Tuesday, January 3, 2012

தபால் தலையில் மாயாவி!

வணக்கம்,

அனைவருக்கும் இனிய புத்தாண்டு நல்வாழ்த்துக்கள்!

இந்த புது வருடம் தமிழ் காமிக்ஸ் வரலாற்றில் ஒரு மைல்கல்லாக விளங்கப் போவதற்கான அறிகுறிகள் ஆரம்பமாகிவிட்டன! ஆசிரியர் திரு.S.விஜயன் அவர்களே சொந்த வலைப்பூ ஒன்றைத் தொடங்கி வெற்றிகரமாக நடத்தி வருகிறார்! கம்பேக் ஸ்பெஷல் குறித்த முன்னோட்டங்கள் இனையத்தில் உலாவ ஆரம்பித்து விட்டன! காமிக்ஸ் ஜுரம் கொஞ்சம் கொஞ்சமாக பற்றிக் கொண்டு விட்டது! என் பங்குக்கு நானும் ஒரு சிறிய ‘பிட்’டை போட்டு வைக்கிறேன்!

இந்நிலையில் தமிழ் காமிக்ஸ் சூழல் மட்டுமல்லாது உலகெங்கிலும் உள்ள காமிக்ஸ் ரசிகர்களும் வரவேற்கத் தக்க விஷயங்கள் நடந்தேறி வருகின்றன! அந்த வரிசையில் இதோ இன்னுமொரு சுவையான நிகழ்வு!

தமிழ் காமிக்ஸ்களுள் தலையாய நாயகானாகிய இரும்புக்கை மாயாவி மற்றும் வேறுபல காமிக்ஸ்களை கெளரவப்படுத்தும் வகையில் இங்கிலாந்து நாட்டு அஞ்சல்துறை தபால்தலைகளை வெளியிட்டுள்ளது! பிரிட்டிஷ் காமிக்ஸ் வரலாற்றின் 75 வருட பாரம்பரியத்தை கொண்டாடும் வகையில் இந்நிகழ்வு அமைந்துள்ளது! இது குறித்த மேல்விவரங்களுக்கு கீழ்காணும் சுட்டியை சொடுக்கவும்!

இதோ அந்த தபால்தலைகள்! காமிக்ஸ் ரசிகர்கள் கைப்பற்ற வேண்டிய இன்னுமொரு அரிய பொக்கிஷம்! ஆனால் இரும்புக்கை மாயாவியை சிறுமிகள் காமிக்ஸ் வகையில் சேர்த்தது ஏனென்று விளங்கவில்லை!

Picture 12Picture 16Picture 15

இதே போல் 1995ல் அமெரிக்காவில் செய்தித்தாள் சித்திரத் தொடர்களை கெளரவப்படுத்தும் வகையில் வெளியிடப்பட்ட தபால்தலைகள் இதோ! ஃப்ளாஷ் கார்டன், ப்ளாண்டி, டிக் ட்ரேசி மற்றும் தொலைக்காட்சி மூலம் பாப்பை தவிர வேறு எவரையும் தமிழ் காமிக்ஸ் ரசிகர்களுக்கு பரிச்சயம் இல்லை என்பது வருந்தத்தக்கது!

Classic Comic Strips

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்! அனைவருக்கும் மீண்டும் ஒரு முறை புத்தாண்டு நல்வாழ்த்துக்கள்!

இப்போதைக்கு அவ்வளோதான்,
மீண்டும் சந்திப்போம்!