயே இட்டிருக்க வேண்டிய இந்த இடுகையை தாமதமாக இடுவதற்கு முதலில் மன்னிக்க வேண்டுகிறேன்!

மங்கூஸ் மட்டை என்று அகில கிரிக்கெட் உலகமே அல்லோல கல்லோலப் பட்டுக் கொண்டிருக்கும் போது கூர்ந்து நோக்கினால் அம்மட்டை கண்ட வெற்றிகளை விட (ஒரேயொரு போட்டியில் தான் அம்மட்டையின் சிறப்பு வெளிப்பட்டது) தோல்விகளே பல மடங்கு எண்ணிக்கையில் அதிகம்!

அப்பேற்பட்ட மொக்கை மட்டையை ஏன்தான் எல்லோரும் தலையில் தூக்கி வைத்துக் கொண்டாடுகின்றனரோ?

ஆனால் நமக்கெல்லாம் மிகவும் பரிச்சயமான இன்னொரு மங்கூஸ் அப்படியில்லை! எப்பொழுதும் தூள் கிளப்புவார்! அவர் வேறு யாருமல்ல! இரத்தப்படலம் கதைத்தொடரின் எதிர்நாயகன் மங்கூஸ் தான் அவர்! அவரது அதிரடிகளின் அணிவகுப்பு இதோ உங்கள் பார்வைக்கு! பதிவு முழுவதும் பல ‘காமிக்ஸ் குத்து!’க்கள் இடம்பெற்றுள்ளன! படித்து மகிழுங்கள்!

இரத்தப்படலம் I:

மங்கூஸ் நமக்கெல்லாம் அறிமுகமானது இரத்தப்படலம் பாகம்-Iல் தான்! மூன்றே மூன்று பக்கங்களில் தான் தன் மொட்டைத் தலையைக் காட்டுகிறார்! மூன்று நான்கு வசனங்கள் தான் பேசுகிறார்! இருந்தாலும் நம்மால் மறக்க முடியாத கதாபாத்திரமாக அமைந்துவிடுகிறார்!

ஆனால் இதில் ஒரு சிறு குழப்பம் உள்ளது! XIIIக்கு ஒன்றுமே நினைவில்லை என்றும் கூறும் போது மங்கூஸை மட்டும் எப்படி சரியாக அடையாளம் கண்டு கொண்டார் என்பது தான்? XIIIன் புரியாத பல புதிர்களில் இதுவும் ஒன்று!

வழக்கமாக இரத்தப் படலம் கதைகளில் மங்கூஸ் ENTRY கொடுக்கும் போது கதையின் போக்கே திசைமாறும்! அதுவும் நாம் சற்றும் எதிர்பாராத தருணத்தில் வந்து நம்மையும் XIII-யையும் ஆச்சர்யத்திலும் அதிர்ச்சியிலும் ஆழ்த்துவார்! இந்த முதல் கதை அந்த ட்ரெண்டை நன்றாகவே பதிக்கிறது!

இரத்தப்படலம் III:

இரண்டேயிரண்டு பக்கங்களுக்கே வந்தாலும் சற்றும் எதிர்பாராத தருணத்தில் வருகிறார்! கதையின் போக்கிலும் வழக்கம் போல ஒரு திருப்பத்தை உண்டாக்குகிறார்!

நான் முதன் முதலில் படித்த இரத்தப்படலம் கதை இந்த மூன்றாம் பாகம்தான்! கதைக்கு உண்டாக்கப்பட்ட HYPEம் கதையின் அற்புதமும் சேர்ந்து என்னை உடனடியாக விசிறியாக மாற்றிவிட்டன! அதில் என்னை மிகவும் கவர்ந்தது மங்கூஸ் பாத்திரப் படைப்புதான் என்பதை சொல்லவும் வேண்டுமா?

இரத்தப்படலம் VI:

இரண்டு பாகங்களுக்கு ஓய்வெடுத்துக் கொண்டு மீண்டும் வரும் மங்கூஸ் இந்த முறை உண்மையிலேயே தூள் கிளப்பியிருக்கிறார்! XIIIஐ கொல்ல தன் அல்லக்கையுடன் வரும் மங்கூஸ் அவனுக்கு XIIIஐக் கொல்வதில் உள்ள சிரமங்களை அற்புதமாக விளக்குகிறார்!

XIII என்றாலே ராசியில்லாத எண்ணாகக் கருதப் படுகையில் மங்கூஸிடமிருந்து இத்தனை முறை தப்பியிருக்கும் XIII உண்மையிலேயே ரொம்ப அதிர்ஷடசாலிதான்! இல்லையா?

ஆனால் கதையின் ஹை-லைட் க்ளைமாக்ஸில் தான் வருகிறது! XIIIஐ கொல்லும் முயற்சியில் தோல்வியடையும் மங்கூஸ் XIIIஐ கொல்லத்துடிக்கும் லோக்கல் வில்லன்களை அணுகி தன்னை ஒரு FBI ஏஜெண்டாக அமர்க்களமாக அறிமுகம் செய்து கொள்கிறார்! அவர் அந்த சமயத்தில் கூறும் விஷயங்கள் வாசகர்களான நமக்கு முற்றிலும் நம்பத் தகுந்த வகையில் கூறப்பட்டிருக்கும்!

அதிலும் குறிப்பாக தன் பெயர் காரணத்தை அவர் விளக்கும் கட்டம் அப்பப்பா! சொல்லி மாளாது! நீங்களே கண்டு மகிழுங்கள்!

ஒரு வேளை மங்கூஸ் உண்மையிலேயே FBI உளவாளியோ? XIII உண்மையிலேயே பயங்கர குற்றவாளியோ? என்றெல்லாம் எண்ணத் தூண்டவைக்கும் கதையம்சம்! ஏழாவது பாகம் எப்போது வரும் என காத்திருக்க வைத்த தருணங்கள்! அதுவும் பெரிய சைஸில் முதன் முறையாக XIIIன் அற்புத சித்திரங்களை கண்குளிர காணும் அரிய வாய்ப்பு என்று எல்லாம் சேர்ந்து எனது ஃபேவரைட் மங்கூஸ் தருணமாக இதை மாற்றி விட்டன!

இரத்தப்படலம் தொடரில் என்னை மிகவும் கவர்ந்த பாகமும் இதுவேயாகும்! அதற்கு இந்த மங்கூஸ் தருணம் மட்டுமே காரணமல்ல! இக்கதையில் வரும் இன்னொரு தருணமும் என்னை மிகவும் பாதித்தது! அது குறித்து விரைவில் பதிவிடுகிறேன் என கிங் விஸ்வா போன வருடமே கூறியுள்ளார்!

இரத்தப்படலம் VII:

ஆறாவது பாகம் ஏற்படுத்திய எதிர்பார்ப்பை கொஞ்சம் கூட ஏமாற்றமளிக்காமல் நிறைவு செய்தது இரத்தப்படலம் ஏழாம் பாகம்! வழக்கம் போல இதிலும் சில பல அதிரடி எண்ட்ரீக்களைக் கொடுக்கிறார் மங்கூஸ்!

க்ளைமாக்ஸில் முதன்முறையாக XIIIம் மங்கூஸும் நேருக்கு நேர் மோதும் அற்புதமான காட்சி! நீங்களே கண்டு மகிழுங்கள்!

இறுதியில் மங்கூஸ் கைது செய்யப் பட்டாலும் அவர் மீண்டும் வருவார் என்பது நமக்கெல்லாம் நன்கு தெரியும்!

இரத்தப்படலம் VIII:

கதையின் ஆரம்பமே மங்கூஸின் அதிரடி மூலம்தான்! ஜெயிலிலிருந்து தப்பிக்கும் அவரது சாகஸம் மயிகூச்செறிய வைக்கும்! அதுவும் அவர் தப்பிக்க உதவும் ஜெயில் வார்டனுக்கு அவர் கொடுக்கும் வெகுமதியும், செல்லில் அவர் எழுதி வைத்து விட்டு போகும் வாசகமும் ட்ரேட்மார்க் மங்கூஸ் வில்லத்தனம்!

பின்னர் க்ளைமாக்ஸில் தோன்றும் மங்கூஸ் வழக்கமான நையாண்டியுடன் XIII-ஐ எதிர்கொள்கிறார்!

XIII-ஐ கொல்லும் முன் அவர் நினைவாற்றலை இழக்கக் காரணமான சம்பவங்களை அவருக்கு நினைவூட்ட விழைகிறார் மங்கூஸ்! மிக அற்புதமான தருணம் இது! முழு பக்கத்தையும் உங்கள் பார்வைக்கு வைக்கின்றேன்! படித்து மகிழுங்கள்!

மங்கூஸ் XIII-க்கு பிரியாவிடை கொடுக்கும் போது உதிர்க்கும் ‘காமிக்ஸ் குத்து!’ கனவுகளின் காதலர்-ன் கருத்தைக் கவரும்!

எட்டாவது பாகத்தில் கதை ஒரு வித க்ளைமேக்ஸை எட்டினாலும் XIIIன் வெற்றி பதிப்பகத்தாரை தொடரை மேலும் ஜவ்வாக நீட்டிக்க தூண்டியது! என்னைப் பொறுத்த வரை எட்டாம் பாகத்திலேயே கதையை முடித்திருந்தால் சிறப்பாக இருந்திருக்கும்!

இரத்தப்படலம் XII:

இக்கதை இன்னும் தமிழில் வெளிவராததால் விரிவாக எதையும் நான் கூற விரும்பவில்லை! ஆனால் மங்கூஸின் சகாப்தம் இத்துடன் நிறைவடைகிறது! ஆனால் போகும் போது அவர் ஒன்றும் சும்மா போகவில்லை! தனது தகுதிக்கேற்ப வீர மரணமே அடைந்துள்ளார்! மேலும் நான் எதுவும் கூறப் போவதில்லை! XIII ஸ்பெஷல் வந்ததும் நீங்களே படித்து தெரிந்து கொள்ளுங்களேன்!

ஆனால் ஒரு விஷயம்! எட்டாம் பாகத்திலேயே முடிந்திருக்க வேண்டிய கதையை அட்லீஸ்ட் இந்த பாகத்திலாவது முடித்திருக்கலாம்! ஆனால் கதையை மேலும் ஜவ்வாக நீட்டி கடைசியில் பத்தொன்பதாம் பாகத்தில் அவசர அவசரமாக முடித்திருப்பார்கள்! கதாசிரியர் வான் ஹாம்மே இதுக்கு மேல நம்மால முடியாதுடா சாமி என்றிடாவிட்டால் இன்னும் கூட கதை நீண்டிருக்கும்! மங்கூஸ் உட்பட பல்வேறு அபிமான கதாபாத்திரங்கள் இறந்துவிடுவதால் பிந்தைய பாகங்களில் கதையின் மேல் ஒரு பற்று இல்லாமல் போய் விடுகிறது!

இக்கதை குறித்த கனவுகளின் காதலர்-ன் இடுகையைப் படிக்க கீழ்காணும் சுட்டியைப் பயன்படுத்தவும்!

http://kanuvukalinkathalan.blogspot.com/2009/11/xiii.html

XIII MYSTERY – THE MONGOOSE:

தொடர் முடிந்த பின்பும் பதிப்பகத்தாருக்கு XIII எனும் பொன் முட்டையிடும் வாத்தை விட மனமில்லை! கதாசிரியர் வான் ஹாம்மேவும் ஓவியர் வில்லியம் வான்ஸ்-ம் தொடரை விட்டு விலகி விட்டாலும் கூட வேறு ஆசிரியர், ஓவியர்களை வைத்து மங்கூஸின் பழைய கதையை வெளியிட்டனர்! இப்போது இரினாவின் கதையும் வந்துள்ளது!

http://kanuvukalinkathalan.blogspot.com/2009/02/blog-post_12.html

இரினாவின் கதை குறித்தும் விரைவில் கனவுகளின் காதலர் பதிவிடுவார் என ஆவலுடன் காத்திருக்கிறேன்!

இப்படிப்பட்டதொரு அருமையான கதாபாத்திரத்தை படைத்த வான் ஹாம்மேக்கும், அதற்கு அற்புதமான சித்திரங்கள் மூலம் உயிரூட்டிய வில்லியம் வான்ஸ்-க்கும், ஒரிஜினலின் சுவை கொஞ்சம் கூட குன்றாமல் மேலும் மெருகூட்டி நமக்கு அளித்து வரும் ஆசிரியர் திரு.S.விஜயன் அவர்களுக்கும் இத்தருணத்தில் நன்றிகளையும், பாராட்டுக்களையும் தெரிவித்துக் கொள்கிறேன்!

பி.கு.:

பதிவ முடிக்கறதுக்கு முன்னாடி மங்கூஸ் மட்டை பத்தி இன்னும் ஒன்னே ஒன்னு சொல்லிக்கிறேன்!

“உன்ன மாதிரி எத்தன கீறிக்குட்டிகள நான் பாத்துருக்குறேன்?!!”

-கவுண்டமணி (படம்: ஜெய் ஹிந்த்)

பதிவை இவ்வளவு தூரம் பொறுமையாகப் படித்ததற்கு எனது நன்றிகள்! உங்கள் கருத்துக்களை மறவாமல் பின்னூட்டங்களாகப் பகிர்ந்து கொள்ளுங்கள்.

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:-

மங்கூஸ் மட்டை:

மங்கூஸ் சித்திர நாவல்:

XIII:

XIII ஜம்போ ஸ்பெஷல் இன்று வரை வராதது குறித்த புலம்பல்/அலம்பல் பதிவுகள்:

CINEBOOK வெளியிடவிருக்கும் XIII ஆங்கிலத் தொடர் குறித்த செய்திப் பகிர்வுகள்:

XIII காமிக்ஸ் ஆங்கிலத்தில் டவுன்லோடு செய்ய:

http://browsecomics.blogspot.com/search/label/XIII

XIII COLLECTOR’S EDITION WIDGET-ஐ உங்கள் வலைத்தளத்தில் இணைக்க:

http://browsecomics.blogspot.com/2009/01/lion-collector-special-widget.html