Saturday, December 25, 2010

அ.கொ.தீ.க. டைம்ஸ்!

வணக்கம்,

அனைவருக்கும் இனிய கிறிஸ்துமஸ் நல்வாழ்த்துக்கள்!

டிசம்பர் இறுதி வரையில் எனது உலகப் பிரசித்தி பெற்ற சோம்பேறித்தனம் காரணமாக எந்தப் பதிவும் இடவில்லை! நாளை முதல் பாக்ஸிங் டே டெஸ்ட் மாட்சுகள் இரண்டு ஆரம்பித்து விடுவதால் கண்டிப்பாக இனி டிசம்பரில் வேறெந்தப் பதிவையும் என்னால் இட இயலாது!

டிசம்பரில் வேறெந்த பதிவுகளும் இடாததாலும் இனி அடுத்து உங்களைப் புத்தாண்டில்தான் சந்திப்பேன் என்பதாலும் இந்த எக்ஸ்பிரஸ் பதிவு! இம்முறை வெறும் நியூஸ் மட்டும் போடாமல் சற்று வித்தியாசமாக சுவாரசியம் நிறைந்த சில பல துணுக்குகளுடன் உங்களை சந்திக்கிறேன்!

இவற்றைப் படிக்கும் போது உங்களுக்கும் உங்களது இளம்பிராயத்து நினைவுகள் அலைமோதலாம்! அப்படி மோதினால் பின்னூட்டம் மூலம் அவற்றைப் பகிர்ந்து கொள்ளுங்களேன்!

ஓகே! மொக்கை போட்டது போதும்! இனி பதிவுக்கு போவோம்!

சுட்டி டிவியில் ஆசிரியர் திரு.S.விஜயன் அவர்களின் பேட்டி:

சமீபத்தில் வெளிவந்த இரத்தப்படலம் ஜம்போ ஸ்பெஷல் குறித்து பல்வேறு ஊடகங்களிலும் செய்திகள் வெளிவந்து கொண்டிருப்பது மகிழ்ச்சிகரமானதே! இச்செய்திகளின் தொடர்ச்சியாக இதோ இன்று காலை முதல் தமிழின் நம்பர் ஒன் குழந்தைகளுக்கான சேனலான சுட்டி டிவியில் ஆசிரியர் திரு.S.விஜயன் அவர்களின் பேட்டி ஒளிபரப்பாகிறது!

இப்பேட்டியானது சுட்டி டிவி நியூஸில் ஒரேயொரு நிமிடம் மட்டுமே வந்தாலும் கூட இவ்வளவு பெரிய நெட்வொர்க்கில் காமிக்ஸ் குறித்த செய்திகள் வருவதென்பது நம் அனைவருக்கும் மகிழ்வளிக்கும் செய்தியென்பதால் பாராட்டத் தக்க விஷயமே!

இதோ அதற்கான காணொளி! இதனை வலையேற்றிய நண்பர் கிங் விஸ்வாவுக்கு நன்றிகள்!

சுட்டி டிவி நியூஸ் ( 25/12/2010) லயன் காமிக்ஸ் ஆசிரியர் S.விஜயன் பேட்டி

இச்செய்தியைத் தவற விட்டோர் கீழ்காணும் நேரங்களில் இன்று முழுவதும் சுட்டி டிவியில் கண்டு மகிழலாம்!

காலை : 6:55AM & 7:55AM IST

இரவு     : 10:25PM IST

அத்தோடு திங்களன்று (27/12/2010) வரும் குங்குமம் வார இதழில் வரவிருக்கும் ஜம்போ ஸ்பெஷல் குறித்த விரிவான காமிக்ஸ் செய்தியையும் தவறாமல் படியுங்கள்!

ஈரோடு பேருந்து நிலைய புத்தகக் கடை:

சிறு வயது நினைவுகளைத் தூண்டும் விஷயங்கள் குறித்த பதிவு இது என்று கூறியிருந்தேனல்லவா? இதோ முதல் விஷயம்!

ரொம்ப நாளாக நானும் கிங் விஸ்வாவும் பதிவிட எண்ணியிருந்த விஷயம் இது! தற்போதெல்லாம் தமிழ் காமிக்ஸ் கடைகளில் கிடைப்பதென்பது அரிதாகி விட்டது! பழைய புத்தகங்களை விடுங்கள்! புதிய புத்தகங்கள் எங்கே கிடைக்கும் என்பதே பல நெடுநாள் வாசகர்களுக்கு தெரியாததால் பல வாசகர்களை நமது காமிக்ஸ்கள் இழக்க நேரிடுகின்றன!  இதில் புதிய வாசகர்களை வேறு எங்கிருந்து உருவாக்குவது!

முன்பெல்லாம் ஒவ்வொரு ஊரின் முக்கிய சாலைகளிலும் குறைந்த பட்சம் 5 நியூஸ்பேப்பர் கடைகளாவது இருக்கும்! சென்னை, கோவை, மதுரை போன்ற பெருநகரங்களின் ஒவ்வொரு பகுதியிலும் குறைந்த பட்சம் 10 கடைகளாவது இருக்கும்! அவற்றில் எல்லாவற்றிலும் காமிக்ஸ் கிடைக்கும்! அது ஒரு பொற்காலம்!

ஒவ்வொரு நாளும் நான் பள்ளியிலிருந்து திரும்பும் போதும் தெருமுனையிலுள்ள இரண்டு புத்தகக் கடைகளிலும் தவறாமல் ஒரு பத்து நிமிடம் நோட்டம் விட்ட பின்புதான் வீட்டுக்கு செல்வேன்! பின்னர் கடைக்காரரிடம் சொல்லி புத்தகங்களைப் பதுக்கி வைத்து விடுமுறையின் போது வீட்டில் அடம் பிடித்து காசு வசூல் செய்து வாங்கிப் படிப்பது வழக்கம்!

ஆனால் தற்போது பெட்டிக்கடைகள் எண்ணிக்கையில் குறைந்து விட்ட நிலையில், பத்து கடைகள் இருந்த இடத்தில் ஒரேயொரு கடை இருந்தால் கூட பெரிய விஷயம் என்ற நிலையில், அதுவும் காமிக்ஸ் புத்தகங்கள் அங்கு கிடைக்க வேண்டுமெனும் பொழுது அது சற்று மலைப்பான விஷயமாகவே உள்ளது! 

இதை மனதில் கொண்டே ஒவ்வொரு ஊரிலும் புதிய தமிழ் காமிக்ஸ் புத்தகங்கள் கிடைக்குமிடங்கள் குறித்து தொடர்ந்து பதிவிடுவது என்று நானும் கிங் விஸ்வாவும் 2008ல் எங்கள் வலைப்பூக்கள் முறையே ஆரம்பித்த போதே முடிவெடுத்தோம்! ஆனால் வழக்கம் போலவே இன்று வரை ஒரு பதிவு கூட உருப்படியாக இடவில்லை!  இதோ அந்த முயற்சியில் வரும் முதல் பதிவு!

கோவை வாசியான நான் விடுமுறைக் காலங்களில் எனது தாத்தா/பாட்டி ஊரான ஈரோட்டுக்குச் செல்வது வழக்கம்! விடுமுறையில் மாலை வேளைகளில் தினந்தோறும் தவறாமல் எனது தாத்தாவுடன் வாக்கிங் கிளம்பி விடுவேன்! வேறெதற்கு?!! புத்தக வேட்டைக்குத்தான்!

வாக்கிங் போகும் வழியிலுள்ள அத்தனை புத்தகக் கடைகளிலும் நோட்டம் விட்டு தினசரி ஒரு புத்தகம் வீதம் வாங்கி விடுவேன்! விடுமுறை முடியும் முன் எப்படியும் கையில் பத்து புத்தகங்களாவது இருக்கும்! இவையெல்லாம் அப்போது புதிதாக கடைகளுக்கு வந்த புத்தகங்கள் என்பதை நினைவில் கொள்ளவும்! விடுமுறை என்பதால் முந்தைய மாத வெளியீடுகளையும் கடைக்காரர்கள் வைத்து விற்பனை செய்து வந்தனர்!

ஆனால் இப்போது அந்தக் கடைகள் ஏதும் இல்லை! ஒன்றைத் தவிர!

ஈரோட்டில் அப்போதும் இப்போதும் புதிய காமிக்ஸ் புத்தகங்கள் வாங்கச் சிறந்த இடம் பேருந்து நிலையத்திலுள்ள புத்தகக் கடையே! இங்கு நான் வாங்கிய பல காமிக்ஸ்கள் இன்னும் பசுமையாக நினைவுள்ளன! முக்கியமாக மினி லயன் வெளியீடுகளான புதிர் குகை! விற்பனைக்கொரு ஷெரீஃப்!  ஆகியவை இன்னும் மனதில் நிற்கின்றன! 

இந்தப் புத்தகக் கடையின் சிறப்பு என்னவென்றால் வேறெந்த ஊரிலும் புதிய காமிக்ஸ் புத்தகங்கள் கிடைக்கும் முன் இங்கு விற்பனைக்கு வந்து விடும்! விடுமுறையில் ஈரோட்டில் வாங்கிய புத்தகங்கள் கோவைக்கு வருவதற்கு குறைந்தது ஒரு மாதமாவது ஆகி விடும்!

ஒரு முறை வழக்கமாக விடுமுறைக்கு வரும் கோடை மலர் ஒன்றை தேர்வுகள் நடக்கும் போதே ஈரோட்டில் எனது தாத்தா வாங்கி எனது தந்தை மூலம் அனுப்பி வைத்தார்! பிறகென்ன தேர்வுக்குப் படித்த மாதிரிதான்! நல்லவேளை பரீட்சையில் நான் கோட்டை விடவில்லை! இல்லையேல் அன்றோடு எனது காமிக்ஸ் சகாப்தம் முடிந்திருக்கும்!

அதெப்படி கோவையில் புத்தகங்கள் கிடைக்கும் முன்னரே ஈரோட்டில் புத்தகங்கள் கிடைக்கின்றன என நான் பல நாட்கள் வியந்திருக்கின்றேன்! சமீபத்தில் தான் அதற்கு விடை கிடைத்தது!

சிவகாசியிலிருந்து கட்டு கட்டாக வரும் புத்தகங்கள் நேராக ஈரோடு பேருந்து நிலையத்தில்தான் இறக்கி வைக்கப்படுகின்றன! இங்கிருந்து தான் கோவை, திருப்பூர், சேலம் போன்ற நகரங்களுக்கு புத்தகங்கள் பிரித்து அனுப்பப்படுகின்றன! சென்னைக்கே கூட இங்கிருந்துதான் புத்தகங்கள் செல்வதாகக் கேள்வி! இது எந்த அளவுக்கு உண்மை என்று தெரியவில்லை! சிவகாசியிலிருந்து ஈரோட்டுக்கு தினசரி நேரடிப் பேருந்து வசதியிருப்பதாலேயே இது சாத்தியப் படுகிறது!

டிஸ்ட்ரிப்யூஷனில் உள்ள கட்டமைப்புகள் எனக்கு அவ்வளவாகப் பரிச்சயமில்லாததால் இது குறித்து நண்பர் கேப்டன் ஹெச்சை மேலும் விளக்கினால் நலம்! 

இதனால் ஈரோடு வாசகர்களுக்கு சந்தாதாரர்களுக்கு முதல் புத்தகம் அனுப்பப்பட்டவுடனேயே அதிலிருந்து ஒரு வாரத்திற்குள்ளாகவே புத்தகம் கிடைத்து விடுகிறது! ஹ்ம்ம்ம்! கொடுத்து வைத்தவர்கள்! கோவைக்கு புத்தகம் வர ஒரு மாதமாவது ஆகிறது!

DSC01328

ஈரோடு பேருந்து நிலைய புத்தகக் கடை!

முன்பு நான்கைந்து கடைகள் இருந்த இடத்தில் இப்போது ஒரேயொரு கடைதான் உள்ளது! புத்தகக் கடைகளுக்குப் பதில் பேக்கரிகள் முளைத்து விட்டன! ஆனால் இன்றளவிலும் ஈரோடு வாசகர்களுக்கு மற்ற ஊர்களுக்கு முன் காமிக்ஸ் புத்தகங்களை முந்தி வழங்கிக் கொண்டுதான் இருக்கிறது ஈரோடு பேருந்து நிலைய புத்தகக் கடை!

அடுத்த முறை நீங்கள் ஈரோடு செல்ல நேர்ந்தால் தவறாமல் ஒரு முறையேனும் இந்தப் புத்தகக் கடையினுள் எட்டிப்பாருங்கள்! புதிதாக காமிக்ஸ் ஏதேனும் வந்திருக்கக் கூடும்!

உங்கள் ஊரிலும் இது போல் புதிய காமிக்ஸ் புத்தகங்கள் கிடைக்கும் கடைகள் உள்ளனவா? அப்படியென்றால் தெளிவான முகவரி, புகைப்படம் இவற்றுடன் எங்களுக்கு மின்னஞ்சல் மூலம் தெரியப்படுத்துங்களேன்! தமிழ் கூறும் காமிக்ஸ் நல்லுலகம் உங்களுக்கு மிகவும் கடமைப்பட்டிருக்கும்!

காமிக்ஸ் புத்தககங்கள் கிடைக்கும் கடைகள் குறித்த கிங் விஸ்வாவின் முந்தைய பதிவைப் படிக்க கீழ்காணும் சுட்டியைப் பயன்படுத்தவும்!

கிறிஸ்துமஸ் ஸ்பெஷல் இலவச இணைப்பு:

சிறு வயது நினைவுகளில் மூழ்க இதோ இன்னுமொரு சமாச்சாரம்!

சென்ற வருடம் இதே சமயத்தில் கிறிஸ்துமஸ் சிறப்புப் பதிவு! ஒன்றை வெளியிட்டோம்! அதைப் படிக்க கீழ்காணும் சுட்டியைப் பயன்படுத்தவும்!

அப்பதிவில் முத்து காமிக்ஸ் # 180 – ஆழ்கடல் அதிரடி! குறித்து விரிவாக அலசியிருப்போம்! ஆனால் அச்சமயத்தில் வெளியிடாத ஒரு தகவலும் உண்டு! அது அப்புத்தகத்துடன் வழங்கப்பட்ட இலவச இணைப்பேயாகும்! அப்போது அந்த இலவச இணைப்பு என்னிடம் கைவசம் இல்லை!

Muthu Comics # 180 - Christmas Special

நெடுநாட்கள் ஆகிவிட்ட படியால் அது என்ன இலவச இணைப்பு என்பதும் எனக்கு ஞாபகம் வரவில்லை! ஆனால் சமீபத்தில் நண்பர் முத்து விசிறியின் உபயத்தால் அந்த இலவச இணைப்பின் ஸ்கேன்கள் சிக்கின! அவருக்கு எனது நன்றிகள்!  

பாக்கெட் சைஸுக்குத் தோதாக எட்டாக மடிக்கப்பட்ட இரு வண்ண அச்சில் ஒரு காகிதம்! அதில் முன் பின் அட்டைப்படங்களில் கிறிஸ்துமஸ் தாத்தா! உள்ளே ஒவ்வொரு பக்கத்திலும் சில புதிர்கள்! முழுவதுமாக விரித்தால் ஒரு பகுதியில் இரும்புக்கை மாயாவியும், C.I.D.லாரன்ஸ்-ம் கொண்ட ஒரு தாய விளையாட்டு! இப்படி அற்புதமாக வடிவமைக்கப்பட்டதொரு இலவச இணைப்பு!

கண்டதும் அப்படியே சிறு வயது நினைவுகளில் மூழ்கி விட்டேன்! இந்த தாய விளையாட்டை அப்போது எத்தனை முறை உருட்டி விளையாண்டிருப்பேன் என்று எனக்கே நினைவில்லை! பின்னர் எப்படியோ தொலைந்து விட்டது! மீண்டும் நினைவு படுத்திய நண்பர் முத்து விசிறிக்கு நன்றிகள்! 

இந்த அற்புத இலவச இணைப்பின் ஸ்கேன்களை வெளியிட இதை விட சிறந்த சந்தர்ப்பம் வேறேதும் சிக்காதென்பதால் இதோ அந்தக் கண்கொள்ளா ஸ்கேன்கள் உங்கள் பார்வைக்கு!

Muthu Comics # 180 - Christmas Special - Free Gift 1Muthu Comics # 180 - Christmas Special - Free Gift 2Muthu Comics # 180 - Christmas Special - Free Gift 3Muthu Comics # 180 - Christmas Special - Free Gift 4

படங்களைக் ‘க்ளிக்’ செய்து பெரிதாக்கிப் பார்த்து மகிழவும்!

பதிவை இவ்வளவு தூரம் பொறுமையாகப் படித்ததற்கு எனது நன்றிகள்!  உங்கள் கருத்துக்களை மறவாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:-

XIII ஜம்போ ஸ்பெஷல் குறித்த செய்திகள்/பதிவுகள்:

பிற XIII பதிவுகள்:

மங்கூஸ் சித்திர நாவல்:

XIII ஜம்போ ஸ்பெஷல் வருவதில் தாமதம் குறித்த புலம்பல்/அலம்பல் பதிவுகள்:

CINEBOOK வெளியிட்டு வரும் XIII ஆங்கிலத் தொடர் குறித்த செய்திப் பகிர்வுகள்:

XIII காமிக்ஸ் ஆங்கிலத்தில் டவுன்லோடு செய்ய:

XIII COLLECTOR’S EDITION WIDGET-ஐ உங்கள் வலைத்தளத்தில் இணைக்க:

Friday, November 12, 2010

அ.கொ.தீ.க. டைம்ஸ்!

வணக்கம்,

இன்று காலை கடைகளுக்கு வந்துள்ள புதிய தலைமுறை (தேதி: 18-11-2010) இதழில் காமிக்ஸ் ரசிகர்களுக்கு ஒரு இனிய செய்தி வந்துள்ளது! அது பிரபல எழுத்தாளரும், வலைப்பதிவருமான யுவகிருஷ்ணா என்கிற லக்கிலுக் எழுதியுள்ள ஒரு கட்டுரையேயாகும்!

லக்கி ஒரு தீவிர காமிக்ஸ் ரசிகர் என்பதுதான் உங்கள் எல்லோருக்குமே தெரியுமே! தான் இன்று வரை ரசித்துப் படித்துக் கொண்டிருக்கும் காமிக்ஸ் பற்றி அவர் ஒரு விரிவான கட்டுரை எழுதியுள்ளார்! கட்டுரையை COMICS FOR DUMMIES ரேஞ்சுக்கு காமிக்ஸ் பற்றி பரிச்சயமே இல்லாத ஆளுக்குக் கூட அதன் மீது ஆர்வம் வரும் வகையில் அவர் எழுதியிருப்பது பாராட்டுக்குரியது! தீவிர காமிக்ஸ் ரசிகர்களுக்கும் அவரது கட்டுரையில் பல ஆச்சரியமூட்டும் விஷயங்கள் தோண்டத் தோண்டக் கிடைக்கும்!

குறைகள் என்று பார்த்தால் லே-அவுட் விஷயத்தில் கொஞ்சம் சொதப்பல்தான்! காமிக்ஸ் கட்டுரை என்றாலே INVARIABLEஆக ஸ்பைடர்மேனையும் பேட்மேனையும் போட்டு ஏன்தான் இப்படிக் கொல்கிறார்களோ?!! ஸ்பைடர் என்று கட்டுரையில் வருவதால் ஸ்பைடர்மேனை போட்டிருப்பார்களோ! ஆனால் இப்படியெல்லாம் ஒரு பத்திரிக்கையில் கட்டுரை வருவதே பெரிய விஷயம் என்பதால் அதையும் கண்டுகொள்ளாமல் விட்டு விடுவதே சாலச் சிறந்தது!

குறிப்பாக திரு.முல்லை தங்கராசன் அவர்கள் பற்றியும், வாண்டுமாமா பற்றியும் அவர் எழுதியிருக்கும் துணுக்குகள் சுவாரசியம் மிகுந்தவை! அவருக்கும் அதை வெளியிட்டு காமிக்ஸுக்கு பெருமை சேர்த்த புதிய தலைமுறை நிறுவனத்தினருக்கும் நம் அனைவரின் சார்பிலும் எனது நன்றிகளும், பாராட்டுகளும்!

இதில் சிறப்பம்சம் என்னவென்றால் நமது தமிழ் காமிக்ஸ் வலையுலக ‘முடி’சூடா மன்னன் கிங் விஸ்வா பற்றியும் எழுதியுள்ளார் லக்கி! கூடவே அவரது புகைப்படமும் வந்துள்ளது! அதையெல்லாம் வெளியிட்டு காலையிலேயே உங்களையெல்லாம் கடுப்பேற்ற வேண்டாமென்று சென்சார் செய்து விட்டேன்!

இதையும் மீறி அவரது புகைப்படத்தை பார்த்தேயாக வேண்டும் என்று அடம் பிடிக்கும் திடசித்தமுடையோர் தயவு செய்து இன்று கடைகளுக்கு வந்துள்ள புதிய தலைமுறை (தேதி: 18-11-2010) இதழை வாங்கிப் பார்த்துக் கொள்ளுமாறு எச்சரிக்கையுடன் கேட்டுக் கொள்ளப் படுகின்றனர்! பின்விளைவுகளுக்கு நான் பொறுப்பல்ல என்பதையும் இங்கே தெரிவித்துக் கொள்கிறேன்!

லக்கியின் கட்டுரையின் முழு ஸ்கேன்களும் இதோ உங்கள் பார்வைக்கு! கட்டுரையில் என்ன எழுதியுள்ளார் என்பதை விளக்கிக் கூறும் தேவை இல்லாததால் நீங்களே படித்து மகிழுங்களேன்!

Puthiya Thalaimurai Issue Dated 18-11-2010 Comics Article Page 1 & 2

Puthiya Thalaimurai Issue Dated 18-11-2010 Comics Article Page 3Puthiya Thalaimurai Issue Dated 18-11-2010 Comics Article Page 4

பதிவை இவ்வளவு தூரம் பொறுமையாகப் படித்ததற்கு எனது நன்றிகள்!  உங்கள் கருத்துக்களை மறவாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

Monday, November 1, 2010

வதந்திகளை நம்பாதீர்கள்!

வணக்கம்,

அனைவருக்கும் இனிய அட்வான்ஸ் தீபாவளி நல்வாழ்த்துக்கள்! இந்தத் தீபாவளியை காமிக்ஸ் ரசிகர்களான நம் அனைவருக்கும் தித்திப்பானதாக ஆக்கிய ஆசிரியர் திரு.S.விஜயன் அவர்களுக்கு நம் அனைவரின் சார்பிலும் இத்தருணத்தில் நன்றிகளையும் பாராட்டுக்களையும் தெரிவித்துக் கொள்கிறேன்!

ஆனால் இந்த இனிய தருணத்தில் கசப்பான சில உண்மைகளையும் உங்களுடன் பகிர்ந்து கொள்ள கடமைப் பட்டிருக்கின்றேன்!

சமீப காலமாகவே தமிழ் காமிக்ஸ்-ன் எதிர்காலம் குறித்த பல வதந்திகள் வாசகர்கள் மற்றும் விற்பனையாளர்கள் மத்தியில் உலவிக் கொண்டு வருகிறது! இவற்றைக் கொளுத்திப் போட்ட புண்ணியவான்கள் யாரென்று தெரியவில்லை! இவற்றை நீங்களும் கேட்டிருக்கக் கூடும்!

ஜம்போ ஸ்பெஷல் தான் ஆசிரியர் திரு.S.விஜயன் அவர்கள் வெளியிடப் போகும் கடைசி இதழ்! இதற்குப் பிறகு அவர் கடையை சாத்தி விட்டு நடையைக் கட்டப் போகிறார்! இத்தனை நாளாக காமிக்ஸ் போட்டு விளைந்த நஷ்டம் ஏராளம் என்பதால் தான் இந்த முடிவு!

அதோடு ஜம்போ ஸ்பெஷல் முன்பதிவு செய்தவர்களுக்கு மட்டுமே கிட்டும்! கடைகளில் வரவே வராது! ஆகையால் கடைகளில் வரட்டும் வாங்கிக் கொள்ளலாம் என்றிருந்தோருக்கு புத்தகம் விற்றுத் தீர்ந்து விட்டது… இனிமேல் கிடைக்கவே கிடைக்காது… என்றெல்லாம் வதந்திகளைக் கிளப்பிவிட்டு அதன் மூலம் ஆதாயம் தேடிக் கொள்கின்றனர் சிலர்!Lion 208 Front Cover

ஜம்போ ஸ்பெஷல் கடைகளுக்கு வராது என்பது உண்மைதான்! இதற்கு காரணம் விற்பனையாளர்கள் இம்முயற்சிக்கு கொடுக்காத ஆதரவே காரணமாகும்! ஆகையால்தான் முன்பதிவு மூலம் நேரடியாக விற்பனை செய்ய முன்வந்தார் ஆசிரியர் திரு.S.விஜயன் அவர்கள்!

முன்பதிவு செய்தோருக்கு முதல் பிரதி கைக்கு வந்துவிட்டதென்று விஷயம் தெரிந்தவுடன் சென்னை, கோவை, திருச்சி முதலிய நகரங்களைச் சேர்ந்த வாசகர்கள் ஊரிலுள்ள கடைகள் அனைத்திற்கும் சென்று புத்தகத்தைத் தேடி ஏமாந்து திரும்பி வந்துள்ளனர்!

அவர்களது ஆர்வக் கோளாறைப் பயன்படுத்தி ரூ:200/- பெறுமானமுள்ள புத்தகம் இப்போதே ரூ:500/- வரை கள்ளச் சந்தையில் விற்பனை செய்யப்பட்டு வருகிறது! முன்பதிவு செய்யத் தோன்றாத இவர்கள் முன்னூறு ரூபாய் அதிக விலை கொடுத்து புத்தகத்தை வாங்கிக் கொள்கின்றனர்! இதனால் யாருக்கு இலாபம்?!! சத்தியமாக ஆசிரியர் திரு.S.விஜயன் அவர்களுக்கு இல்லை!

புத்தகம் வருவதற்கு முன்பே ஒரு சிலர் மொத்தமாக 1500 புத்தகங்களையும் வாங்கி அவற்றை பிரிமியம் விலையில் விற்று கொள்ளை இலாபம் சம்பாதிக்க திட்டமிட்டிருந்தனர்! இதற்காக முதலில் 20 சதவிகிதம் தள்ளுபடியும் கடைசியில் 10 சதவிகிதம் தள்ளுபடியும் கோரப்பட்டது!

ஆனால் ஆசிரியர்.திரு.S.விஜயன் அவர்கள் இதற்கு திட்டவட்டமான மறுப்பு தெரிவித்து விட்டார்! அதனாலேயே இப்போது முன் பதிவு செய்யாதோருக்கும் புத்தகம் கிடைக்க வாய்ப்புள்ளது! இந்த வதந்திகளை பற்றி விசாரிக்க நானும் நண்பர் கிங் விஸ்வாவும் ஆசிரியரை நேரில் சந்தித்த போது அவர் வாயாலேயே இந்த பதிலைக் கேட்டுத் தெரிந்து கொண்டோம்!

அதுமட்டுமின்றி இதுதான் அவர் வெளியிடவிருக்கும் கடைசி இதழ் என்ற வதந்திக்கும் அவர் முற்று புள்ளி வைத்துள்ளார் ஜம்போ ஸ்பெஷலில் வெளிவந்திருக்கும் தன் ஹாட்-லைன் மூலம்!

Lion 208 Hot Line 1Lion 208 Hot Line 1ALion 208 Hot Line 2

புத்தகம் வெளியிட விருப்பமில்லையெனில் ஏன் இவ்வளவு கஷ்டப்பட்டு ஜம்போ ஸ்பெஷலை வெளிக்கொணர வேண்டும் என்பதே அவரது வாதம்! அது மட்டுமின்றி அவர் வருங்காலத்தில் கடை பிடிக்கப் போகும் நேரடி விற்பனை முறையில் விற்பனையாளர்களுக்கு பங்கேதும் இருக்கப் போவதில்லை என்பதால் ஒரு வேளை அவர்களாகவே இவ்வாறு முடிவு செய்திருக்கக் கூடும்!

தற்போதைய நிலவரப்படி பதிக்கப்பட்ட 1500 பிரதிகளில் 1000 முன்பதிவுகள் போக 500 புத்தகங்கள் எஞ்சியுள்ளன! ஆகையால் முன்பதிவுக்கு முந்துங்கள்! காசோலை, வரைவோலை, மணியார்டர் என எவ்வகையிலும் முன்பதிவு தொகையை செலுத்தலாம்! முன்பதிவுக்குத் தொடர்பு கொள்ள வேண்டிய முகவரி:

Lion 208 Advance Booking Coupon

சிங்கத்தின் சிறுவயதில்:

பதிவில் மேட்டர் குறைவாக இருப்பதாலும், சிங்கத்தின் சிறுவயதில் தொடரை நம் வலைத்தளத்தில் தொடர்ந்து தொகுத்து வருவதாலும் இதோ ஜம்போ ஸ்பெஷலில் வெளிவந்த சிங்கத்தின் சிறுவயதில் பக்கங்கள்!

Lion 208 SSV 15ALion 208 SSV 15BLion 208 SSV 15C

கொசுறு காமிக்ஸ் நியூஸ்:

காமிக்ஸ் நியூஸ் போட்டு ரொம்ப நாளாச்சு! அதனாலே இந்த வார குங்குமத்தில வந்த காமிக்ஸ் நியூஸ் உங்கள் பார்வைக்கு! எடிட் செய்ய நேரமில்லாத காரணத்தால் ‘குத்து’ ரம்யா என்று முன்பெல்லாம் செல்லமாக அழைக்கப்பட்ட திவ்யா ஸ்பந்தனாவின் கவர்ச்சிப் படமும் போனஸாக உங்கள் பார்வைக்கு! 

Kungumam - 08-11-2010 - Comics News

பதிவை இவ்வளவு தூரம் பொறுமையாகப் படித்ததற்கு எனது நன்றிகள்!  உங்கள் கருத்துக்களை மறவாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:-

XIII ஜம்போ ஸ்பெஷல் குறித்த எக்ஸ்பிரெஸ் பதிவுகள்:

பிற XIII பதிவுகள்:

மங்கூஸ் சித்திர நாவல்:

XIII ஜம்போ ஸ்பெஷல் வருவதில் தாமதம் குறித்த புலம்பல்/அலம்பல் பதிவுகள்:

CINEBOOK வெளியிட்டு வரும் XIII ஆங்கிலத் தொடர் குறித்த செய்திப் பகிர்வுகள்:

XIII காமிக்ஸ் ஆங்கிலத்தில் டவுன்லோடு செய்ய:

XIII COLLECTOR’S EDITION WIDGET-ஐ உங்கள் வலைத்தளத்தில் இணைக்க:

சிங்கத்தின் சிறுவயதில் அனைத்து பாகங்களையும் படிக்க:

Friday, October 1, 2010

கம்ப்யூட்டர் மனிதன்!

வணக்கம்,

இன்று (அக்டோபர் 1, 2010) ஒரு வழியாக எந்திரன் ரிலீஸ் ஆகிறது! ஆகையால் அக்டோபர் மாதம் அ.கொ.தீ.க.வில் எந்திரன் மாதம்!

அக்டோபர் மாதம் முழுவதும் தமிழ் காமிக்ஸ் உலகில் வலம் வந்த எந்திரன்கள் குறித்த விரிவான ஆராய்ச்சிப் பதிவுகள் உங்கள் அபிமான அ.கொ.தீ.க.வில் இடம்பெறும்!

கிங் விஸ்வாவும், ஒலக காமிக்ஸ் ரசிகரும் களத்தில் குதிக்கப் போவதாக வாக்களித்துள்ளனர்!

தமிழ் காமிக்ஸ் உலகின் எந்திரன்களில் நாம் முதலில் காணப்போவது கம்ப்யூட்டர் மனிதன் பற்றி!

ஆகையால் மொக்கை போட்டு மேலும் நேரத்தை வீணாக்காமல் நேரடியாக பதிவுக்கு போவோம்!

புத்தக விவரங்கள்:

அட்டைப்படம் Junior & Mini Lion Comics # 8 - Computer Manidhan - Cover
கதை கம்ப்யூட்டர் மனிதன்!
இதழ் ஜூனியர் & மினி லயன் (மாத இதழ்)
வெளியீடு # 8
முதல் பதிப்பு செப்டம்பர் 1987
மறுபதிப்புகள் இதுவரை இல்லை
பதிப்பகம் பிரகாஷ் பப்ளிஷர்ஸ்
ஆசிரியர் S.விஜயன்
அச்சிட்டோர் தி விஜய் புக்ஸ்
நாயகர்(கள்) கம்ப்யூட்டர் மனிதன் டெவில்
மூலம் M.A.C.H.1 - VULCAN (ஆங்கிலம்)
இதழ் 2000AD (Weekly)
வெளியீடு # PROG 1 - 2
முதல் பதிப்பு 26 FEB 77 - 05 MAR 77
பதிப்பகம் IPC MAGAZINES LTD.
மறுபதிப்பு EAGLE (30 AUG 1986 - 29 AUG 1987)
கதை PAT MILLS (1)/ROBERT FLYNN (2)
ஓவியம் ENIO (1)/IAN KENNEDY (2)
தமிழில் S.விஜயன்
பக்கங்கள் 132 (32 முழு வண்ணம் + 96 கறுப்பு வெள்ளை)
சைஸ் 10cmx14cm
விலை ரூ:2.50/- (1987 முதல் பதிப்பின் போது)
முதல் பக்கம் Junior & Mini Lion Comics # 8 - Computer Manidhan - Page 55
CREDITS Junior & Mini Lion Comics # 8 - Credits

விளம்பரம்:

இவ்விதழ் சுதந்திர தின ஸ்பெஷல்! என விளம்பரப்படுத்தப்பட்டது! ஆரம்பத்தில் வந்த விளம்பரத்தில் கம்ப்யூட்டர் மனிதன் இல்லை, ஆனால் புத்தகத்தில் சொல்லாமல் கொள்ளாமல் வந்திறங்கினார்!

Junior & Mini Lion Comics # 7 - Next Issue - AdLion Comics # 41 - On Sale - Ad

ஆனால் பின்னால் வந்த விற்பனையாகிறது விளம்பரத்தில் இது அறைகுறையாக நிவர்த்தி செய்யப்பட்டது!

பிற கதைகள்:

இதில் கம்ப்யூட்டர் மனிதன்! தவிர வேறிரு கதைகளும் வந்தன! அவை ஸ்பைடர் படை! மற்றும் கொரில்லா தீவு! ஆகும்! இதோ அவற்றின் முதல் பக்கங்கள் உங்கள் பார்வைக்கு!

Junior & Mini Lion Comics # 8 - Spider Padai

இந்தக் கதை தான் ஆங்கிலத்தில் ஸ்பைடரின் முதல் கதையாகும்! இதில் தான் இவர் ஆர்டினியையும், பெல்ஹாமையும் சந்தித்து தனது குற்ற சாம்ராஜ்யத்தை நிறுவுவார்! இன்ஸ்பெக்டர்கள் கில்மோரும், ட்ராஸ்கும் கூட இதில் தான் முதன் முதலில் தோன்றினர்!

ஸ்பைடர் குறித்த மேல் விவரங்களுக்கு கிங் விஸ்வாவின் கீழ்காணும் சுட்டியிலுள்ள பதிவைப் படிக்கவும்!

Junior & Mini Lion Comics # 8 - Gorilla Theevu

கொரில்லா தீவு! கதை குறித்து மேல் விவரங்கள் ஏதும் இப்போது கைவசம் இல்லை! மன்னிகவும்!

Pat Millsசுவாரசியமான துணுக்குகள்:

  • தமிழில் வெளிவந்த ஒரே சுதந்திர தின ஸ்பெஷல்! காமிக்ஸ் இதுதான்!
  • இக்கதைத் தொடரின் ஆங்கில மூலம் 2000AD வாராந்திர இதழில் தொடராக வெளிவந்தது! வாராவாரம் புது ஆசிரியர்/ஓவியர் டீமுடன் கதைகள் வெளிவந்தன! இது மட்டுமல்ல, 2000ADல் வெளிவந்த அனைத்துக் கதைகளும் இப்படித்தான்!
  • இக்கதைத் தொடரின் ஆசிரியர்களில் ஒருவரான PAT MILLS பிரிட்டிஷ் காமிக்ஸ் பிதாமகர்களில் ஒருவராக கருதப்படுகிறார்! உலகப் புகழ் பெற்ற பிரிட்டிஷ் காமிக்ஸ் ஹீரோவான JUDGE DREDDஐ உருவாக்கியவர்! BATMAN கதைகள் பலவற்றையும் இவர் எழுதியுள்ளார்! கம்ப்யூட்டர் மனிதனையும் உருவாக்கியவர் இவர்தான்! இவரைப் பற்றி மேலும் தகவல்கள் தெரிந்து கொள்ள கீழ்காணும் சுட்டிகளைப் பயன்படுத்தவும்!
  • இக்கதைத் தொடரின் ஓவியர்களில் ஒருவரான IAN KENNEDY பல கதைகளுக்கு அற்புதமான ஓவியங்கள் மூலம் உயிரூட்டியுள்ளார்! தமிழில் இவரது ஓவியங்களுடன் சில பல கதைகள் வந்துள்ளன! அவற்றைப் பற்றி பிறகு பார்ப்போம்! இவரைப் பற்றி மேலும் தகவல்கள் தெரிந்து கொள்ள கீழ்காணும் சுட்டிகளைப் பயன்படுத்தவும்!
  • இக்கதைதொடர் THE SIX MILLION DOLLAR MAN என்ற பிரபல தொலைக்காட்சித் தொடரைத் தழுவியே அமைக்கப்பட்டதாகும்! கம்ப்யூட்டர் மனிதனின் தோற்றம் கூட அத்தொடரின் நாயகனின் உருவத்தையே ஒத்திருக்கும்! இத்தொலைக்காட்சித் தொடர் பற்றி மேலும் தகவல்கள் தெரிந்து கொள்ள கீழ்காணும் சுட்டியைப் பயன்படுத்தவும்! SixMillionDollarMan
  • M.A.C.H.1 எனபதன் விளக்கம் MAN ACTIVATED BY COMPU-PUNTURE HYPERPOWER என்பதாகும்! இத்தொடரின் நாயகனின் பெயர் JOHN PROBE என்பதாகும்! ஆனால் இதையெல்லாம் படிக்கும் அந்த காலத்து இளம் தமிழ் காமிக்ஸ் புரவலர்களின் வாய்களில் இந்தப் பெயர்களெல்லாம் சுத்தமாக நுழையாது என்பதை நன்குணர்ந்த ஆசிரியர் திரு.S.விஜயன் அவர்கள் அருமையாக கம்ப்யூட்டர் மனிதன் டெவில் என்று பெயர்மாற்றம் செய்து வெளியிட்டுள்ளார்!
  • இக்கதைத் தொடர் 2000AD வாராந்திரப் பத்திரிக்கையில் 27 ஃபிப்ரவரி, 1977 முதல் 13 மே 1978 வரை வெற்றிகரமாக வெளிவந்தது! JUDGE DREDD கதாபாத்திரம் புகழ்பெறும் முன்னர் இக்கதைத்தொடரே 2000ADல் மிகப் பிரபலம்! அப்போது 2000ADல் வெளிவந்து கொண்டிருந்த பிரிட்டிஷ் காமிக்ஸின் ஆஸ்தான நாயகனான DAN DAREஐ விட இத்தொடர் பிரபலமடைந்தது!
  • பின்னர் EAGLE வாராந்திரப் பத்திரிக்கையில் 30 ஆகஸ்ட், 1986 முதல் 29 ஆக்ஸ்ட், 1987 வரை மறுபதிப்பு செய்யப்பட்டது! அநேகமாக நமது ஆசிரியர் திரு.S.விஜயன் அவர்கள் EAGLEல் வந்த மறுபதிப்பையே நமக்கு வழங்கியிருக்க வேண்டும் என்பது எனது கணிப்பு!

ஆங்கில மூலம்:

கதையின் ஆங்கில மூலம் முழுவதும் உங்கள் பார்வைக்கு! படித்து மகிழுங்கள்!

2000AD # 1 - Cover2000AD # 1 - M.A.C.H.1 - Page 202000AD # 1 - M.A.C.H.1 - Page 212000AD # 1 - M.A.C.H.1 - Page 222000AD # 1 - M.A.C.H.1 - Page 232000AD # 1 - M.A.C.H.1 - Page 242000AD # 2 - Cover2000AD # 2 - M.A.C.H.1 - Page 112000AD # 2 - M.A.C.H.1 - Page 122000AD # 2 - M.A.C.H.1 - Page 132000AD # 2 - M.A.C.H.1 - Page 142000AD # 2 - M.A.C.H.1 - Page 15

இக்கதைத் தொடர் குறித்து மேலும் தகவல்கள் தெரிந்து கொள்ள கீழ்காணும் சுட்டிகளைப் பயன்படுத்தவும்!

நிறைகள்:

  • ஆக்‌ஷன் ரசிகர்களுக்கு, சரியான விருந்து!
  • அற்புதமான ஓவியங்கள்! அதுவும் முழு வண்ணத்தில்!

குறைகள்:

  • ஒரேயொரு கதையோடு தொடரை நிறுத்தியது! எந்திரன் போல் அல்லாமல் கம்ப்யூட்டர் மனிதன் வந்ததும் தெரியவில்லை, போனதும் தெரியவில்லை!

நன்றிகள்:

  • முத்து விசிறி – வழக்கம் போல ஆங்கிலத் தொடரின் அனைத்து விவரங்களையும் அளித்தமைக்கு!
  • ஆசிரியர் திரு.S.விஜயன் அவர்கள் – இக்கதைத் தொடரை நமக்கு அறிமுகம் செய்தமைக்கு!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!

தொடர்புடைய இடுகைகள்:

நூற்றாண்டின்  நாயகன் ஸ்பைடர்:

ஜூனியர் & மினி லயன்:

Wednesday, August 4, 2010

ஜான் மாஸ்டர்!

வணக்கம்,

சமீபத்தில் கிங் விஸ்வா வெளியிட்டிருந்த காமிக்ஸ் கேள்வி-பதில் பதிவில் நண்பர்கள் சிலர் ஜான் மாஸ்டர் குறித்து விவரங்கள் கேட்டிருந்தனர்! அவர்களது கேள்விகளுக்கு பதில் கூறும் விதமாகவே இப்பதிவு வந்திருக்கிறது! விம்பிள்டன் போட்டிகளின் போதே வெளியிடப்பட்டிருக்க வேண்டிய பதிவு இது! ஆனால் சரியான விவரங்கள் கிடைக்கப் பெறாததால் மிகத் தாமதமாக வருகிறது!

இச்சமயத்தில் எனக்கும் கிங் விஸ்வாவுக்கும் உள்ள வேண்டப்பட்ட விரோதம் குறித்து எழுதியே ஆக வேண்டும்! அவர் தீவிர ரோஜர் ஃபெடரர் வெறியர்! எனக்கு ரஃபேல் நடால்-ஐயும் பிடிக்கும்! இம்முறை ரஃபா விம்பிள்டனில் இரண்டாவது முறையாக வெற்றிவாகை சூடியதில் மனிதர் கடுமையாக கொந்தளித்துப் போயிருக்கிறார்! அதுவும் ஃபைனலில் ஒரு செட்டைக் கூட வெல்ல முடியாத ஒரு மொக்கைப் பாண்டியிடம் அவரது ஆள் குவார்ட்டர்-ஃபைனலிலேயே தோற்றதை அவரால் ஜீரனிக்கவே முடியவில்லை! அவரை சாந்தப் படுத்தும் விதமாக இப்பதிவை அவருக்கு சமர்ப்பிக்கிறேன்!

ஓகே! மொக்கை போட்டது போதும்! இனி மேலும் நேரத்தை வீணாக்காமல்  நேரடியாக பதிவுக்கு போவோம்!

புத்தக விவரங்கள்:

அட்டைப்படம் Lion Comics # 013 - Sadhi Valai
கதை சதி வலை!
இதழ் லயன் காமிக்ஸ் (மாத இதழ்)
வெளியீடு 13
முதல் பதிப்பு மே 1985 (கோடை மலர்)
மறுபதிப்புகள் இதுவரை இல்லை
பதிப்பகம் லயன் காமிக்ஸ்
ஆசிரியர் S.விஜயன்
அச்சிட்டோர் முத்து ஃபைன் ஆர்ட் பப்ளிகேஷன்ஸ், சிவகாசி
நாயகர்(கள்) ஜான் மாஸ்டர்
மூலம் MASTER-SPY (ஆங்கிலம்)
இதழ் TIGER (Weekly)
வெளியீடு IPC MAGAZINES LTD.
முதல் பதிப்பு APR 1983 TO JAN 1984
கதை ???
ஓவியம் SANDY JAMES
தமிழில் S.விஜயன்
பக்கங்கள் (கருப்பு வெள்ளை)
சைஸ் 8"x11"
விலை ரூ:4/- (1985 முதல் பதிப்பின் போது)
CREDITS Lion Comics # 013 - Sadhi Valai - Credits
விளம்பரம் Lion Comics # 011 - Sadhi Valai - AdLion Comics # 12 - Sadhi Valai - Ad
முதல் பக்கம்

விம்பிள்டன்-ஐ வெல்ல வேண்டும் என்கின்ற இங்கிலாந்து கனவு இதில் வெளிப்படுகிறது! ஆனால் இன்னும் எந்த இங்கிலீஷ்காரனும் விம்பிள்டன் ஃபைனலுக்கு கூட போகவில்லை என்பது வேடிக்கையான வினோதம்!

Lion Comics # 013 - Sadhi Valai - First Page

வாசகர் கடிதம் அந்த காலத்து லயன் காமிக்ஸ்களில் ராணி காமிக்ஸ் ஸ்டைலில் சிறப்பான விமர்சனங்களுக்கு ரூ.25/- பரிசு! வழங்கப்பட்டது! இதோ அதற்கான அறிவிப்பு!
Lion Comics # 013 - Sadhi Valai - Rs.25 Parisu

லயன் காமிக்ஸ் # 015 - சைத்தான் விஞ்ஞானி-ல் வெளிவந்த வாசகர் கடிதம் பகுதி!
Lion Comics # 015 - Vasagar Kaditham

பரிசு பெற்ற அந்த விமர்சனம் இதோ!
Lion Comics # 015 - Vasagar Kaditham - Rs.25 Parisu

அட்டைப்படம் Lion Comics # 023 - Moscowil Master
கதை மாஸ்கோவில் மாஸ்டர்!
இதழ் லயன் காமிக்ஸ் (மாத இதழ்)
வெளியீடு 23
முதல் பதிப்பு மார்ச் 1986
மறுபதிப்புகள் இதுவரை இல்லை
பதிப்பகம் லயன் காமிக்ஸ்
ஆசிரியர் S.விஜயன்
அச்சிட்டோர் முத்து ஃபைன் ஆர்ட் பப்ளிகேஷன்ஸ், சிவகாசி
நாயகர்(கள்) ஜான் மாஸ்டர்
மூலம் MASTER-SPY (ஆங்கிலம்)
இதழ் TIGER (Weekly)
வெளியீடு IPC MAGAZINES LTD.
முதல் பதிப்பு APR 1983 TO JAN 1984
கதை ???
ஓவியம் SANDY JAMES
தமிழில் S.விஜயன்
பக்கங்கள் (கருப்பு வெள்ளை)
சைஸ் 10cmx14cm
விலை ரூ:2.50/- (1986 முதல் பதிப்பின் போது)
CREDITS Lion Comics # 023 - Moscowil Master - Credits
விளம்பரம் Lion Comics # 022 - Moscowil Master - AdThigil # 03 - Moscowil Master - Ad
முதல் பக்கம்

Lion Comics # 023 - Moscowil Master - First Page

வாசகர் கடிதம் Lion Comics # 024 - Vasagar Kaditham

சுவாரசியமான துணுக்குகள்:

  • இக்கதைத் தொடரின் ஓவியர் SANDY JAMES நமக்கெல்லாம் மிகவும் பரிச்சயமானவர்! அதிரடிப் படை, சூப்பர் ஹீரோ டைகர் (ராணி காமிக்ஸ்) கதைகளுக்கு துடிப்பான ஓவியங்கள் வரைந்தது இவர்தான்! துரதிர்ஷ்டவசமாக இவரைப் பற்றிய தகவல்கள் இனையத்தில் எதுவும் கிடைக்கவில்லை! மன்னிக்கவும்! இவரது அற்புத ஓவியங்கள் இக்கதைத் தொடருக்கு மேலும் மெருகூட்டுகின்றன!
  • லயன் காமிக்ஸ் # 013 - சதி வலை! தான் லயன் காமிக்ஸ்-ன் முதல் கோடை மலர் ஆகும்! பெரிய சைஸில் ரூ.4/- விலையில் அசத்தலான இந்த புத்தகம் காமிக்ஸ் வேட்டையர்களின் கனவு பொக்கிஷங்களில் ஒன்று! INFACT ஜான் மாஸ்டர் தோன்றும் இவ்விரு புத்தகங்களும் கிடைப்பது மிகவும் அரிது!
  • தமிழில் வெளிவந்த முதல் விளையாட்டு சம்பந்தப்பட்ட காமிக்ஸ் ஹீரோ ஜான் மாஸ்டர் தான் என்பது எனது கருத்து! இவரது வெற்றிக்கு இதுவும் ஒரு காரணமாக இருக்கலாம்!
  • இவரது கதைகளில் இவரது கோணங்கி அஸிஸ்டெண்டாக வரும் ராபின் கதாபாத்திரம் காமிக்ஸ் ரசிகர்களின் மனதை மிகவும் கவர்ந்த ஒன்றாகும்! சூப்பர் ஹீரோ டைகர்-க்கு ஒரு ஹென்றி போல் ஜான் மாஸ்டர்-க்கு ஒரு ராபின் அமைந்தது அவரது அதிர்ஷ்டமே! இவரது கண்டுபிடிப்புகள் ஆபத்து நேரத்தில் வேலை செய்கிறதோ இல்லையோ நிச்சயம் சிரிப்பை வரவழைக்கும்! ஆனால் இவரது ஆங்கில ஒரிஜினல் பெயர்தான் (FERGUS THATERY) வாயில் நுழைய மாட்டேனென்கிறது!
  • மொத்தம் இரண்டேயிரண்டு கதைகளில் மட்டுமே வந்திருந்தாலும் கூட தமிழ் காமிக்ஸ் ரசிகர்களின் மனதில் நீங்கா இடம் பெற்றுவிட்டார் ஜான் மாஸ்டர்! ஆனால் ஆங்கிலத்தில் இவரது நிலைமை பரிதாபகரமானது! இவர் குறித்த இந்த அற்ப தகவல்களை தேடிப் பிடிப்பதற்கே இவ்வளவு காலம் ஆகிவிட்டது! அதுவும் இவர் தோன்றிய TIGER வார இதழ் இவர் போன்ற விளையாட்டு வீரர்களை நாயகர்களாகக் கொண்ட காமிக்ஸ்களுக்கு பெயர் போனது! இவர்களுள் ROY OF THE ROVERS மட்டும் மிகப் பிரபலம்!  ஆனால் பல டஜன் கதாநாயகர்களுள் ஜான் மாஸ்டர் காணாமல் போய் விட்டது நமது துரதிர்ஷடமே!

ஆங்கில மூலம்:

இத்தொடரின் ஆங்கில மூலம் ஆன்-லைனில் கிடைப்பதென்பது வெகு அரிதாக உள்ளது! இது வரையில் இது ஒரு பாகம் மட்டுமே ஆன்-லைனில் கிடைத்தது! தமிழில் கூட புத்தகங்கள் எளிதாக கிடைத்துவிடும் போலிருக்கிறது! லயன் காமிக்ஸ் # 023 - மாஸ்கோவில் மாஸ்டர்! கதையிலிருந்து சில பக்கங்கள் உங்கள் பார்வைக்கு!

000190002000021

ஹாட்-லைன்:

ஜான் மாஸ்டர் கதைகள் ஏன் தொடர்ந்து வருவதில்லை என்று வாசகர்கள் பலரும் ஆசிரியர் திரு.S.விஜயன் அவர்களை பலமுறை கேட்டிருக்கின்றனர்! அவர் எழுதிய முதல் ஹாட்-லைன்-லும் இக்கேள்வி கேட்கப்பட்டது! அதற்கு அவர் அளித்துள்ள சுவாரசியமான பதிலைப் படித்து மகிழுங்கள்!

Lion Comics # 042 - Lion Deepavali Super Special - Hotline

சிங்கத்தின் சிறுவயதில்:

ஜான் மாஸ்டர் குறித்து சிங்கத்தின் சிறுவயதில் தொடரில் ஆசிரியர் திரு.S.விஜயன் அவர்கள் கூறியுள்ளதைப் படித்து மகிழுங்கள்!

Lion Comics # 192 - Singathin Siruvayadhil - John Master

சிங்கத்தின் சிறுவயதில் அனைத்து பாகங்களும் படிக்க:

நிறைகள்:

  • ஆக்‌ஷன் ரசிகர்களுக்கு சரியான விருந்து! விளையாட்டு சார்ந்திருப்பது கூடுதல் சிறப்பு!
  • அட்டகாசமான ஓவியங்கள்! அதிரடி கதைத் திருப்பங்கள்! ஒரே மூச்சில் படிக்கத் தூண்டும் ஜெட் வேக கதையமைப்பு!

குறைகள்:

  • ஒன்றும் இல்லை! கதைத் தொடர் இரண்டு கதைகளோடு முடிந்து விட்டதைத் தவிர!

நன்றிகள்:

  • முத்து விசிறி – வழக்கம் போல ஆங்கிலத் தொடரின் அனைத்து விவரங்களையும் அளித்தமைக்கு!
  • ஆசிரியர் திரு.S.விஜயன் அவர்கள் – இக்கதைத் தொடரை நமக்கு அறிமுகம் செய்தமைக்கு!
  • பதிவை இவ்வளவு தூரம் பொறுமையாகப் படித்த உங்களுக்கும்தான்!

வழக்கம் போல உங்கள் கருத்துக்களைத் தவறாமல் பின்னூட்டங்களாகப் பகிர்ந்து கொள்ளுங்கள்!

இப்போதைக்கு அவ்வளோதான்,
மீண்டும் சந்திப்போம்!